2013 ஆஸ்கரில் நடந்த சில சிறந்த தருணங்கள்!!!

By Maha

Published: Tuesday, February 26, 2013, 16:42 [IST]

உலகில் உள்ள அனைத்து திரையுலகினருக்கும் ஆஸ்கர் ஒரு சிறந்த, மறக்க முடியாத, மகிழ்ச்சி நிறைந்த, ஆச்சரியமூட்டும் ஒரு விருது விழாவாக இருக்கும். ஏனெனில் இது உலகின் சிறந்த கலைஞர் என்பதை வெளிப்படுத்தும் ஒரு விருது. இத்தகைய அகாடமி விருதைப் பெற ஒவ்வொருவரும் மிகவும் கடினமாக உழைத்திருப்பார்கள். அதிலும் இந்த விழாவில் கலந்து கொள்ளும் ஒவ்வொரு நடிகர்கள், நடிகைகள், இயக்குநர்கள் மற்றும் பலர் பல வகைகளில் மிகவும் அழகாக மற்றவர்களை கவரும் வகையில் உடைகளை அணிந்து வந்திருப்பார்கள்.

சொல்லப்போனால், இந்த விருதைப் பெறுவது தான் அனைத்து திரையுலகினரின் கனவாகவும் இருக்கும். ஏனெனில் இது உலகளவில் நடைபெறும் போட்டியாக இருப்பதால், அனைவருக்கும் இது மிகவும் பெரிய விருதாகும். இத்தகைய விழாவில் எதிர்பார்க்காத வகையில் விருதைப் பெறுவோரைப் பார்த்தால், இந்த விருதைப் பெறும் போதே, கண்களில் இருந்து ஆனந்த கண்ணீர் வந்துவிடும். மேலும் இந்த விருது மேடை, ஒரு பெரிய சொர்க்கம் போன்று இருக்கும்.

இப்போது 2013 ஆஸ்கரில் நடைபெற்ற சில சிறந்த தருணங்கள் உங்கள் பார்வைக்காக கொடுத்துள்ளோம். சரி, அதைப் பார்ப்போமா!!!

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

டேனியல் டே லூயிஸ்

இது டேனியல் டே லூயிஸின் சிறந்த நடிகருக்கான மூன்றாவது ஆஸ்கர் விருது ஆகும். இது 2013 ஆஸ்கரின் ஒரு சிறந்த தருணமாக உள்ளது. இந்த விருதைப் பெறும் போது டேனியல் டே லூயிஸின் கண்களில் இருந்து ஆனந்த கண்ணீர் பெருக்கெடுத்து ஓடியது.

ஆனி ஹாத்வே

ஆனி ஹாத்வேயின் கனவு நனவாகிவிட்டது. ஏனெனில் 2 வருட கஷ்டத்திற்கு பின், இறுதியில் 2013 ஆம் ஆண்டு சிறந்த துணை நடிகைக்கான ஆஸ்கர் விருதைப் பெற்றுவிட்டார்.

ஜெனீபர் லாரன்ஸ்

மிகவும் தைரியமாக நடித்து, மிகவும் கூலாக ஆனந்தக் கண்ணீருடன், ஆண்டின் சிறந்த நடிகைக்கான ஆஸ்கர் விருதைப் பெற்ற ஜெனீபர் லாரன்ஸ்!

சிறந்த படம்

2013 ஆஸ்கர் விருதில் சிறந்த படத்திற்கான விருதை அர்கோ (Argo) படம் பெற்றுள்ளது. இதில் சிறப்பு என்னவென்றால், இந்த படம் தான் ஆண்டின் சிறந்த படங்களில் பரிந்துரைக்கப்பட்டதில் முதலில் இருந்தது. இந்த படம் சிறந்ததாக தேர்வு செய்யப்பட்டுள்ளதை, ஒபாமாவின் மனைவி மிஷெல் அறிவித்தார். இது, அர்கோ படத்தில் நடித்த அனைவரும் விருது வாங்கிய போது எடுத்த போட்டோ.