வெள்ளிப் பாத்திரங்களை பளிச்சென்று மின்ன உதவும் இயற்கைப் பொருட்கள்!!!

டூத் பேஸ்ட்

டூத் பேஸ்ட் பற்களை மட்டும் வெண்மையாக்க உதவுவதில்லை, வெள்ளிப் பொருட்களையும் வெண்மையாக்க பெரிதும் உதவியாக இருக்கும். அதற்கு சிறிது வெள்ளையான டூத் பேஸ்ட்டை கையில் எடுத்து, வெள்ளிப் பொருட்களின் மீது தேய்த்தால், வெள்ளிப் பொருட்கள் மின்னும்.

பேக்கிங் சோடா

பேக்கிங் சோடாவை நீரில் கலந்து பேஸ்ட் செய்து, பின் ஈரமான துணி பயன்படுத்தி வெள்ளிப் பொருட்களை தேய்த்து, வெதுவெதுப்பான நீரில் கழுவி, பின் ஈரமான துணியால் வெள்ளிப் பாத்திரங்களை அழுத்தி துடைக்க வேண்டும்.

எலுமிச்சை சாறு மற்றும் உப்பு

ஒரு டேபிள் ஸ்பூன் எலுமிச்சை சாற்றில், 2 டேபிள் ஸ்பூன் உப்பு சேர்த்து கலந்து, அதனைப் பயன்படுத்தி, வெள்ளிப் பாத்திரங்களை தேய்த்து சிறிது நேரம் ஊற வைத்து கழுவினால், வெள்ளிப் பாத்திரங்கள் பளிச்சென்று மின்னும்.

டிடர்ஜெண்ட் பவுடர்

டிடர்ஜெண்ட் பவுடரை வெதுவெதுப்பான நீரில் சிறிது போட்டு, பின் அதில் வெள்ளிப் பாத்திரங்களை 30 நிமிடம் ஊற வைத்து, சுத்தமான உலர்ந்து துணியில் துடைத்தால், வெள்ளிப் பாத்திரங்கள் புதிது போன்று மின்னும்.

கெட்சப்

பெரும்பாலான வீடுகளில் நிச்சயம் கெட்சப் இருக்கும். அந்த கெட்சப்பை வெள்ளிப் பாத்திரங்களின் மீது தடவி சிறிது நேரம் நன்கு தேய்த்து, பின் கழுவ வேண்டும். இதனாலும் வெள்ளிப் பாத்திரங்கள் பளிச்சென்று இருக்கும்.