வாஸ்துப்படி வீட்டின் பூஜை அறையில் இந்த பொருட்களை வெக்காதீங்க.. இல்ல கஷ்டம் தான் அதிகரிக்கும்...

லெதர் பொருட்கள்

விலங்குகளின் தோலால் ஆன பொருட்களை பூஜை அறையில் வைக்கக்கூடாது. ஏனெனில் இது ஒரு உயிரை அழித்து, அதன் தோலில் இருந்து தயாரிக்கப்படுகிறது. இம்மாதிரியான பொருட்களை பூஜை அறையில் வைப்பது, அந்த வீட்டில் பிரச்சனைகளை அதிகரிக்கும். எனவே லெதர் பர்ஸ்கள், லெதர் பெல்ட், லெதர் பைகள் போன்றவற்றை பூஜை அறையில் லைக்காதீர்கள்.

காலணிகள்

காதணிகள் அழுக்குகள் நிறைந்தவை மற்றும் இது பெரும்பாலும் விலங்குகளின் தோலால் ஆனவை. இத்தகைய காலணியை பூஜை அறையினுள் கொண்டு செல்லக்கூடாது. முக்கியமாக காலணியை வைக்கும் ஸ்டாண்ட்டை பூஜை அறைக்கு அருகில், பூஜை அறையின் சுவற்றை ஒட்டி வைக்கக்கூடாது.

இறந்தவர்கள் போட்டோக்கள்

பூஜை அறையில் தெய்வங்களின் போட்டோக்கள் மற்றும் சிலைகளை மட்டும் தான் வைக்க வேண்டும். நிறைய பேர் அப்படிப்பட்ட புனிதமான அறையில், மறைந்தவர்களின் போட்டோக்களை வைப்பதுண்டு. ஆனால் இந்த அறையில் இறந்தவர்களின் போட்டோக்களை வைக்கக்கூடாது. ஒரு வேளை வைத்தால், அது வீட்டில் துரதிர்ஷ்டத்தைக் கொண்டு வருவதோடு, வீட்டின் மகிழ்ச்சியையும் அதிகரிக்கும்.

உடைந்த சிலைகள்

வீட்டின் பூஜை அறையில் சிலைகளை வைத்து வழிபடுவது நல்லது. ஆனால் அந்த சிலைகளை கவனமாக பராமரிக்க வேண்டும். ஏனெனில் உடைந்த சிலைகளை பூஜையறையில் வைத்திருப்பது நல்லதல்ல. ஒருவேளை உங்கள் வீட்டில் இருந்தால் அதை உடனே அப்புறப்படுத்துங்கள்.

காய்ந்த பூக்கள்

வீட்டின் பூஜை அறையில் தெய்வத்திற்கு படைத்துள்ள பூக்களை தினந்தோறும் மாற்ற வேண்டும். பூஜை அறையில் பூக்கள் காய்ந்திருந்தால், அது அந்த வீட்டில் எதிர்மறை ஆற்றலை அதிகரிப்பதோடு, துரதிர்ஷ்டத்தை தான் தரும். எனவே தினமும் மறக்காமல் பூக்களை மாற்றும் பழக்கத்தைக் கொள்ளுங்கள்.