லிப்-கிஸ் கொடுக்கும் போது உங்க உடலில் என்னென்ன மாற்றங்கள் ஏற்படுது-ன்னு தெரியுமா?

இரத்தக்குழாய்கள் ஆரோக்கியமாகும்

ஆய்வு ஒன்றில், அடிக்கடி முத்தமிடுபவர்களுக்கு கொலஸ்ட்ரால் அளவு குறைவாக இருப்பது கண்டறியப்பட்டது. முத்தம் கொடுக்கும் போது, உடல் அதிக ஆக்ஸிடாஸின் என்ற ஹார்மோன் உற்பத்தி செய்யத் தொடங்குகிறது. இந்த ஹார்மோன் அதிக கொலஸ்ட்ராலுக்கு வழிவகுக்கக்கூடிய மன அழுத்தம் மற்றும் பதட்டத்தைப் போக்க உதவுகிறது. மேலும் முத்தம் இரத்த அழுத்தத்தைக் குறைக்க உதவுகிறது.

அழற்சியின் தீவிரம் குறையும்

முத்தம் மன அழுத்தத்தைக் குறைப்பதோடு, நேர்மறையான உணர்வுகளை அதிகரிக்கிறது. இதனால் உடலில் உள்ள அழற்சி குறையும். இருப்பினும், ஒருவேளை உங்கள் துணை உங்களுக்கு அழற்சியை ஏற்படுத்தும் உணவுகளை சாப்பிட்டால், முத்தம் கொடுப்பதன் மூலம் உங்களுக்கு அழற்சி ஏற்படும் என்பதை நினைவில் கொள்ளுங்கள்.

முகம் இளமையாகத் தோன்றும்

முத்தம் கொடுக்கும் போது, முகத் தசைகள் அதிகமாக ஈடுபடுகின்றன. எனவே முத்தம் கொடுப்பது முகத்திற்கான சிறந்த உடற்பயிற்சியாக இருக்கும். முத்தம் கொடுப்பதால் ஒரு நிமிடத்திற்கு 26 கலோரிகளை எரிக்கலாம். மேலும் முத்தம் கொடுக்கும் போது, முகத்தில் இரத்த ஓட்டம் அதிகரிப்பதால், அது கொலாஜன் மற்றும் எலாஸ்டின் உற்பத்தியைத் தூண்டி, முகத்தை இளமையாக வெளிக்காட்டும்.

தலைவலி அல்லது பிடிப்புகள் சரியாகும்

உங்களுக்கு தலைவலி அல்லது மாதவிடாய் காலத்தில் பிடிப்புகள் ஏற்பட்டால், அதில் இருந்து நிவாரணம் பெற முத்தம் கொடுங்கள். ஏனெனில் முத்தம் கொடுக்கும் போது, இரத்த நாளங்கள் தளர்ந்து போகிறது மற்றும் இரத்த அழுத்தத்தைக் குறைக்கிறது. இதன் மூலம் வலி குறையும்.

சொத்தைப் பற்களைப் பெறுவதற்கான வாய்ப்பு குறையும்

முத்தம் கொடுக்கும் போது எச்சிலின் உற்பத்தி அதிகரிக்கிறது. இது உங்கள் பற்களுக்கு தீங்கு விளைவிக்கும் பாக்டீரியாக்களில் இருந்து பாதுகாப்பு அளித்து, பல் சொத்தையைத் தடுக்கும். சில வல்லுநர்கள் எச்சிலில் உள்ள கனிம அயனிகள் எனாமலில் ஏற்படும் சிறு புண்களை சரிசெய்ய உதவும் என்று கூறுகிறார்கள். இருப்பினும், உங்களின் வாய் ஆரோக்கியம் மற்றும் உங்கள் துணையின் வாய் ஆரோக்கியம் மிகவும் முக்கியம். ஏனெனில் முத்தமிடும் போது, பல் சொத்தையை உண்டாக்கும் பாக்டீரியாக்கள் பகிரப்படுகின்றன.

உடல் எடை குறையக்கூடும்

முத்தமிடும் போது உடல் அதிக டோபமைனை உற்பத்தி செய்கிறது. உடலில் இந்த ஹார்மோன் போதுமான அளவு இல்லாமல் இருந்தால் தான், அதிக பசியுணர்வை உணர்வார்கள். இந்த சூழ்நிலையில் கலோரிகள் அதிகமான உணவுகளை சாப்பிட்டு, உடல் எடை அதிகரிக்கும். ஆனால் முத்தம் கொடுக்கும் போது, டோபமைன் உற்பத்தி செய்யப்படுவதால், பசியுணர்வு கட்டுப்படுத்தப்பட்டு, உடல் எடை அதிகரிப்பது தடுக்கப்படும்.

உடல் சோர்வை குறைவாக உணரலாம்

டோபமைன் ஒருவரது ஆற்றல் மட்டங்களைப் பாதிக்கிறது. உங்கள் டோபமைன் அளவு மிகவும் குறைவாக இருந்தால், நீங்கள் அதிக சோர்வுடனும், வழக்கத்தை விட அதிக தூக்க உணர்வையும் பெறுவீர்கள். ஆனால் முத்தம் கொடுப்பது, உடலின் விழிப்புணர்வை அதிகரித்து, அடிக்கடி சோர்வடைந்து தூங்குவதைத் தடுக்கும்.