தேர்தலும், அரசியல் கட்சிகளும் இல்லாத அதிசய நாடுகள் - இந்த நாடுகளில் ஏன் தேர்தல் நடத்தப்படுவதில்லை தெரியுமா?

இந்தியாவில் ஐந்து மாநிலங்களில் நடைபெற்ற சட்டமன்ற தேர்தலுக்கான முடிவுகள் இன்று வெளியாக உள்ளது. ஒரு ஜனநாயக நாட்டின் மிகப்பெரிய ஆயுதமென்றால் அதன் தேர்தல்தான். ஏனெனில் மக்கள் தங்களை யார் ஆழ வேண்டுமென்பதை தீர்மானிக்கும் ஆயுதமாக இருப்பது வாக்குரிமைதான். ஆனால் உலகின் அனைத்து நாடுகளிலும் மக்களுக்கு இந்த ஆயுதம் கொடுக்கப்படுவதில்லை. இப்போதும் உலகின் சில நாடுகளில் தேர்தலோ, கட்சிகளோ இல்லை.

உலகில் உள்ள அனைத்து நாடுகளிலும் அரசியல் கட்சிகள் இருப்பதில்லை. சில இடங்களில், அரசியல் கட்சிகள் சட்டத்தின் மூலம் தடை செய்யப்பட்டுள்ளன. வேறு சில நாடுகளில், அரசியல் அமைப்பு மிகவும் சிறியதாகவோ அல்லது சமூகத்தை அடிப்படையாகக் கொண்டதாகவோ இருப்பதால், அங்கு அரசியல் கட்சிகளுக்கான தேவை இருப்பதில்லை. மாறாக, தலைவர்கள் தனிநபர்களாகவே தேர்ந்தெடுக்கப்படுகின்றனர்.

மேலும் அடுத்தகட்ட தலைவர்கள் பெரும்பாலும் குடும்ப உறவுகள், மரபுகள் அல்லது உள்ளூர் சமூகங்களின் தாக்கத்திற்கு உட்பட்டவையாகவே அமைகின்றன. இந்நாடுகளில் பலவும் மன்னராட்சி நாடுகளாகவோ அல்லது மிகச் சிறிய தீவு நாடுகளாகவோ உள்ளன. இந்த பதிவில் தேர்தலும், அரசியல் கட்சிகளும் இல்லாத நாடுகள் என்னென்ன என்று இந்த பதிவில் தெரிந்து கொள்ளலாம்.

பஹ்ரைன்

பஹ்ரைனில் பல்வேறு அரசியல் சங்கங்கள் இயங்கி வருகின்றன. இருப்பினும், முக்கிய எதிர்க்கட்சிகள் இங்கு தடை செய்யப்பட்டுள்ளன. முன்னாள் எதிர்க்கட்சி உறுப்பினர்கள், வாரியங்களிலோ அல்லது நாடாளுமன்றத்திலோ பொறுப்பு வகிப்பதை அதன் கடுமையான சட்டங்கள் தடை செய்கின்றன.

குவைத்

குவைத்தில் அரசியலமைப்புச் சட்டம் அரசியல் கட்சிகளை அனுமதித்திருந்தபோதிலும், 1961-ஆம் ஆண்டிலிருந்தே அவை தடை செய்யப்பட்டுள்ளன. நாடாளுமன்றக் கூட்டணிகள் நடைமுறையில் இருந்தாலும், அரசியல் அமைப்புகள் ஒருங்கிணைந் துச் செயல்பட அனுமதிக்கப்படுவதில்லை. மேலும், நாடாளுமன்றத் தேர்தலில் போட்டியிடும் வேட்பாளர்கள் சுயேச்சையாகவே இருக்க வேண்டும்.

ஓமன்

2019 முதல், முழுமையான முடியாட்சி நடைபெறும் இந்நாட்டில் தேர்தல்கள் எதுவும் நடத்தப்படுவதில்லை. ஓமனின் சுல்தான் அனைத்து அதிகாரங்களையும் தன்வசம் கொண்டுள்ளார், மேலும் அனைத்து முக்கிய அரசாங்கச் செயல்பாடுகளையும் அவரே முன்னின்று மேற்கொள்கிறார். கடந்த தேர்தல்களில் போட்டியிட்ட வேட்பாளர்கள் எவ்விதக் கட்சிச் சார்பும் அற்றவர்களாக இருக்க வேண்டியுள்ளது.

கத்தார்

ஒரு அரசியலமைப்பு முடியாட்சி நாடான இங்கு, ஹெர்டரி எமிரால் ஒரு மன்றம் தேர்ந்தெடுக்கப்படுகிறது. அரசாங்கத்தின் அனைத்து நிறுவனங்களையும் அவரே கட்டுப்படுத்துகிறார். 1999-ஆம் ஆண்டிலிருந்து இங்கு நகராட்சித் தேர்தல்கள் எதுவும் நடைபெறவில்லை.

சவூதி அரேபியா

சவூதி அரேபியாவில் தேசியத் தேர்தல்களும், அரசியல் கட்சிகளின் செயல்பாடுகளும் தடை செய்யப்பட்டுள்ளன. இந்த நாடு ஒரு முழுமையான முடியாட்சியின் கீழ் ஆளப்படுகிறது. 2016-ஆம் ஆண்டிலிருந்து மன்னர் சல்மான் இந்த ஆட்சி செய்து வருகிறார்.

ஐக்கிய அரபு அமீரகம்

ஐக்கிய அரபு அமீரகம் என்பது ஒரு கூட்டாட்சி அரசியலமைப்பு முடியாட்சி நாடாகும். இதில் பரம்பரை வழிவந்த ஏழு ஆட்சியாளர்கள் முழுமையான அதிகாரத்தைக் கொண்டுள்ளனர். ஐக்கிய அரபு அமீரகத்தில் அரசியல் கட்சிகளுக்கு மாற்றாக, 'கூட்டாட்சி தேசிய மன்றம்' ஒரு ஆலோசனை அமைப்பாகச் செயல்படுகிறது.

வாடிகன் நகரம்

வாடிகன் நகரத்தில், போப்தான் சட்டமியற்றும், நிர்வாக மற்றும் நீதித்துறையில் உச்சபட்ச அதிகாரம் கொண்டவராக விளங்குகிறார்கள். போப், ஆளுநரகத்தின் தலைவர் மற்றும் கார்டினல் வெளியுறவுச் செயலர் ஆகிய அனைவரும், இந்த நகரத்தை ஆளும் முழுமையான தேர்ந்தெடுக்கப்பட்ட முடியாட்சி அமைப்பின் அங்கங்களாகத் திகழ்கின்றனர்.