அடிக்கடி தலைசுத்துதா? இதோ அதைத் தடுக்கும் சில வீட்டு வைத்தியங்கள்!

லெமன் பாம் இலைகள்

லெமன் பாம் இலைகளில் அழற்சி எதிர்ப்பு பண்புகள் மற்றும் ஆன்டி-வைரல் பண்புகள் உள்ளன. இது கவலை, மனச்சோர்வு, உயர் இரத்த அழுத்தம், ஒற்றைத் தலைவலி, தூக்கமின்மை, பதற்றம் மற்றும் வெர்டிகோ போன்ற பல பிரச்சனைகளுக்கு சிகிச்சை அளிக்க உதவும் மூலிகை மருந்தாகப் பயன்படுத்தப்படுகிறது. அதற்கு ஒரு டம்ளர் நீரில் 1 டீஸ்பூன் உலர்ந்த லெமன் பாம் இலைகளை சேர்த்து 10-15 நிமிடம் குறைவான தீயில் கொதிக்க வைத்து இறக்கி வடிகட்டி குடிக்க வேண்டும். இப்படி ஒரு நாளைக்கு சில முறை என சில வாரங்கள் தொடர்ந்து குடித்து வந்தால் நல்ல பலன் கிடைக்கும்.

இஞ்சி

இஞ்சி மூளையில் இரத்த ஓட்டத்தை மேம்படுத்த உதவி புரிந்து, குமட்டல் மற்றும் வெர்டிகோ சம்பந்தமான பிரச்சனைகளான மலச்சிக்கல் பிரச்சனை மற்றும் ஒற்றைத் தலைவலியில் இருந்து நிவாரணம் அளிக்கும். அதற்கு ஒரு துண்டு இஞ்சியை வாயில் போட்டு மெல்லலாம் அல்லது இஞ்சி டீ தயாரித்தும் குடிக்கலாம்.

மல்லி விதைகள்

வெட்டிகோ பிரச்சனைக்கான மிகவும் பிரபலமான ஒரு ஆயுர்வேத நிவாரணப் பொருள் தான் மல்லி விதைகள். ஒரு டீஸ்பூன் மல்லி விதை மற்றும் ஒரு டீஸ்பூன் நெல்லிக்காய் பொடியை ஒரு டம்ளர் நீரில், இரவு தூங்கும் முன் நீரில் போட்டு இரவு முழுவதும் ஊற வைக்க வேண்டும். மறுநாள் காலையில் வடிகட்டி அந்நீரைக் குடிக்க வேண்டும். இப்படி சில நாட்கள் தொடர்ந்து செய்ய நல்ல பலன் கிடைக்கும்.

ஏலக்காய்

ஏலக்காயில் இஞ்சியைப் போன்றே ஏராளமான ஆரோக்கிய பண்புகள் நிறைந்துள்ளன மற்றும் இது வெர்டிகோவிற்கு சிகிச்சை அளிக்கவும் உதவுகிறது. 2 டீஸ்பூன் நல்லெண்ணெயில், 1 1/2 டீஸ்பூன் பட்டை பொடி மற்றும் 1 1/2 டீஸ்பூன் ஏலக்காய் பொடி சேர்த்து வெதுவெதுப்பாக சூடேற்றி, அந்த எண்ணெயை தலையில் தடவி, சிறிது நேரம் மசாஜ் செய்து, சில மணிநேரம் ஊற வைக்கவும். இப்படி ஒரு வாரத்திற்கு பல முறை என சில வாரங்கள் தொடர்ந்து செய்து வந்தால், வெர்டிகோவில் இருந்து நிவாரணம் கிடைக்கும்.

துளசி

காரத்தன்மை கொண்ட துளசி இலை நல்ல மணத்தையும் கொண்டதால், இது தலைச்சுற்றல் மற்றும் வெர்டிகோவில் இருந்து நிவாரணம் அளிக்கும். அதற்கு 3-4 துளசி இலைகளை ஒரு டம்ளர் நீரில் போட்டு கொதிக்க வைத்து, அந்த பாலை இரவு தூங்கும் முன் குடிக்க வேண்டும். இப்படி சில வாரங்கள் குடித்து வந்தால், நல்ல மாற்றத்தைக் காணலாம்.