தேசத்துக்கே டீ ஆத்தும் அண்ணி... வீடியோக்களை தெறிக்கவிடும் சென்சேஷனல் பெண்மணி!

லேடி மண்ணை சாதிக்!

கடந்த சில நாட்களாக ஃபேஸ்புக், வாட்ஸ்-அப் என சமூக தள செயலிகளில் தீயாக பரவி வருபவர் இந்த பெண்மணி. இன்ஸ்டாகிராமில் கூட இவரது வீடியோக்கள் அதிகம் பகிரப்படுவதாக நெட்டிசன்கள் கூறுகிறார்கள். மண்ணை சாதிக் போல ஹல்லோ பிராண்ட்ஸ் என்று கேலியாக அழைக்கும் பழக்கம் கொண்டிருக்கும் இந்த பெண்மணி இந்தியாவை சேர்ந்தவர்.

இவரை அனைவரும் பாபி என்று அழைக்கிறார்கள். அதாவது இந்தியில் அண்ணி என்று பொருள். இவர் தனது வீடியோக்கள் மூலம் தனது ஆயிரக்கணக்கான ரசிகர்களை தேநீர் பருக கூறியும், உணவருந்த கூறியும் வற்புறுத்துகிறார். தேசி பாபி (Desi Bhabhi) என்று அழைக்கப்படும் இந்த பெண்ணின் உண்மை பெயர் சோம்வதி மகாவர்.

டீ குடிங்க!

ஒரு விஜய் படத்தில் டீ சாப்பிட்டீங்களாண்ணா, டிபன் சாப்டீங்களாண்ணா என்று கேட்டு, கேட்டு மணிவண்ணனை கடுப்படிப்பது போன்ற நகைச்சுவை காட்சி ஒன்று இடம் பெற்றிருக்கும். ஏறத்தாழ அவர்களை போல தான் இந்த பெண்மணியும், டீ குடிக்க சொல்லி தொந்தரவு செய்துக் கொண்டிருக்கிறார்.

ஒருமுறை, இரண்டு முறை அல்ல... எண்ணிலடங்காத முறை தனது வீடியோக்களில் டீ குடிக்க கூறுவது, டீ கொடுப்பது, ஸ்நாக்ஸ் சாப்பிடு அழைப்பது போன்ற வீடியோக்களை இந்த பெண்மணி பதிவு செய்துக் கண்டே இருக்கிறார்.

வைரல்!

ஏறத்தாழ சமீபத்தில் டாக் ஆப் தி டவுன் என்று அறியப்படும் நபராக மாறி இருக்கிறார் சோம்வதி. வீடியோக்கள் பதிவு செய்து தனது ரசிகர்களுடன் பேசுவதில் பேரார்வம் கொண்டிருக்கிறார் சோம்வதி. ஏதோ ஒருசில வீடியோக்கள் மூலம் இவர் வைரலாகி இருக்கிறார் என்று எண்ணிவிடாதீர்கள். ஏறத்தாழ நானூறுக்கும் மேற்பட்ட வீடியோக்களை பதிவிட்டுள்ளார் இந்த பெண்.

ஊர், பெயர்?

இவரது பெயர் சோம்வதி மகாவர் என்பது மட்டுமே பெரும்பாலும் அனைவரும் அறிந்து வைத்திருக்கும் தகவல். இவர் எந்த ஊரை சேர்ந்தவர்கள், இவர் யார், என்ன செய்து வருகிறார் என்ற வரலாறு எதுவும் யாருக்கும் தெரியாது.

விகோ வீடியோ எனும் சமூக செயலி மூலம் தனது 15 நொடி வீடியோக்களில் தோன்றி இந்திய நெட்டிசன்களை குதுகலப்படுத்தி வருகிறார் சோம்வதி. இவர் பெரும்பாலும் தனது வீடியோக்களில் பேசும் வார்த்தை... டீ குடிங்க என்பது தான்.

இவரது அனைத்து வீடியோக்களும் ஆயிரத்திற்கும் மேற்ப்பட்ட பார்வைகளை கொண்டிருக்கிறது.

ரசிகர்கள்!

விகோ வீடியோ எனப்படுவது ஒரு சமூக செயலி. இதில் சிறிய அளவிலான வீடியோக்களை எடுத்து பகிரலாம். சோம்வதி இதுநாள் வரை நானூறுக்கும் மேற்பட்ட வீடியோக்களை பதிவிட்டுள்ளார். இவருக்கு 9 ஆயிரத்திற்கும் மேற்பட்ட நண்பர்களும், 28 ஆயிரத்திற்கும் மேற்பட்ட பின்தொடர்பாளர்களும் இருக்கிறார்கள்.

பாசமா?

சோம்வதி மகாவர் டீ மட்டும் குடிக்க அழைப்பது இல்லை, பன்னீர் உணவுகள், மாங்காய் உணவுகள் மற்றும் பலவகையிலான உணவுகளை அளித்து சாப்பிட கூறுகிறார். சில சமயங்களில் பல பாடல்களுக்கு நடனமும் ஆடி வீடியோக்களை பதிவிடுகிறார் சோம்வதி மகாவர்.

மோகம்!

இவர் தனது ஒரு வீடியோவில் பேசிக் கொண்டே தான் அணிந்திருக்கும் நெக்லஸ் ஒன்றை ரசிகர்களுக்கு காட்டிக் கொண்டிருக்கிறார். அப்போது மேகராவுக்கு முன் சோம்வதியின் மகன் குறுக்கே வந்து நின்ற காரணத்தால்.... சமுக தளத்தின் மீதிருந்த மோகம் கண்ணை மறைக்க... பெற்ற மகனை உதாசீனமாக பிடித்து தள்ளி விடுவது போன்ற காட்சியும் பதிவாகியுள்ளது.

கிறுக்குத்தனம்!

இன்றைய நாளில் எப்படியாவது பிரபலமாகிவிட வேண்டும் எண்ணம் சாமானிய மக்கள் மத்தியில் இருக்கிறது. அனைவரும் ப்ரியா வாரியார் ஆக ஆசைப்படுகிறார்கள். சிலர் மண்ணை சாதிக் போல லெஜண்ட் ஆக விரும்புகிறார்கள்.

ஆனால், இது இப்படியே போனால் ஒரு கட்டத்தில் சமூக தளங்களில் கிறுக்கர்கள் எண்ணிக்கை ஏகபோகமாக எகிறும் என்பது மட்டும் உறுதி. ஏற்கனவே தமிழ்நாட்டில் ஒரு 'ஆண்டி' வயது பெண்மணி செய்து வரும் அலம்பல் தாங்க முடியாமல் போய் கொண்டிருக்கிறது.