நீங்க சரக்கு அடிப்பீங்களா? அப்ப கட்டாயம் இத படிங்க...

சோடா மற்றும் பிற எனர்ஜி பானங்கள்

பொதுவாக ஆல்கஹாலுடன் பலர் சோடாவை சேர்த்துக் குடிப்பார்கள். ஆனால் உண்மையில், ஆல்கஹாலுடன் சோடா அல்லது பிற எனர்ஜி பானங்களை சேர்த்துக் குடிக்கக்கூடாது. ஏனெனில் ஆல்கஹால் உடல் வறட்சியை உண்டாக்கும். இந்நிலையில் சோடா பானங்களை சேர்த்துக் குடித்தால், அது இன்னும் தீவிரமாக்கும். ஆகவே ஆல்கஹால் குடிப்பதாக இருந்தால், அத்துடன் தண்ணீர் அல்லது ஐஸ் கட்டிகளை சேர்த்துக் குடிக்கலாம்.

வேர்க்கடலை மற்றும் முந்திரி

பல ரெஸ்டாரண்ட்டுகள் அல்லது பார்களில் சரக்கிற்கு சைடு டிஷ்ஷாக வேர்க்கடலை அல்லது முந்திரியைக் கொடுப்பார்கள். ஆனால் இவை உடல் ஆரோக்கியத்திற்கு நல்லதல்ல. பொதுவாக இவற்றில் கொலஸ்ட்ரால் அதிகமாக உள்ளது. இதை ஆல்கஹால் உடன் சேர்த்து உண்பது பசியுணர்வைக் கொன்று, மது அருந்திய பின் சரியாக சாப்பிட முடியாமல் போகும்.

காரமான பொருட்கள்

பொதுவாக ஆல்கஹால் அசிடிட்டியை உண்டாக்கும். இத்தகைய ஆல்கஹாலை குடிக்கும் போது அல்லது குடித்த பின்னர் காரமான உணவுகளை உண்பதைத் தவிர்க்க வேண்டும். சொல்லப்போனால், மது அருந்திய பின்னர் லேசான உணவுகளையே உண்ண வேண்டும். இதனால் எளிதில் உணவுகளானது செரிமானமாகி, உடல் ஆரோக்கியமும் நன்றாக இருக்கும். ஆகவே சரக்கு அடித்த பின்னர் பிரியாணி போன்றவற்றை சாப்பிடாதீர்கள்.

சிப்ஸ்

பெரும்பாலான மக்கள் மது அருந்தும் போது சிப்ஸ் சாப்பிடுவார்கள். இது உடல் ஆரோக்கியத்திற்கு நல்லதல்ல. சிப்ஸ் மற்றும் உப்பு அதிகம் உள்ள உணவுகளை ஆல்கஹாலுடன் உட்கொண்டால், தாகம் அதிகமாக எடுக்கும் மற்றும் தாகத்தைக் குடிக்க அதிக ஆல்கஹால் குடிக்க நேரிடும். இதன் விளைவாக உடலில் நீரிழப்பு ஏற்பட்டு, உடல் ஆரோக்கியம் மோசமாக பாதிக்கப்படும்.

பிரட், பர்கர்

மது அருந்திய பின்னர் வயிறு உப்புசமாக இருக்கக்கூடாது என்று நினைத்தால், பிரட், பர்கர் போன்றவற்றை சாப்பிடாதீர்கள். ஏனெனில் இவை இரண்டிலுமே ஈஸ்ட் உள்ளது மற்றும் இது வயிற்றில் ஈஸ்ட் அளவை அதிகரித்து ஜீரணிக்க முடியாமல் செய்துவிடும். இதன் விளைவாக செரிமான பிரச்சனை அல்லது அதிகப்படியான கேண்டிடா வளர்ச்சியை ஏற்படுத்திவிடும்.

தக்காளி பிட்சா

பொதுவாக ஆல்கஹால் வயிற்றைக் காலியாக்கும் செயல்முறையைத் தாமதப்படுத்தும் மற்றும் கீழ் ஓசோபாகல் ஸ்பைன்க்டரில் பதற்றத்தைக் குறைத்து, ஆசிட் ரிஃப்ளக்ஸை ஏற்படுத்தும். இந்நிலையில் தக்காளி பிட்சாவை சாப்பிட்டால், அது நிலைமையை இன்னும் தீவிரமாக்கி நெஞ்செரிச்சல், GERD போன்ற பிரச்சனைகளை ஏற்படுத்தும்.