மீன் தொட்டியில் சுறா மீனை பராமரிக்க 10 சுலபமான வழிகள்!!!

சரளை மண் தேவை - பாலா சுறா மீன்

உங்கள் மீன் தொட்டியில் சரளை மண் அடியில் இருக்க வேண்டும். ஆனால் 1/4-1/2 இன்ச் வரைக்கு மட்டுமே இது போடப்பட்டிருக்க வேண்டும். சுறாக்களுக்கு சரளை மண் என்றால் பிரியம். தொட்டியில் சுற்றி திரியும் போது அது இதனை கிளறி விட்டு விளையாடும். இதனை அது விரும்புவதால், வீட்டில் சுறா வளர்க்கும் போது சரளை மண் பயன்படுத்த வேண்டும்.

அளவுக்கு அதிகமாக பரவி கிடத்தல் - பாண்டெட் மூங்கில் சுறா

உங்கள் தொட்டி செடிகள், ஃபில்ட்டர் மற்றும் இதர மீன்களால் பரவி கிடக்கக்கூடாது. நடுத்தர அளவிலான தொட்டியில் ஒரு சுறாவும், பெரிய அளவிலான தொட்டியில் 8 சுறாவும் போடலாம்.

ஃபில்ட்டர் - வெண்ணிற புள்ளிகளை கொண்ட மூங்கில் சுறாக்கள்

சுறா மீன்களை வீட்டில் சிறப்பாக பராமரிக்க, எலெக்ரிகல் ஃபில்ட்டர்களை பயன்படுத்த வேண்டும். இது தானாகவே உங்கள் தொட்டியை சுத்தப்படுத்தும். சுறா மீன்கள் சுத்தமான மீன்கள் தான் என்றாலும் கூட, அது ஒன்றும் சுத்தப்படுத்தும் வேலையில் ஈடுபடுவதில்லை தானே.

சுவாசிப்பதற்கு - நர்ஸ் சுறாக்கள்

உங்கள் தொட்டிக்கு ஏர் பம்ப் அவசியமானதாகும். இல்லையென்றால் உயிருடன் இருக்கும் செடிகளை தொட்டியில் போட்டு சுறாவை பராமரிக்க வேண்டும். இருப்பினும் அளவுக்கு அதிகமான செடிகளை போட வேண்டாம். இது தொட்டியை அழுக்காக்கி விடும்.

உணவு வகை - கோரல் பூனை சுறா

சுறா என்பதால் அது அதிகமாக உண்ணும் என்று பலரும் நினைக்கலாம். சீவல் உணவு, உறைந்த-காய்ந்த இரத்தப்புழுக்கள் மற்றும் ட்யூபிஃபெக்ஸ் ஆகியவைகளே இவைகளுக்கு சிறந்த உணவாக விளங்குகிறது. காய்கறி சம்பந்தப்பட்ட உணவுகளையும் அதற்கு அளிக்கலாம்.

தொட்டியின் அலங்காரம் - வானவில் சுறா

சுறாவை வீட்டில் வளர்க்க, உங்களிடம் பெரிய மீன் தொட்டி இருக்க வேண்டும். அதில் மரம், பாறைகள் மற்றும் அடர்ந்த செடியினத்தை விட வேண்டும். இதனால் உங்கள் தொட்டியில் அதன் நிலப்பகுத்தியை அதுவே வரைந்து கொள்ளும்.

சமுதாயங்கள் - சிகப்பு வால் சுறா

சுறாவை வீட்டில் வளர்க்க மற்றொரு சிறந்த டிப்ஸ் - மிதமான மூர்க்க குணத்துடன் இருக்கும் சுறா வகைகளை மட்டுமே உங்கள் தொட்டியில் விடுங்கள்.

தொட்டியை சுத்தம் செய்தல் - நீல டார்பெடோ சுறா

சுறாவை வீட்டில் நல்லபடியாக பராமரிக்க, ஒவ்வொரு வாரமும் தொட்டியை சுத்தப்படுத்த வேண்டும். அப்போது தான் சரளை மண் மீது படியும் சிதைவு பொருட்கள் அகலும். நீர்ப்பாசி ஸ்கரப்பர் மூலமாக தொட்டியின் கண்ணாடியில் படிந்திருக்கும் பாசி மற்றும் அழுக்கை நீக்கலாம்.

மீன் இறக்கும் போது - அப்பலோ சுறா

மீன் இறக்கும் போது அதனை தொட்டியில் இருந்து உடனே அகற்ற வேண்டும். காரணம் இறந்த மீன் சிதைந்து, தொட்டியை மாசுப்படுத்தும். இதனால் மற்ற சுறாக்களுக்கு சுவாசிக்க சிரமமாகும்.

உணவளித்தல் - வெள்ளி சுறா

சுறாக்களை சிறந்த முறையில் பராமரிக்க அதற்கு அளவுக்கு அதிகமான உணவை அளிக்க கூடாது. சுறாக்கள் அதிகமாக உண்ணாது. அதற்கு வயிறு நிறைந்தவுடன், தொட்டியின் அடியில் உணவை தள்ளி விடும். இதனால் உங்கள் தொட்டி பார்ப்பதற்கு அசிங்கமாக காட்சியளிக்கும்.