வெல்லத்தை இந்த பொருளோட சேர்த்து சாப்பிட்டா நோயெதிர்ப்பு சக்தி பலமடங்கு அதிகரிக்குமாம்...

நெய்யுடன்...

வெல்லம் மற்றும் நெய்யை ஒன்றாக சேர்த்து சாப்பிடும் போது, மலச்சிக்கலில் இருந்து உடனடி நிவாரணம் கிடைக்கும். அதோடு, இது உடலில் உள்ள நச்சுக்களை வெளியேற்றவும், மனநிலையை மேம்படுத்தவும், சருமம், தலைமுடி மற்றும் நகங்களின் ஆரோக்கியத்தை மேம்படுத்தவும் உதவுகிறது. அதிலும் அதிகபட்ச பலனைப் பெற வெல்லத்தை நெய்யுடன் சேர்த்து மதிய உணவிற்கு பின் சாப்பிட வேண்டுமாம்.

மல்லி விதையுடன்...

மல்லி விதைகளில் பொட்டாசியம், மாங்கனீசு, கோலைன் மற்றும் பீட்டா-கரோட்டீன் போன்றவை உள்ளது. 2-3 மல்லி விதைகளை சிறிது வெல்லத்துடன் சேர்த்து சாப்பிட்டால், மாதவிடாய் காலத்தில் சந்திக்கும் வயிற்று வலி குறையும் மற்றும் இரத்தப்போக்கு பிரச்சனையும் நீங்கும்.

சோம்புடன்...

பொதுவாக சோம்பு வாயை புத்துணர்ச்சியுடன் வைத்துக் கொள்ளும். அதிலும் அந்த சோம்பை, வெல்லத்துடன் சேர்த்து சாப்பிட்டால், வாய் துர்நாற்றம் நீங்கி, வாய் புத்துணர்ச்சியுடன் இருப்பதோடு, பற்களில் உருவாகும் மஞ்சள் கறைகளும் குறையும்.

பிசினுடன்...

பாதாம் பிசின் லட்டு குளிர்காலத்தில் சாப்பிட ஏற்ற அற்புதமான ஒரு ஸ்வீட். இது பாதாம், உலர் பழங்கள், கோதுமை, பிசின் மற்றும் வெல்லம் கொண்டு தயாரிக்கப்படும் ஒரு பிரபலமான குளிர்கால ஸ்வீட். இதை சாப்பிடுவதால் எலும்புகளின் அடர்த்தி அதிகரிக்கும் மற்றும் தாய்ப்பால் கொடுக்கும் பெண்கள் சாப்பிட்டால் தாய்ப்பால் ஊறும்.

எள்ளு விதையுடன்...

எள்ளு விதைகளில் கால்சியம், மக்னீசிம், மாங்கனீசு, ஜிங்க் போன்றவை உள்ளது. மேலும் இந்த விதைகள் ஆற்றலின் சக்தியாகும் மற்றும் எள்ளு விதைகளை வெல்லத்துடன் சேர்த்து எடுக்கும் போது, அது குளிர்காலத்தில் சந்திக்கும் ஆரோக்கிய பிரச்சனைகளான சளி, காய்ச்சல் மற்றும் இருமலின் அபாயத்தைக் குறைக்க உதவும்.

வேர்க்கடலையுடன்...

வேர்க்கடலையில் பயோடின், காப்பர், நியாசின், ஃபோலேட், மாங்கனீசு, வைட்டமின் ஈ, தியாமின், பாஸ்பரஸ் மற்றும் மக்னீசியம் போன்றவை அதிகம் உள்ளது. வேர்க்கடலையை வெல்லத்துடன் சேர்த்து குளிர்காலத்தில் சாப்பிடுவதால், உடல் வலிமையாக இருப்பதோடு, பசியின்மையும் சீராகும். மேலும் இது ஆரோக்கியமற்ற உணவுகளின் மீதுள்ள ஆவலைக் குறைக்கும்.

வெந்தயத்துடன்....

குளிர்காலத்தில் தலைமுடி வறட்சியுடன் பொலிவிழந்து காணப்படும். அதோடு பலர் தலைமுடி உதிர்வாலும் அவஸ்தைப்படுவார்கள். உங்களுக்கு தலைமுடி நீளமாகவும், வலிமையுடனும், பொலிவோடும் இருக்க வேண்டுமானால், தினமும் வெந்தய விதையுடன் வெல்லத்தை சேர்த்து சாப்பிடுங்கள்.

மஞ்சளுடன்...

உணவுகளில் பொதுவாக சேர்க்கப்படும் ஒரு மசாலாப் பொருள் தான் மஞ்சள். ஆயுர்வேத மருத்துவத்தில் கூட மஞ்சள் பல ஆரோக்கிய பிரச்சனைகளுக்கு சிகிச்சை அளிக்க பயன்படுத்தப்படுகிறது. இதற்கு மஞ்சளில் உள்ள சக்தி வாய்ந்த குர்குமின் என்னும் பொருள் தான் காரணம். அதுவும் ஒரு சிட்டிகை மஞ்சள் தூள் மற்றும் வெல்லத்தை வெதுவெதுப்பான பாலில் சேர்த்து இரவு தூங்கும் முன் குடித்தால், நோயெதிர்ப்பு சக்தி பலமடங்கு அதிகரிக்கும்.

சுக்கு பொடியுடன்...

வெல்லத்தை சுக்குடன் சேர்த்து சாப்பிட்டால் காய்ச்சலில் இருந்து விரைவில் குணமாவதோடு, அலர்ஜி பிரச்சனையும் குறையும். விருப்பமுள்ளவர்கள், வெல்லம் மற்றும் சுக்கு கொண்டு சட்னி தயாரித்து, உணவுடன் சேர்த்து சாப்பிடலாம்.