நீரஜ் சோப்ராவை வீழ்த்திய ரகசியத்தை முதல் முறையாக வெளியிட்ட பாகிஸ்தான் வீரர் அர்ஷத் நதீம்... எப்படி தெரியுமா?

2024 பாரிஸ் ஒலிம்பிக் போட்டிகள் கோலாகலமாக நடந்து முடிந்து விட்டது. இந்திய தடகள வீரர் நீரஜ் சோப்ரா தனிநபர் விளையாட்டுகளில் இரண்டு ஒலிம்பிக் பதக்கங்களை வென்ற முதல் இந்தியர் என்ற வரலாறு படைத்தார். கடந்த ஒலிம்பிக்கில் ஈட்டி எறிதலில் தங்கப் பதக்கம் வாங்கி இந்தியர்களின் நீண்ட கால தங்கப் பதக்க கனவை நிறைவேற்றி வரலாற்று சாதனைப் படைத்தார்.

பாரிஸ் ஒலிம்பிக்கில் ஆண்களுக்கான ஈட்டி எறிதல் இறுதிப் போட்டியில் அவர் கடுமையாக முயற்சி செய்த போதிலும், நீரஜ் சோப்ரா வெள்ளிப் பதக்கத்தை உறுதி செய்தார். 92.97 மீட்டர் தூரம் எறிந்து புதிய ஒலிம்பிக் சாதனை படைத்ததன் மூலம் பாகிஸ்தானின் அர்ஷத் நதீம் தங்கம் வென்று சாதனைப் படைத்தார்.

அர்ஷத் நதீமின் இந்த வெற்றி தனிப்பட்ட ஒலிம்பிக் போட்டியில் பாகிஸ்தானின் முதல் தங்கப் பதக்கத்தைக் உறுதி செய்தது மட்டுமல்லாமல், உலக அரங்கில் விளையாட்டு வீரர்களால் வெளிப்படுத்தப்பட்ட அபாரமான திறமை மற்றும் உறுதியின் அடையாளமாக இருக்கிறது. ஏனெனில் அர்ஷத் நதீம் ஈட்டி எறிந்த 92.97 மீட்டர் என்பது புதிய உலக சாதனையாகும்.

இந்த வெற்றியைத் தொடர்ந்து அவருக்கு பல பரிசுகளும், உலகம் முழுவதுமிருந்து பாராட்டுக்கள் குவிந்து வருகிறது. அவரது வெற்றியைப் பற்றிப் பிரதிபலிக்கும் வகையில், நதீம் தனது வெற்றிக்குக் காரணமான பல காரணிகளைக் கூறியுள்ளார், அதில் முக்கியமானது அவரது உடல் பண்புகள் மற்றும் கடுமையான பயிற்சி. மேலும் நீரஜ் சோப்ராவுடனான தனது நட்பு எவ்வாறு தொடங்கியது என்பது பற்றிய ஒரு சுவாரஸ்யமான கதையையும் நதீம் பகிர்ந்துள்ளார்.

நதீமைப் பொறுத்தவரை, 2016 ஆம் ஆண்டு இந்தியாவின் கவுகாத்தியில் நடந்த தெற்காசிய விளையாட்டுப் போட்டியின் போது அவர்களது நட்புத் தொடங்கியது. இந்த நிகழ்வு நதீமுக்கு மிகவும் முக்கியமானதாக இருந்தது, ஏனெனில் அவர் பாகிஸ்தானுக்கான தேசிய சாதனையை முறியடித்தார், இது பரவலான மக்களின் கவனத்தை ஈர்த்தது. "2016ல் கவுகாத்தியில் நடந்த தெற்காசிய விளையாட்டுப் போட்டியின் போது நானும் நீரஜும் நண்பர்களானோம். அப்போதுதான் நான் பாகிஸ்தானின் சாதனையை முறியடித்தேன், அதன் பிறகுதான் மக்கள் உண்மையில் என்னை கவனிக்கத் தொடங்கினர்" என்று அவரது பேட்டியில் நதீம் பகிர்ந்து கொண்டார்.

நதீம் தனது வெற்றிக்கான முக்கிய புள்ளிகளில் ஒன்றாக குறிப்பிட்டது அவரது உயரம் ஆகும், இது ஒலிம்பிக் இறுதிப் போட்டியின் போது அவருக்கு ஒரு கூடுதல் நம்பிக்கையைக் கொடுத்ததாக அவர் நம்புகிறார்.

தென்னாப்பிரிக்காவில் தனது பயிற்சியின் போது, ​​அவரது பயிற்சியாளர் தனது கைகள் மற்றும் முன்கைகளின் அளவைக் கவனித்ததாக நதீம் குறிப்பிட்டார். "அந்த பயிற்சியாளர் எனது கைகளையும் முன்கைகளையும் அளந்து, இதற்கு முன்பும் பின்பும் வந்த அனைவரையும் ஒப்பிடும்போது எனது நீளம் உலகில் இரண்டாவது இடத்தில் உள்ளது என்று கூறினார். அவரது வார்த்தைகள் என்னை உத்வேகப்படுத்தியது, மேலும் இவ்வளவு நீளமான கைகள் மூலம் நான் நீண்ட தூரத்திற்கு ஈட்டி எறிய முடியும் என்று எனக்குத் தெரியும் " என்று நதீம் விவரித்தார்.

ஒலிம்பிக் வெற்றிக்கு ஒரு வாரத்திற்கு பின், நதீம் தான் காயத்துடன் தான் போட்டியிட்டதை வெளிப்படுத்தினார். "அழைப்பு அறைக்குள் நுழைவதற்கு ஐந்து நிமிடங்களுக்கு முன்பு, நான் கடுமையான வலியை உணர்ந்தேன், இதனை என் பயிற்சியாளரிடம் சொன்னேன். அவர் என்னை சமாதானப்படுத்தினார், 'குச் நஹி ஹோதா, து ஷேர் ஹை' (எதுவும் நடக்காது, நீங்கள் ஒரு சிங்கம்)," என்று கூறியதை நதீம் நினைவு கூர்ந்தார்.