எச்சரிக்கை! உங்க காலில் இந்த அறிகுறிகள் இருக்கா? அப்ப உங்களுக்கு இந்த ஆபத்தான நோய் இருக்கலாமாம்!

அதிக நேரம் உட்கார்ந்திருக்கும்போது, இரத்தம் உங்கள் கால்களில் தேங்கி நிற்கும். இது உங்கள் நரம்புகளில் கூடுதல் அழுத்தத்தை ஏற்படுத்துகிறது. மேலும் இது வீக்கம் மற்றும் வலியை உங்களுக்கு ஏற்படுத்தும்.

Published: Thursday, February 2, 2023, 17:52 [IST]

உங்கள் உடல் பல நோய்கள் மற்றும் தொற்றுநோய்களால் பாதிக்கப்பட வாய்ப்புள்ளது. ஆனால் நீங்கள் எப்போதாவது சிரை நோய், அதாவது வெரிகோஸ் வெயின் பற்றி கேள்விப்பட்டிருக்கிறீர்களா? ஆம், இந்த நோய் பொதுவாக நடுத்தர வயதுடையோர் மற்றும் வயதானவர்களுக்கு ஏற்படுகிறது. மேலும், இந்த நோய் ஆண்களைவிட பெண்களுக்கு அதிகம் ஏற்படுவதாக ஆய்வுகள் தெரிவிக்கின்றன. நரம்புகளின் சுவர்கள் சேதமடையும் போது நரம்பு நோய் ஏற்படுகிறது மற்றும் இது இரத்த ஓட்ட அமைப்பின் வழியில் சிக்கல்களை ஏற்படுத்துகிறது. இதில் நரம்பின் செயல்பாடு இரத்தத்தை மீண்டும் இதயத்திற்கு கொண்டு செல்வதைத் தடுக்கிறது. அவை தமனிகளுக்கு ஒத்தவை ஆனால் தடிமனாக இருக்காது.

Varicose veins: this unhealthy habit can increase your risk in tamil

கூடுதலாக, இரத்தம் ஒரு வழியில் மட்டுமே பயணிப்பதை உறுதி செய்யும் வால்வுகள் உள்ளன. இவை சிரை நோயின் பொதுவான அறிகுறிகளில் ஒன்றாக வீங்கி பருத்து போன்று காணப்படும். இது பெரும்பாலும் கீழ் கால்களில் ஏற்படுகிறது. ஆரோக்கியமற்ற உங்களின் பழக்கங்கள் இந்த ஆபத்தை அதிகரிக்கும். அவை என்னென்ன என்று இக்கட்டுரையில் தெரிந்துகொள்ளலாம்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

வெரிகோஸ் வெயின் என்றால் என்ன?

வெரிகோஸ் வெயின் என்பது உடலில் உள்ள சிரைகள் முறுக்கியும், வீக்கமாக உள்ள நிலையைக் குறிப்பது ஆகும். இது உடலின் மற்ற இடங்களில் தோன்றும் என்றாலும், பொதுவாக இந்நோயானது காலில் உள்ள இரத்தக் குழாய்களில் ஏற்படும் சிக்கலைக் குறிக்கிறது. வெரிகோஸ் வெயின் விரிசுருள் சிரை நோய் என்றும் அழைக்கப்படுகிறது. இது உங்கள் தோலின் மேற்பரப்புக்கு மிக அருகில் உருவாகிறது. பெரும்பாலான சந்தர்ப்பங்களில், இவை உயிருக்கு ஆபத்தானவை அல்ல. ஆனால், அவை வலி மற்றும் அசௌகரியத்தை உங்களுக்கு ஏற்படுத்தும்.

வெரிகோஸ் வெயின் முதன்மையான காரணம்

அதிக நேரம் உட்கார்ந்திருக்கும்போது, இரத்தம் உங்கள் கால்களில் தேங்கி நிற்கும். இது உங்கள் நரம்புகளில் கூடுதல் அழுத்தத்தை ஏற்படுத்துகிறது. மேலும் இது வீக்கம் மற்றும் வலியை உங்களுக்கு ஏற்படுத்தும். சிலந்தி நரம்புகள் உடைந்த இரத்த நாளங்களையும் நீங்கள் அறிகுறியாக காணலாம். மற்ற காரணிகளாலும் வெரிகோஸ் வெயின் பிரச்சனை ஏற்படலாம். இவை வயது அதாவது 50 அல்லது அதற்கு மேற்பட்ட வயது, பாலினம், கர்ப்பம், மாதவிடாய், குடும்ப வரலாறு மற்றும் உடல் பருமன் ஆகிய காரணங்கள் காரணமாகவும் நிகழாலாம்.

வெரிகோஸ் நரம்புகள் சிக்கல்களை ஏற்படுத்துமா?

வெரிகோஸ் வெயின் ஒரு தீவிர மருத்துவ நிலையாக கருதப்படவில்லை என்றாலும், கடுமையான, தொடர்ச்சியான வலி மற்றும் வீக்கத்துடன் இருந்தால் அவை சிக்கல்களை ஏற்படுத்தும். அரிதாக இருந்தாலும், உங்கள் நரம்புகளுக்கு அருகில் தோலில் உருவாகும் புண்கள், இரத்த உறைவு மற்றும் இரத்தப்போக்கு ஆகியவை வெரிகோஸ் வெயினோடு தொடர்புடைய கடுமையான சிக்கல்களாக இருக்கலாம் என்று கூறப்படுகிறது. எப்போதாவது, தோலுக்கு அருகில் உள்ள நரம்புகள் கடுமையான பாதிப்பை சந்திக்கலாம். இது பொதுவாக சிறிய இரத்தப்போக்கு மட்டுமே ஏற்படுத்துகிறது என்றாலும், அதற்கு மருத்துவ கவனிப்பு வேண்டும் என்று நிபுணர்கள் கூறுகிறார்கள்.

வலியை எவ்வாறு சமாளிப்பது?

நீங்கள் வலியுடன் கூடிய விரிசுருள் சிரை நாளங்களை உருவாக்கினால், வலி மற்றும் வீக்கத்தை சமாளிப்பதற்கான சிறந்த வழி சுய-கவனிப்பு ஆகும். உடற்பயிற்சி, உட்கார்ந்து அல்லது படுக்கும்போது கால்களை உயர்த்துவது அல்லது சுருக்க காலுறைகளை அணிவது ஆகியவை வெரிகோஸ் நரம்புகளின் வலியைக் குறைப்பதற்கும் அதைத் தடுப்பதற்கும் சில பயனுள்ள வழிகளாக இருக்கும்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்