எப்போதும் போடக் கூடாத டி-சர்ட்கள்!!!

நிறுவனத்தின் பெயர்

அணியும் சில டி-சர்ட்களில் நிறுவனத்தின் முத்திரைப் பெயர் அச்சிடப்பட்டிருக்கும். உதாரணத்திற்கு FCUK, UMM அல்லது யூனைடட் கலர் ஆப் பெநேட்டோன் போன்றவைகள். இப்படிப்பட்ட டி-சர்ட்களை அணியும் போது, அது அனைவரின் கண்ணில் தெரியும் படி அமைவதால், பல பேருக்கு அது எரிச்சலை ஏற்படும்.

நடுவிரல் படத்தை கொண்ட டி-சர்ட்கள்

நடுவிரல் வானை நோக்கி காட்டப்படும் படம் மிகவும் அநாகரீகமான அர்த்தத்தை விளக்கும் என்பது அனைவருக்குமே தெரியும். பின் அப்படிப்பட்ட படம் அச்சிடப்பட்ட டி-சர்ட்களை எதற்காக அணிந்து பார்ப்பவர்களை சங்கடத்தில் ஆழ்த்த வேண்டும். மேலும் இது மனித நேயத்திற்கு எதிரான குற்றமாகும். எனவே இதனையும் அறவே தவிர்க்க வேண்டும்.

குறைபாடுடைய வாக்கியங்கள்

"இந்த ஃபேஷன் 80-களிலே இறந்து விட்டது அல்லவா?", "இவர்கள் இறந்தால் நல்லது, ஆனால் இன்னும் சிலர்..." மற்றும் இன்னும் ஆபாசமாக "நான் நிர்வாணமாக இன்னும் அழகாக இருப்பேன்", "F.B.I பீமேல் பாடி இன்ஸ்பெக்டர்" (பெண்களின் உடம்பை சோதனை செய்பவர்) போன்ற பல வகையான குறைபாடுடைய வாக்கியங்கள் நிறைந்த டி-சர்ட்கள் அணிவதை கண்டிப்பாக நிறுத்த வேண்டும்.

முட்டாளுடன் நான் இருக்கிறேன்!

பத்து வருடம் முன்னாள், இந்த வாக்கியம் இருந்த டி-சர்ட்களை முதன் முதலில் அணிந்தவர்களைப் பார்த்து அனைவரும் சிரித்தனர். பின்னர் போக போக, அதுவே பழக்கப்பட்டு போனது. இருப்பினும் இதை படிப்பவர்களுக்கு அணிந்தவர் மீதும், அவரது குணத்தின் மீதும் நல்ல எண்ணம் எழாது.

எழுத்துப்பிழை வாக்கியங்கள்

எழுத்துப்பிழை கொண்ட வாக்கியம் அச்சிடப்பட்ட டி-சர்ட்கள், முதல் முறை பார்ப்பதற்கு வேடிக்கையாக இருக்கும். ஆனால் திரும்ப திரும்ப பார்க்கும் போது எரிச்சல் அடையச் செய்யும்.

மதுபான படங்கள் அச்சிடப்பட்ட டி-சர்ட்கள்

பார்டிகளில் இந்த வகையான டி-சர்ட்களை அணிவது வேடிக்கையாக இருக்கும் என்பதை ஒப்புக் கொள்ளலாம். அனால் இவைகளை பள்ளிகளுக்கோ, கல்லூரிகளுக்கோ, அலுவலகத்திற்கோ அல்லது பார்ட்டிகளை தவிர வேறு எங்காவது அணிந்து சென்றால், நம் மீது நல்ல எண்ணத்தை ஏற்படுத்தாது.

போலி தசைகளின் படங்கள் அச்சிடப்பட்ட டி-சர்ட்கள்

அமீர்கான் ரசிகர்களின் மத்தியில் எப்படி ஒரு சல்மான் கான் ரசிகரை அடையாளம் காண்பீர்கள்? சுலபம், அந்த கூட்டத்தில் நல்ல உடல் கட்டமைப்பு உள்ள படம் அச்சடிக்கப்பட்ட டி-சர்ட் அணிந்தவரை தேடுங்கள். தூரத்தில் இருந்து பார்க்கும் போது அது ஈர்த்தாலும், அருகில் பார்க்கும் போது விழுந்து விழுந்து சிரிக்கும் படி இருக்கும்.

ஆகவே இந்த வகையான டி-சர்ட்கள் இருந்தால், தயவு செய்து உடனே அவைகளை முதலில் கொளுத்துங்கள். அப்படிப்பட்ட டி-சர்ட்கள் இருந்ததற்கான அடையாளத்தையே அழித்து விடுங்கள்.