விமான விபத்திற்கு பிறகு நேதாஜியை ரஷ்யாவில் கண்டவர்கள் கூறியது என்ன?

ஜோசஃப் ஸ்டாலினும் வ்யாஸ் லாலும்

விமான விபத்துக்குப் பிறகு நேதாஜி ரஷ்யாவில் காவலில் சில ஆண்டுகள் இருந்ததாகக் சிலர் கூறியிருக்கிறார்கள். 1949-ல் ஜோசஃப் ஸ்டாலினும் வ்யாஸ் லால் மொலேடோவ்-ம் நேதாஜி ரஷ்யாவில் தங்கி இருப்பது குறித்து விவாதித்ததாக சில கூற்றுகள் கூறுகின்றன.

முத்துராமலிங்கத் தேவர்

1949-ல் பசும்பொன் முத்துராமலிங்கத் தேவர் தான் நேதாஜியை ரஷ்யாவில் சந்தித்ததாகவும் அவருடன் சீனாவில் தங்கியதாகவும் கூறிப்பிட்டார். இவர் இவ்வாறு கூறிய பிறகு தான் இந்தியாவில் நேதாஜியை பற்றிய மர்மம் அறிய மக்களிடம் என்னத்தை ஏற்படுத்தியது. இதன் காரணம் தான் நேருவை ஷா நவாஸ்கான் கமிஷன் அமைக்க மறைமுக தூண்டுதலாக இருந்தது.

Dr. S. ராதாகிருஷ்ணன்

இந்தியாவின் ரஷ்ய தூதராக இருந்த Dr. S. ராதாகிருஷ்ணன் நேதாஜியை ரஷ்யாவில் வெளியே தெரியாத இடத்தில் சந்திக்க அனுமதிக்கப்பட்டார் என்பது திகைக்க வைக்கும் தகவலாக இருக்கிறது.

ரஷ்ய தூதர்

காபூலில் ஆப்கன் கவர்னர் கோஸ்ட் -என்பவரிடம், ஆப்கனுக்கான ரஷ்ய தூதர்,"மாஸ்கோவில் காங்கிரஸ் அகதிகளோடு, நேதாஜியும் உள்ளார். கிலாசி மலாங்கிற்கு நேதாஜியுடன் நேரடித் தொடர்பு இருக்கிறது." என்று கூறியிருந்தார்.

வியட்நாம் தலைவர் ஹோஸோம்

1945-ம் ஆண்டுக்கு பிறகு , (இரண்டாம் உலகப்போருக்குப் பின்) வியட்னாமின் மரியாதைக்குரிய தலைவர் ஹோஸோமினுடன் நேதாஜிக்கு நட்பு இருந்ததை உறுதிப்படுத்தும் ஆவணங்கள் வியட்னாமில் இருப்பதாகக் கூறப்படுகிறது.

H.V. காமத்

1945-ம் ஆண்டு டிசம்பர் 20 அன்று வெளியான ஒரு செய்திக் குறிப்பில் நேதாஜி உயிருடன் இருப்பதாக H.V. காமத் கூறியதாக தகவல் வெளியாகியுள்ளது. மோலொடோஃப் என்ற ரஷ்ய வெளியுறவு அமைச்சர் மார்ச் 1946-ல் நேதாஜி ரஷ்யாவில் இருப்பதாகவும் கூறியிருந்தது குறிப்பிடத்தக்கது.

அலெக்சாண்டர் கொலசிரிகோவ்

மாஸ்கோவில் இருந்து 40 கி.மீ. தொலைவில் உள்ள படோல்ஸ்க் இராணுவ ஆவணக் காப்பகத்தில் அலெக்சாண்டர் கொலசிரிகோவ் என்ற WarswPact-ன் முன்னாள் மேஜர் ஜெனரல் 1996 அக்டோபரில் சில ஆவணங்களைப் பார்த்ததாகவும், அதில் நேதாஜியை ரஷ்யாவில் தங்க வைத்திருப்பதன் பல்வேறு விளைவுகள் குறித்து ஆராய்ந்ததற்கான தகவல்கள் இருக்கின்றன எனவும், அதை நகல் எடுக்கவோ, ஆவண எண் போன்றவற்றைக் குறிப்பு எடுக்கவோ அவர் அனுமதிக்கப்படவில்லை என்றும் கூறப்படுகிறது.