மர்லின் மன்றோவின் அரியப் புகைப்படங்களின் தொகுப்பு!

நடிகைகள் மற்றும் மர்மமான மரணம் என்றாலே இந்தியாவின் பாலிவுட் நடிகை திவ்ய பாரதி முதல் கோலிவுட் நடிகை சில்க் ஸ்மிதா வரையிலுமான நடிகைகள் தான் நாம் நினைவிற்கு வருவார்கள். ஆனால், இதற்கு எல்லாம் ஆரம்பப் புள்ளியாக அமைந்திருந்தது ஹாலிவுட்டின் ஆல் டைம் ஃபேவரைட் மற்றும் உலகம் முழுவதும் தன் கவர்ச்சி மூலம் பெரும் ரசிகர் கூட்டம் உருவாக்கி வைத்திருந்த நடிகை மர்லின் மன்றோவின் மரணம்.

தனது குழந்தை பருவத்தில் இருந்தே பெரிதாக சந்தோஷம் என்று எதுவும் அறியாத பெண். மிக இளமையிலேயே திருமணம் செய்துக் கொண்டார். திருமணத்திற்கு பிறகு தான், அவருக்கு தான் வேலை செய்யும் இடத்திற்கு வந்து செல்லும் ஒரு கஸ்டமர் மூலமாக மாடலிங் மற்றும் விளம்பரத்தில் நடிக்கும் வாய்ப்புகள் அமைந்தன.

Image Source: pinterest

இவரது அழகினை படம்பிடிக்க விரும்பாத ஃபேஷன் போட்டோகிராபர்களே இல்லை என்று கூறும் அளவிற்கு இவரது அழகும் கவர்ச்சியும், கேமரா கண்களையும், ஃபிளேஷ்களையும் ஈர்த்தன. மாடலிங்கில் வெற்றிக் கண்டார். அதே சமயம் தனது திருமண வாழ்வில் தோல்வி அடைந்தார். இவரது திருமண வாழ்க்கை விவாகரத்தில் முடிந்தது.

விவாகரத்துக்கு பிறகு மர்லின் மன்றோ இன்னமும் பிரபலமாக ஆரம்பித்தார். மாடலிங் உலகை தொடர்ந்து திரைத்துறையிலும் வெற்றிப்பெற துவங்கினார் மர்லின் மன்றோ. இவரது அழகும், கவர்ச்சியும் உலகளாவிய பெரும் ரசிகர் கூட்டத்தை தன்பக்கம் சுண்டி இழுக்க உறுதுணையாக இருந்தன.

மர்லின் மன்றோவிற்காகவே திரைப்படங்களை காண தனியாக ஒரு கூட்டம் அலைமோதியது. இது அமெரிக்காவில் மட்டுமின்றி, ஐரோப்பியா, ஆசிய கண்டங்களிலும் பரவியது. இவரை சுற்றி புகைப்படக் கலைஞர்கள் குவிந்திருப்பது போலவே, ஒரு கட்டத்தில் கிசுகிசுக்களும் ஏகபோகமாக அதிகரிக்க துவங்கின.

நிறைய காதல் கதைகள் இவரை சுற்றிப் பின்னப்பட்டன. அதில் சிலவன உண்மையும் கூட. மர்லின் மன்றோ ஒரு பெரும் பிரபலமாக உருவாகி இருந்தார். அப்போது தான் அவருக்கும் அப்போது அமெரிக்க அதிபராக இருந்த ஜான். எப். கென்னடிக்கும் கள்ளத் தொடர்பு இருப்பதாக செய்திகள் வெளியாகின. இதை பலரும் ஊர்ஜிதம் செய்தனர்.

ஒரு நாள் யாரும் எதிர்பாராத வகையில் மர்லின் மன்றோ தற்கொலை செய்து இறந்துவிட்டார் என்ற செய்தி மட்டுமே அதிர்ச்சி அளிக்கும் வகையில் வெளியானது. அவரது ரசிகர் பலரும், இது தற்கொலை அல்ல திட்டமிட்ட கொலை என கூறினார்கள். இவரது மரணத்தை சுற்றி பல ஆண்டுகளாக முடிச்சவிழ்க்க படாத மர்மம் ஒன்று பூட்டிக் கிடைக்கிறது.

இனி! மர்லின் மன்றோவின் அரியப் புகைப்படங்களை காணலாம்...