43 வயசானாலும் இன்னும் இளமையுடன் ஜொலிக்கும் நடிகை தபு!

இன்னும் திருமணம் செய்து கொள்ளாமல் இருக்கும் நடிகைகளில் ஒருவர் தான் தபு. இவருக்கு 43 வயதாகிவிட்டது. இருப்பினும் இவரது இளமைத் தோற்றம் மட்டும் போகாமல் இருக்கிறது. நடிகை தபு சமீபத்தில் புத்தக வெளியீட்டு விழா ஒன்றிற்கு வந்திருந்தார். அப்போது அவர் மிகவும் அட்டகாசமான மேக்ஸி கவுனில் வந்திருந்தார். இவர் அணிந்து வந்த உடையை வடிவமைத்தவர் பாயல் கந்த்வாலா என்பவராவார்.

உண்மையிலேயே தபு காலர் கொண்ட கத்திரிப்பூ நிற மேக்ஸி கவுனில் அற்புதமாக காட்சியளிக்கிறார். இந்த மேக்ஸி உடையானது முக்கால் கை கொண்டது. குறிப்பாக இவரது முகத்தில் இன்னும் அந்த இளமைத் துள்ளல் காணப்படுகிறது. தபுவிற்கு அழகே அவரது சிரிப்பு எனலாம்.

நடிகை தபு இந்த கத்திரிப்பூ நிற மேக்ஸி கவுனில் அட்டகாசமாக வெளிப்பட கன்னங்களுக்கு பிங்க் நிற பிளஷ், உதட்டிற்கு மின்னும் லிப்ஸ்டிக், கண்களுக்கு ஸ்மோக்கி மேக்கப் போட்டு வந்ததுடன், காதுகளுக்கு மிகவும் பெரிய தங்க நிற காதணியை அணிந்து, கைகளுக்கு எதுவும் அணியாமல் வந்திருந்தார்.

மேலும் இவர் சைடு ஸ்வெப்ட் எடுத்து, முடியின் முனைகளில் கர்ல்ஸ் செய்து ப்ரீ ஹேர் விட்டு வந்திருந்தார். கால்களுக்கு கொஞ்சமும் பொருத்தமில்லாத பிங்க் நிற காலணியை அணிந்து வந்திருந்தார். என்ன நண்பர்களே! உங்களுக்கு தபுவின் இந்த லுக் பிடித்துள்ளதா?