For Quick Alerts
ALLOW NOTIFICATIONS  
For Daily Alerts

மஞ்சள் அதிகம் சாப்பிடுவதால் உடலில் என்னென்ன மாற்றங்கள் ஏற்படும் தெரியுமா?

மஞ்சள் இல்லாமல் இந்திய உணவு வகைகள் முழுமையடையாது என்பதில் எந்த சந்தேகமும் இல்லை. இது குழம்பு, கிரேவி மற்றும் சில இனிப்புகளில் கூட பயன்படுத்தப்படுகிறது.

|

இந்தியாவில் 'ஹால்டி' என்று அழைக்கப்படும் மஞ்சள் உணவிற்கு அதன் மஞ்சள் நிறத்தை கொடுக்கும் மசாலா ஆகும். அனைத்து இந்திய சமையலறைகளிலும் தவறாமல் இடம்பெற்றிருக்கும் மஞ்சள் பல நூற்றாண்டுகளாக மருந்துப் பொருளாகவும் பயன்படுத்தப்பட்டு வருகிறது. மஞ்சளின் வேர் மருந்து தயாரிக்க பரவலாக பயன்படுத்தப்படுகிறது. இதில் குர்குமின் எனப்படும் மஞ்சள் நிற ரசாயனம் உள்ளது, இது பெரும்பாலும் உணவுகள் மற்றும் அழகுசாதனப் பொருட்களுக்.கு வண்ணமயமாக்கப் பயன்படுகிறது.

Things That Happen When You Eat More Turmeric

மஞ்சள் இல்லாமல் இந்திய உணவு வகைகள் முழுமையடையாது என்பதில் எந்த சந்தேகமும் இல்லை. இது குழம்பு, கிரேவி மற்றும் சில இனிப்புகளில் கூட பயன்படுத்தப்படுகிறது. இதனால் இந்தியர்கள் தினசரி மஞ்சளை வெவ்வேறு அளவுகளிலும், வடிவங்களிலும் உட்கொள்கின்றனர். நீங்கள் தொடர்ந்து மஞ்சள் எடுத்துக்கொள்ளும்போது அது உங்கள் உடலில் பல மாற்றங்களை ஏற்படுத்தும். அது என்னென்ன மாற்றங்கள் என்று இந்த பதிவில் பார்க்கலாம்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
ஆக்சிஜனேற்ற அதிகரிப்பு

ஆக்சிஜனேற்ற அதிகரிப்பு

ஃப்ரீ ரேடிக்கல்களை உள்ளடக்கிய ஆக்ஸிஜனேற்ற சேதம், வயதாவதன் பின்னணியில் உள்ள வழிமுறைகளில் ஒன்றாக நம்பப்படுகிறது. மஞ்சளில் காணப்படும் குர்குமின் ஒரு சக்திவாய்ந்த ஆக்ஸிஜனேற்றியாகும், இது அதன் வேதியியல் கட்டமைப்பு காரணமாக ஃப்ரீ ரேடிக்கல்களை நடுநிலையாக்குகிறது. தவிர, இது உங்கள் உடலின் ஆக்ஸிஜனேற்ற நொதிகளின் செயல்பாட்டை அதிகரிக்கிறது.

எடை குறைப்பில் உதவலாம்

எடை குறைப்பில் உதவலாம்

மஞ்சளில் உள்ள குர்குமின் உடல் பருமனில் பங்கு வகிக்கும் குறிப்பிட்ட அழற்சி குறிப்பான்களை கட்டுப்படுத்தக்கூடும். லாஸ் ஏஞ்சல்ஸைச் சேர்ந்த உணவியல் ஊட்டச்சத்து நிபுணரான பாட்ரிசியா பன்னன் கருத்துப்படி, "உங்கள் மஞ்சள் உட்கொள்ளலை அதிகரிப்பது எடை இழப்புக்கு ஒரு சிறந்த உத்தி, இது உடல் பருமனுடன் தொடர்புடைய அழற்சியைத் தணிக்கவும், கொழுப்பை எரிக்க ஊக்கத்தையும் வழங்கும் " என்று கூறியுள்ளார்.

புற்றுநோயைத் தடுக்கும்

புற்றுநோயைத் தடுக்கும்

புற்றுநோய் சிகிச்சையில் மஞ்சள் நன்மை பயக்கும் மற்றும் புற்றுநோய் உருவாக்கம், வளர்ச்சி மற்றும் மூலக்கூறு மட்டத்தில் பரவுவதை தடுக்கும் என்று கண்டறியப்பட்டுள்ளது. குர்குமின் புற்றுநோய் செல்கள் இறப்பதற்கு பங்களிக்கும் மற்றும் ஆஞ்சியோஜெனெசிஸ் (கட்டிகளில் புதிய இரத்த நாளங்களின் வளர்ச்சி) மற்றும் மெட்டாஸ்டாஸிஸ் (புற்றுநோயின் பரவல்) ஆகியவற்றைக் குறைக்கும்.

MOST READ: கோஹினூர் வைரத்தின் சாபத்தால் அழிந்த இந்திய வம்சங்களின் கதை தெரியுமா? வாய்பிளக்க வைக்கும் வரலாறு...!

மனநிலையை மாற்றும்

மனநிலையை மாற்றும்

விஞ்ஞானரீதியாக வீக்கம் மனச்சோர்வில் ஒரு பங்கைக் கொண்டிருக்கக்கூடும். மேலும், மனச்சோர்வு மூளையில் இருந்து பெறப்பட்ட நியூரோட்ரோபிக் காரணி மற்றும் சுருங்கி வரும் ஹிப்போகாம்பஸ் ஆகியவற்றுடன் இணைக்கப்பட்டுள்ளது, இது கற்றல் மற்றும் நினைவகத்தில் ஒரு பங்கைக் கொண்ட மூளைப் பகுதியாகும். மஞ்சளில் உள்ள குர்குமின் பி.டி.என்.எஃப் அளவை அதிகரிக்கும், இது உங்கள் மனநிலையை அதிகரிக்கும்.

இரத்தத்தில் சர்க்கரையை கட்டுப்படுத்தும்

இரத்தத்தில் சர்க்கரையை கட்டுப்படுத்தும்

மஞ்சள் வீக்கம் மற்றும் ஆக்ஸிஜனேற்ற அழுத்தத்தை குறைக்க உதவும் பண்புகளைக் கொண்டுள்ளது, அவை நீரிழிவு நோயைக் கட்டுப்படுத்தும் பங்கைக் கொண்டுள்ளன. இந்த காரணத்திற்காக, நீரிழிவு நோயாளிகளுக்கு மஞ்சள் பயனுள்ளதாக இருக்கும் என்று விஞ்ஞானிகள் நம்புகின்றனர்.

அல்சைமரைத் தடுக்கும்

அல்சைமரைத் தடுக்கும்

அமெரிக்கன் ஜர்னல் ஆஃப் ஜெரியாட்ரிக் சைக்காட்ரியில் மார்ச் 2018 இல் வெளியிடப்பட்ட ஒரு ஆய்வில், அல்சைமர் இல்லாமல் இருந்த 51 முதல் 84 வயதிற்குட்பட்ட பெரியவர்களில், தெராகுர்மின் என்று அழைக்கப்படும் ஒரு சப்ளிமெண்ட் - 90 மில்லிகிராம் அல்லது ஒரு டீஸ்பூன் கால் பகுதியைக் கொண்ட குர்குமினானது தினசரி இரண்டு முறை எடுத்துக் கொண்டது மேம்படுத்தப்பட்ட நினைவகத்தை ஏற்படுத்தியதுடன், அறிவாற்றலையும் அதிகரித்தது. இதனால் மஞ்சள் அல்சைமர் நோயைத் தடுக்கலாம்.

MOST READ: தலைசுற்ற வைக்கும் இந்திய அரசர்களின் அந்தப்புர ரகசியங்கள்... அதிர்ச்சியாகாம படிங்க...!

கொழுப்பின் அளவைக் குறைக்கலாம்

கொழுப்பின் அளவைக் குறைக்கலாம்

அதிக கொழுப்பு உள்ளவர்கள் மஞ்சள் பயன்படுத்துவது நன்மை பயக்கும், ஏனெனில் அதில் குர்குமின் உள்ளது. குர்குமின் எல்.டி.எல் கொழுப்பைக் குறைத்து அதன் ஆக்சிஜனேற்றத்தைத் தடுக்கிறது, தமனிகளில் பிளேக் கட்டமைப்பை கட்டுப்படுத்துகிறது.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

English summary

Things That Happen When You Eat More Turmeric

Check out the list of things that happen when you eat more turmeric.
Desktop Bottom Promotion