ஆண்களுக்கு சிறுநீர் மிகவும் சூடாக வெளியேறுவதற்கு காரணம் என்ன தெரியுமா?

ஆண்களுக்கு சிறுநீர் மிகவும் சூடாக வெளியேறுவதற்கான காரணங்கள்

சுக்கிலவழற்சி (Prostatitis)

இது ஆண்களில் சிறுநீர்ப்பைக்கு கீழே நேரடியாக அமைந்துள்ள புரோஸ்டேட் சுரப்பியின் வீக்கம் மற்றும் அழற்சி ஆகும். பாக்டீரியா தொற்று காரணமாக இந்த நிலை அடிக்கடி உண்டாகிறது. புரோஸ்டேடிடிஸ் உள்ள ஆண்கள் சிறுநீர் கழிக்கும் போது எரிச்சல் அல்லது வலி உணர்வை உணர்வார்கள். மேலும் சிறுநீர் கழிக்கும் போது ஏற்படும் மாற்றங்களை உணர்வார்கள்.

விரைமேல் நாள அழற்சி (Epididymitis)

விந்தணுக்களை சேமித்து வைக்கவும், அவற்றை சுமந்து செல்லவும் விந்தகத்தின் பின்புறம் அமைந்திருக்கும் ஒரு குழாய் எபிடிடிமிஸ். இந்த குழாயில் உண்டாகும் அழற்சி எபிடிடிமிடிஸ். இந்த குழாயில் ஏற்படும் தொற்று சிறுநீர் கழிக்கும் போது வலி மிகுந்த எரிச்சல் உணர்வை ஏற்படுத்தும். இந்த நிலை பொதுவாக ஒரு பாக்டீரியா தொற்று அல்லது அறுவை சிகிச்சையால் ஏற்படுகிறது.

அறிகுறிகள்

1. காய்ச்சல்

2. பிறப்புறுப்பில் வீக்கம்

3. ஆண்குறியிலிருந்து வெளியேற்றம்

4. அடர்நிறத்தில் சிறுநீர் வெளியேற்றம்

5. துர்நாற்றத்துடன் கூடிய சிறுநீர் வெளியேற்றம்

6. குமட்டல் மற்றும் வாந்தி

7. சிறுநீர் கழிப்பதில் சிரமம்

8. முதுகு மற்றும் அடிவயிற்றில் வலி

மருத்துவரை எப்போது பார்க்கலாம்?

வலியுடன் கூடிய எரிச்சல் மிகுந்த சிறுநீர் வெளியேற்றத்தை நீங்கள் அனுபவித்தால் மருத்துவரை அணுகலாம். இயல்பை விட அதிக சூடாக சிறுநீர் வெளியேறினால் மருத்துவரை உடனடியாக சந்திக்கலாம்.

சிகிச்சை

சூடான சிறுநீரின் காரணத்தைப் பொறுத்து அதன் சிகிச்சை அமையும். ஆண்களுக்கு சூடான சிறுநீர் வெளியேறுவதற்கு சிகிச்சையளிப்பதில் நுண்ணுயிர் எதிர்ப்பிகள் பயனுள்ளதாக இருக்கும். மேலும், அதிகமான அளவு தண்ணீரைக் குடிப்பதால் சிறுநீரில் இருந்து பாக்டீரியாக்களை வெளியேற்ற முடியும். இதனால் சூடான சிறுநீருக்கு சிகிச்சையளிக்க முடியும்.