உங்க எதிர்காலத்த பத்தி தெரிஞ்சிக்கலாம் வாங்க...

ஆரக்கிள்

ஆரக்கிள் என்பதன் பொருள் தேவ வாக்கு அல்லது அசரீரி ஆகும். பழங்காலத்தில் ஆரக்கிள் என்பது ஓர் நபர் ஆவார். இவர் புத்திமதி அல்லது ஆலோசனைகளை தருபவராக இருந்தார். இவர் தான் எதிர்காலத்தை பற்றிய தீர்க்கதரிசன கணிப்புகள் பற்றி கூறுவார். இந்த முறை ஒருவிதமான தெய்வீக முறையாக இருந்து வந்தது. லத்தீன் வார்த்தையில் ஆரக்கிள் என்றால் "பேசு" என்று பொருள்.

ஆரக்கிள்

ஆரக்கிள் பேசுவது கடவுளே நேரில் பேசுவது போன்றும், அவர் கூறும் வார்த்தைகள் கடவுளின் வாக்கு என்றும் கடைப்பிடிக்கப்பட்டது. நாம் கூட நமது ஊர்களில் இதை காண முடியும். ஆனால், இன்று நிறைய போலிகள் தான் இருக்கிறார்கள்.

சீட்டுகளைக் கொண்டு குறி சொல்லும் கலை

சீட்டு ஆட பயன்படும் சீட்டு கட்டு கார்டுகளை கொண்டு குறி சொல்லும் முறை ஆகும். 18, 19-ம் நூற்றாண்டுகளில் இது மிகவும் பிரபலமாக இருந்து வந்தது. ஆசியா, எகிப்து, வடக்கு ஆப்ரிக்கா மற்றும் ஐரோப்பிய பகுதிகளில் இவை செயல்பாட்டில் இருந்தன.

ரூன்ஸ் (Runes)

ரூன்ஸ் என்பது பண்டையக் காலத்து ஜெர்மானிக் எழுத்து ஆகும், இதை எழுதவும், தெய்வ வாக்கு கூறவும், மந்திரஜாலம் செய்யவும் பயன்படுத்தி வந்தனர். ஏறத்தாழ 1500 வருடங்களுக்கு முன்னர் இது வடக்கு கோதியர்களால் பயன்படுத்தப்பட்டதாக கூறப்படுகிறது.

ரூன்ஸ் (Runes)

இங்கிலாந்து, ஸ்காண்டிநேவியா போன்ற பகுதிகளில் பின்னர் இந்த முறை தோன்ற ஆரம்பித்தது. ஒரு கிறிஸ்துவ புத்தகத்தில் இது பேகன் நடைமுறையில் இருந்து வந்தது என குறிப்பிடப்பட்டுள்ளது.. ரூன் எனும் வார்த்தைக்கு இரகசியம், மர்மம் போன்ற அர்த்தங்கள் கூறப்படுகின்றன.

ரூன்ஸ் (Runes)

ஒருவர் தனது சூழ்நிலை பற்றி அறிந்துக் கொள்ள முனையும் போது ரூன்ஸ் படிக்கப்படுகிறது. சில சமயங்களில் இது தெளிவற்றும் இருக்கிறது என கூறுகிறார்கள்.

பகடை முறை

பகடை உருட்டி குறி சொல்லும் முறை இது. வரலாற்றில் மிகவும் பழமையான முறையில் இதுவும் ஒன்றாகும். பண்டைய கிரேக்க முறையில் குறி சொல்வதற்கு இந்த பகடை முறை பின்பற்றப்பட்டுள்ளது. ரோமர்கள் இதை தலி (Tali) என்று கூறிவந்துள்ளனர். நான்கு பகடைகளை ஒரே நேரத்தில் உருட்டி அதில் விழும் எண்களை வைத்து குறி கூறப்படுகிறது.

பகடை முறை

இதில் 1,3,4,6 என விழுந்தால் மிகவும் நல்லது என்றும், 1,1,1,1 என்று விழுவது மிகவும் மோசமானது என்றும் கூறப்படுகிறது. சில சமயங்களில் ஒன்று, இரண்டு அல்லது மூன்று என பகடைகளை பயன்படுத்துகிறார்கள். பெரும்பாலும் மூன்று பகடைகள் உருட்டும் முறை பிரபலமாக இருந்து வந்துள்ளது.

பகடை முறை

எட்டு அங்குல சுற்றளவில் வரையப்பட்ட ஓர் வட்டத்திற்குள் தான் இந்த பகடைகள் உருட்டப்படுகின்றன. வட்டத்தை விட்டு வெளியே போகும் பகடைகள் கணக்கில் எடுத்துக் கொள்ள மாட்டாது.

டெஸ்ஸோமென்சி (Tasseomancy)

டீ இலைகளை கொண்டு குறி சொல்லப்படும் முறைக்கு டெஸ்ஸோமென்சி என்று பெயர். உள்ளுணர்வை கொண்டு மாந்த்ரீகவாதி குறி கூறும் முறை இது. தேநீரை வடிக்கட்டாமல் ஓர் கோப்பையில் ஊற்றப்படும்.

டெஸ்ஸோமென்சி (Tasseomancy)

குறி சொல்லும் மாந்த்ரீகவாதி அதை யாருக்கு குறி கூற வேண்டுமோ அவரை பற்றி விசாரித்துவிட்டு முழுமையாக பருகிவிடுவார். அந்த கோப்பையில் தேநீர் இலைகள் மட்டும் தேங்கி இருக்கும். அதன் நிலை தோற்றத்தை, வடிவத்தை வைத்து இவர் குறி கூற ஆரம்பிப்பார்.

டெஸ்ஸோமென்சி (Tasseomancy)

பாம்பு, மண் வெட்டி, மலை, குதிரை போன்ற வடிவில் தான் பெரும்பாலும் அந்த இலைகள் தோன்றும். இதை வைத்து இவர்கள் குறி கூறுவார்கள். பாம்பு பகையையும், மண்வெட்டி தொழில் ரீதியாகவும், மலை பயணத்தை பற்றியும், வீடு வெற்றியை பற்றியும் வெளிப்படுத்தும் அறிகுறிகளாக இருக்கின்றன.

மேற்கத்திய ஜோதிட முறை

மேற்கத்திய ஜோதிட முறை என்பது ஜாதகம் குறித்தது ஆகும். பிறந்த தேதி, சூரிய அடையாளம் அல்லது குறி போன்றவற்றை வைத்து எதிர்காலத்தை பற்றி கூறும் முறை இதுவாகும். ஓர் வருடத்தை 12-ஆக பிரித்து ஒவ்வொரு காலக்கட்டத்திற்கும் சூரியனின் நிலை ஒவ்வொரு இடத்தில் இருப்பதை குறித்து வெவ்வேறு இராசிகள் மற்றும் இராசி குறித்த குணாதிசயங்கள், திறமைகள் பற்றி விளக்கி கூறப்படுகிறது.

மேற்கத்திய ஜோதிட முறை

ஒவ்வொரு இராசிக்கும் குறிப்பிட்ட திறமை, குணாதிசயங்கள் இருப்பதாக இதில் நம்பப்படுகிறது. இந்த 12 இராசிகளையும், நெருப்பு, நிலம், காற்று, நீர் என பிரிக்கிறார்கள். காற்றும், நெருப்பும் ஆண்பால் எனவும், நீரும், நிலமும் பெண்பால் எனவும் கூறப்படுகிறது. மேலும் இந்த இராசிகளை மூன்று பண்புகள் வகையாகவும் பிரிக்கிறார்கள்.

சீன முறை ஜோதிடம்

உலகிலேயே பழமையான ஜோதிட முறை சீனர்களுடையது என கூறப்படுகிறது. பைபிள் தோன்றுவதற்கு பல நூற்றாண்டுகளுக்கு முன்னரே இது தோன்றிவிட்டது எனவும் கூறுகிறார்கள். சீன ஜோதிடம், சீன தத்துவத்திற்கு தொடர்புடையதாக இருக்கிறது. சொர்க்கம், பூமி, நீர் என்ற மூன்று நல்லிணக்க தியரியை தொடர்புடையது என கூறப்படுகிறது.

சீன முறை ஜோதிடம்

சீனாவில் ஒவ்வொரு வருடமும் ஓர் விலங்கை அந்த ஆண்டின் குறியாக வைத்துக் கொள்வார்கள். எடுத்துகாட்டாக நீங்கள் 1968 ஜனவரி 30-ல் இருந்து 1969 பிப்ரவரி 16-ம் நாள் வரை பிறந்திருந்தால் உங்களுக்கான சீன விலங்கு குறி குரங்கு, மற்றும் காஸ்மிக் தனிமம் பூமி. இது போன்று பல குறிகள் சீன முறையில் இருக்கிறது.

டேரட் (Tarot)

டேரட் என்ற இந்த முறையின் தோற்றமே ஓர் மர்மமாக தான் இருக்கிறது. இது 18,19-ம் நூற்றாண்டுகளில் கார்டுகளை வைத்து குறி சொல்லும் முறையாக தோன்றியது. டேரட் முறையையில் குறி தெரிந்துக் கொள்ள நாடுவோர் ஒருவரும், படிப்பவர் ஒருவரும் தேவை. நாடி வந்தவர் நபர் ஒரு கட்டு கார்டுகள் நன்கு குலுக்கி அதிலிருந்து கார்டை தேர்ந்தெடுப்பார்.

டேரட் (Tarot)

அவர் தேர்ந்தெடுத்த கார்டை வைத்து பரப்பி அதன் பின் மற்றும் முன் உள்ள மற்ற கார்டுகளின் நிலைக்கும் ஒவ்வொரு அர்த்தம் இருக்கிறது. இதை வைத்து நாடி வந்தவர் கேட்கும் கேள்விகளுக்கு குறி கூறுபவர் பதில் கூறுவார்.

எண் கணிதம்

எண் கணிதம் என்பது நமது பெயரில் இருக்கும் எழுத்துக்களுக்கு எண் மதிப்பு கொடுத்து அதன் கூட்டு தொகையை வைத்து கூறப்படும் குறி சொல்லும் முறையாகும். ஒருவரது பலம், பலவீனம், தேவைகள், தடைகள், உணர்ச்சி வெளிபாடு, அவரது செயல்பாடுகள் என அனைத்தை பற்றியும் அறிந்து கொள்ள இந்த எண் கணித முறை பயன்படுத்தப்படுகிறது.

எண் கணிதம்

மேலும் நீங்கள் பிறந்த நாள் மற்றும் நேரத்தை வைத்து உங்கள் அதிர்வெண்கள் பற்றியும் கண்டறிகிறார்கள். பெயர் மற்றும் பிறந்த தேதியை வைத்து ஒரு நபரின் குணாதிசயங்கள் அனைத்தையும் எண் கணித முறையில் கூறப்படுகிறது.

கைரேகை ஜோதிடம்

ஏறத்தாழ 3000 ஆண்டுகளுக்கும் பழமையானது இந்த கைரேகை ஜோதிடம். கை ரேகையில் இருக்கும் கோடுகள், குறிகளை வைத்தும், அதன் நீளத்தை வைத்தும் ஒருவரின் இறந்த கால, எதிர் காலத்தை பற்றி கூறுவது தான் இந்த கைரேகை ஜோதிட முறை.

கைரேகை ஜோதிடம்

உங்கள் வாழ்க்கை பயணத்தின் பிரதி தான் உங்கள் கைரேகை என ஜோதிடர்கள் கூறுகிறார்கள். உறவுகள், உடல்நலம், வேலை, பொருளாதாரம், பயணம், எப்போது எச்சரிக்கையாக இருக்க வேண்டும், எப்போது முடிவெடுக்க வேண்டும் என்பது பற்றியும் இதில் கூறப்படுகிறது.

நாடி ஜோதிடம்

பல வருடங்களுக்கு முன்னர் இன்று பிறந்த குழந்தையை பற்றி எழுதி வைக்கப்பட்ட ஏடுகளை வைத்து கூறப்படும் ஜோதிடம் தான் நாடி ஜோதிடம். கட்டை விரல் ரேகையை வைத்து ஏடுகள் எடுத்து படிக்கிறார்கள். ஆனால், பல ஏடுகள் அழிந்துவிட்டன என்றும், இன்று பலரும் போலி ஏடுகளை தயாரித்து ஜோதிடம் கூறி வருகிறார்கள் என்றும் கூறப்படுகிறது.

கிளி ஜோதிடம்

இது நாம் அனைவரும் அறிந்த ஒன்று தான். கடவுள்கள் படம் அச்சடிக்கப்பட்ட கார்டுகளை வைத்து, கூண்டில் இருந்து வரும் கிளி எந்த சீட்டை தேர்வு செய்து தருகிறதோ, அதில் வந்திருக்கும் கடவுளை வைத்து ஒருவருக்கான குறி சொல்லப்படுகிறது.

குறி சொல்லுதல்

நமது ஊர்களில் குறி சொல்லும் முறையே ஒன்று தனியாக இருக்கிறது. வெறுமென கையையும், முகத்தையும் பார்த்தே ஒருவரது எதிர்காலத்தை பற்றி இந்த குறி சொல்லும் முறையில் கூறப்படுகிறது.

நவீன காலம்

இவை யாவும் சென்ற நூற்றாண்டு வரை தான் பெரிதாய் நம்பப்பட்டு வந்தது. இன்றைய அறிவியல் மற்றும் விஞ்ஞான வளர்ச்சியில் நமது திறமையால் மட்டுமே முன்னேற்றத்தை காண முடியும் என இன்றைய தலைமுறை நம்புகிறது. ஆதலால் தான் இவை ஒவ்வொன்றாக அழிவை நோய்க்கி பயணித்துக் கொண்டிருக்கின்றன.