சிகரெட்டால் கருகிப் போன நுரையீரலை சுத்தம் செய்ய உதவும் அற்புத டானிக்!

டானிக்கில் உள்ள மூன்று முக்கிய பொருட்கள்

நுரையீரலில் உள்ள அழுக்குகளை எளிதில் வெளியேற்ற மூன்று பொருட்கள் பெரிதும் உதவியாக இருக்கும். அவை மஞ்சள், இஞ்சி மற்றும் வெங்காயம் ஆகும். இந்த மூன்று பொருட்களிலும் உள்ள ஊட்டச்சத்துக்கள் பல்வேறு ஆரோக்கிய நன்மைகள் வழங்குவதோடு, இந்த மூன்று பொருட்களை சேர்த்து தயாரிக்கப்படும் டானிக் அற்புதமான சுவையுடன் இருக்கும்.

மஞ்சள்

மருத்துவ குணம் அதிகம் கொண்ட பொருளாக கருதப்படும் மஞ்சள், அதன் நிறத்தால் பரவலாக அறியப்படுகிறது. மஞ்சளில் எண்ணிலடங்கா ஆரோக்கிய நன்மைகள் அடங்கியுள்ளன. இதில் கனிமச்சத்துக்கள், வைட்டமின்கள் மற்றும் புற்றுநோய் எதிர்ப்பு, பாக்டீரியல் எதிர்ப்பு மற்றும் ஆன்டி-வைரல் பண்புகளும் வளமான அளவில் உள்ளன. இந்த மஞ்சள் தூளை உங்களின் அன்றாட உணவில் சேர்க்காதவரானால், இன்று முதல் உங்கள் அன்றாட உணவில் தவறாமல் சேர்த்து வாருங்கள்.

இஞ்சி

வயிற்று உப்புசத்தை சரிசெய்ய பொதுவாக பயன்படுத்தப்படும் ஓர் பொருள் தான் இஞ்சி. இத்தகைய இஞ்சி நுரையீரலில் உள்ள அதிகப்படியான சளியைக் குறைக்கும் திறன் கொண்டது. குறிப்பாக இது புகைப்பிடிப்பவர்களுக்கு நுரையீரலைப் பாதுகாக்கும் மிகவும் பயனுள்ள பொருள்.

வெங்காயம்

வெங்காயம் சக்தி வாய்ந்த ஆன்டி-ஆக்சிடன்ட்டுகள் மற்றும் புற்றுநோய் எதிர்ப்பு பண்புகளைக் கொண்டது. மேலும் இது சில வகையான புற்றுநோய்க்கு சிகிச்சை அளிக்கப் பயன்படுத்தப்பட்டு வருகிறது. ஏனெனில் வெங்காயம் புற்றுநோய் செல்களின் வளர்ச்சியைத் தடுக்கும் திறன் கொண்டது.

மேலே கூறிய இந்த மூன்று பொருட்களுமே நுரையீரல் ஆரோக்கியத்தை மேம்படுத்தவும், நுரையீரலில் உள்ள அழுக்கை வெளியேற்றும் திறனையும் கொண்டவை. இப்போது இந்த பொருட்களைக் கொண்டு டானிக் எப்படி தயாரிப்பது என்று காண்போம்.

பானம் தயாரிக்க தேவையான பொருட்கள்:

* மஞ்சள் தூள் - 2 டேபிள் ஸ்பூன்

* வெங்காயம் - 400 கிராம்

* இஞ்சி - ஒரு துண்டு

* தேன் - 400 கிராம்

* ஆப்பிள் சீடர் வினிகர் - 1 டீஸ்பூன்

* தண்ணீர் - 1 லிட்டர்

செய்முறை:

* முதலில் நீரை அடுப்பில் வைத்து, அதில் ஆப்பிள் சீடர் வினிகர் மற்றும் தேன் சேர்த்து நன்கு கொதிக்க வைக்க வேண்டும்.

* பின் அந்த நீரில் இஞ்சி, வெங்காயத்தைப் போட்டு நன்கு கொதிக்க வைக்க வேண்டும்.

* அதன் பின் மஞ்சள் தூள் சேர்த்து, குறைவான தீயில் நீர் பாதியாகும் வரை கொதிக்க வைத்து இறக்கி குளிர வைக்க வேண்டும்.

* பின்பு அதை வடிகட்டி, ஒரு கண்ணாடி பாட்டிலில் ஊற்றி, நன்கு குளிர்ந்த பின் ஃப்ரிட்ஜில் வைக்க வேண்டும்.

* இந்த டானிக்கை தினமும் 2 டேபிள் ஸ்பூன் குடிக்க வேண்டும். அதுவும் காலை மற்றும் மாலை வேளையில் உணவு உண்ட பின் குறைந்தது 2 மணிநேரம் கழித்து சாப்பிட வேண்டும்.

முடிவு

புகைப்பழக்கம் ஒரு கொடிய பழக்கம். இப்பழக்கத்தை பழகிக் கொண்டால், அதிலிருந்து வெளிவருவது மிகவும் கடினம். ஆனால் முயன்றால் நிச்சயம் முடியும். அப்படி முயற்சி செய்து புகைப்பழக்கத்தை கைவிட்டால், நிச்சயம் நுரையீரல் ஆரோக்கியத்தை மீண்டும் மேம்படுத்த முடியும். அதற்கு மேலே கொடுக்கப்பட்டுள்ள டானிக்கை அருந்த வேண்டும். இதனால் நற்பலன் கிடைக்கும். இந்த டானிக்கை புகைப்பிடிப்பவர்கள் மற்றும் புகைப்பழக்கத்தை கைவிட்டவர்கள் தினமும் உட்கொள்வது மிகவும் நல்லது.