பாகுபலி போல கட்டுமஸ்தான உடலில் பட்டையைக் கிளப்பும் ஸ்ரீசாந்த் - புகைப்படம் மற்றும் வீடியோ!

புதிய படம்!

சமீபத்தில் ட்ரெயினர் போன்ற ஒரு நபருடன் ஜிம்மில் உடற்பயிற்சி செய்து முடித்தது போன்ற படத்தை வெளியிட்டிருக்கிறார் ஸ்ரீசாந்த். இந்த படம் சமூக தளங்களில் காட்டுத்தீ போல பரவி வருகிறது. இந்த படத்தை பார்ப்பவர்கள் எல்லாம், ஹர்பஜன் சிங் ஸ்ரீசாந்தை பார்த்தால் அவரை அடித்ததற்கு வருத்தப்படுவார் என்றும், அல்லது இனிமேல் அவரை அடிக்க நினைத்தால் சற்றும் யோசிக்காமல் பின்வாங்கிவிடுவார் என்றும் கருத்துகள் பதிவிட்டு வருகிறார்கள்.

ஃபிட்னஸ்!

இப்போது ஸ்ரீசாந்த் ஒரு முழுக்க முழுக்க ஃபிட்னஸ் ஃப்ரீக் போல மாறிவிட்டார். ஜிம்மே கதி என இருப்பார் போல. தனது இன்ஸ்டாகிராம் முகவரியில் பல உடற்பயிற்சி படங்கள் மற்றும் வீடியோக்களை பதிவிட்டுள்ளார் ஸ்ரீசாந்த். கடுமையான பயிற்சிகள் மேற்கொண்டு உடற்கட்டை கட்டுமஸ்தாக ஏற்றி இருக்கிறார் ஸ்ரீசாந்த்.

ரியாஸ் கான்!

ஸ்ரீசாந்த் வெளியிட்டிருந்த ஒரு ஃபிட்னஸ் வீடியோ பதிவில் தென்னிந்திய சினிமா நடிகரும் மற்றுமொரு ஃபிட்னஸ் ஃப்ரீக் பிரபலமான ரியாஸ் காணும் உடன் இருக்கிறார். இருவரும் ஒரே ஜிம்மில் தான் உடற்பயிற்சி மேற்கொள்கிறார்கள் போல. ரியாஸ் கான் பல தமிழ் நடிகர்களுக்கு உடலை கட்டுக்கோப்பாக வைத்துக் கொல்வதற்கு ஒரு முன்னுதாரணமான நடிகர். இவர் சிலருக்கு பயிற்சியில் உதவியும் செய்கிறார்.

நடிப்பு!

ஸ்ரீ சாந்த் கிரிக்கெட் விட்டு வெளியேறிய பிறகு என்ன ஆவார் என்று யாரும் எதிர்பார்க்கவில்லை. சொல்லப் போனால் ஸ்ரீ சாந்த் பற்றி யாரும் கண்டுக்கொள்ளவில்லை என்பது தான் உண்மை. ஆனால், அவரோ ஃபிட்னஸ், நடிப்பு என்று பிஸியாகிவிட்டார். இவர் ஒரு தொலைக்காட்சி நடன ரியாலிட்டி நிகழ்ச்சியில் தோன்றினார். பிறகு அக்சர் 2 (இந்தி) மற்றும் டீம் 5 (மலையாளம்) போன்ற படங்களில் நடித்தும் இருக்கிறார்.

பொது நிகழ்சிகள்!

ஃபிட்னஸ், நடிப்பு போன்றவைக்கு இடையே பல கடைகளை சிறப்பு விருந்தினராக சென்று திறந்து வைத்தும் வருகிறார் ஸ்ரீசாந்த். ஒரு வேலை கிரிக்கெட்டில் இருந்திருந்தாலும் கூட, ஒவ்வொரு போட்டியாக ஓய்வு அறிவித்து கடைசியில் கமெண்டேட்டர் வேலை பார்த்துக் கொண்டு தான் இருந்திருப்பார்.

ஆனால், இப்போதே அரசியலிலும் களம் கண்டுள்ளார் ஸ்ரீசாந்த். பாரத ஜனதா கட்சியில் உறுப்பினராக இருக்கிறார். கடந்த 2016ம் ஆண்டு தேர்தலில் திருவனந்தபுரம் தொகுதியில் போட்டியிட்டு 11 ஆயிரம் வாக்கு வித்தியாசத்தில் தோல்வி அடைந்தார். இவர் மொத்தம் 35 ஆயிரம் வாக்குகள் பெற்றிருந்தார் என்பது குறிப்பிடத்தக்கது.