ஐ.பி.எல் வைரல் பொண்ணு: யார் இந்த சி.எஸ்.கே'வின் சூப்பர் ரசிகை? தெரிஞ்சா அசந்து போயிடுவீங்க!

சிக்ஸ், ஃபோர், விக்கெட்!

சென்னை சூப்பர் கிங்ஸ் அணியின் பந்து வீச்சாளர்கள் விக்கெட்டுகள் சாய்க்கும் போதும், தோனி பந்துகளை சிக்ஸர் மற்றும் பவுண்டரிகளுக்கு விரட்டும் போதிலும் அந்த பெண் துள்ளி குதுத்தி ஆரவாரமாக கத்தி சென்னை சூப்பர் கிங்ஸ் அணிக்கு உற்சாகம் ஊட்டுகிறார். நடப்பு ஐபிஎல் போட்டியில் சாக்ஷி, அனுஷ்கா ஷர்மாவுக்கு இனியாக டிவியில் தோன்றி இருக்கிறார் இந்த பெண்ணும். சரி யார் தான் இந்த பெண்? இவர் எப்படி பிரபலமாகி வருகிறார்?

மால்தி சாஹர்!

செம்ம வைரலாகி வரும் இந்த பெண்ணின் பெயர் மால்தி சாஹர். இவர் சென்னை சுப்பர் கிங்ஸ் அணியின் பந்து வீச்சாளர் தீபக் சாஹரின் சகோதரி. இவரது மற்றொரு சகோதரர் ராகுல் சாஹர் அண்டர் 19 இந்திய அணியில் இடம் பெற்றிருக்கிறார். இவர் இந்த ஐபிஎல்'ல் மும்பை இந்தியன்ஸ் அணியால் ஏலத்தில் எடுக்கப்பட்டுள்ளார் என்பது குறிப்பிடத்தக்கது.

போட்டோ, வீடியோ!

ஸ்டேடியத்தில் அமர்ந்து ரசிகர்களுடன் சென்னை சூப்பர் கிங்ஸ் அணி வீரர்களை உற்சாக படுத்துவதை தாண்டி. தனது சகோதரர் சென்னை சூப்பர் கிங்ஸ் அணியில் விளையாடி வருவதால், அந்த பவரை பயன்படுத்தி வீரர்களுடன் புகைப்படம், வீடியோக்கள், செல்ஃபீ எடுத்து அதை தனது இன்ஸ்டாகிராம் முகவரியில் பதிவிட்டும் வருகிறார். சமீபத்தில் இவர் தோனியுடன் படம் எடுத்தும் பதிவிட்டிருந்தார் என்பது குறிப்பிடத்தக்கது.

தல ரசிகை!

கோடான கோடி இந்திய கிரிக்கெட் ரசிகர்களை போலவே தோணி என்றால் மால்தி சாஹர்க்கும் அவ்வளவு பிரியம். இவர் தோணி மைதானத்தில் நுழைவதில் இருந்து அவர் சிக்ஸர், ஃபோர் விளாசும் போதெல்லாம் கைத்தட்டி, கத்திக் கூச்சலிட்டு உற்சாகம் ஏற்படுத்துகிறார். இவர் தனது இன்ஸ்டாகிராம் பதிவில் கடைசியாக கேப்டன் கூல் தோனியை சந்த்தித்து விட்டேன். இவர் நிஜமாகவே கூலான ஆல் தான். இவர் எனது ஸ்வீட்ஹார்ட் என்றெல்லாம் கூறி தோனியுடன் எடுத்துக் கொண்ட போட்டோவை பகிர்ந்திருக்கிறார்.

நடனம்!

தோனியுடன் எடுத்துக் கொண்ட புகைப்படம் ரசிகர்கள் மத்தியில் வைரலாக பரவுகிறது எனில், இவர் பிராவோவுடன் ஆடிய நடனம் ஒன்று சமூக தளங்களில் டிரெண்டிங் லிஸ்டில் இடம் பெற்றுள்ளது. அதில் மால்தி சாஹர் மற்றும் பிராவோ நடனம் ஆட, அதை தீபக் சாஹர் செல்ஃபீ வீடியோவாக எடுத்துள்ளார்.

மாடல்!

மால்தி மாடலாகவும் வளர்ந்து வரும் நடிகையாகவும் இருந்து வருகிறார். சரி, மாடலிங், நடிப்பு ஒருபுறம் இருக்க சகோதரர்களுடன் சேர்ந்து கிரிக்கெட் போட்டிகளில் ஊக்கவித்து வருகிறார் என்று பார்த்தால். அம்மணி பேட்டிங்கும் செய்கிறார். ஆம்! அவரது ஒரு இன்ஸ்டாகிராம் பதவில், நெட் பிராக்டிஸ் செய்யும் இடத்தில் பேட்டிங் செய்வது போன்ற வீடியோவும் இடம்பெற்றுள்ளது.

நிறைய உண்டு!

ஏலத்தின் போது சென்னை சூப்பர் கிங்ஸ் அணி கிழட்டு அணி. இவர்கள் ஜெயிக்க வாய்ப்பில்லை என்று கூரஈயவர்களின் வாய் அடைத்து போகும் வகையில் லீடிங் ரன் ஸ்கோர், அதிக சிக்ஸர்கள், ஒரே இன்னிங்க்ஸில் அதிக ஸ்கோர் என பல பட்டியலில் சென்னை சூப்பர் கிங்ஸ் வீரர்கள் தான் முதலிடத்தில் இருக்கிறார்கள். புள்ளி பட்டியலிலும் சென்னை இரண்டாவது இடத்தில் இருப்பது குறிப்பிடத்தக்கது. எப்படியும் சென்னை ப்ளே-ஆப் சுற்றுக்குள் நுழைந்துவிடும் என்பதால்... மால்தியை இன்னும் நிறைய போட்டிகளில் காணும் வாய்ப்பு உள்ளது.