இந்த பொருட்கள் ஆண்களின் ஆண்மைத்தன்மையை அழிக்கும் என்று தெரியுமா?

பண ரசீதுகள்

என்ன நம்ப முடியவில்லையா? ஆம், பெரும்பாலான பண ரசீதுகளின் மேல் தடவப்பட்டிருப்பது BPA என்னும் பிஸ்பீனால் ஆகும். இது குறைந்த விந்தணு எண்ணிக்கை உட்பட ஆண் கருவுறுதல் தொடர்பான பிரச்சினைகளுக்கு வழிவகுக்கும்.

கேன் உணவுகள்

வேகமான மற்றும் அவசரமான வாழ்க்கை முறையால், இன்று பலருக்கும் சமைத்து சாப்பிட போதிய நேரம் கிடைக்காமல், கடைகளில் விற்கப்படும் கேன் உணவுகளை வாங்கி உட்கொள்கின்றனர். கேன்களில் அடைத்து விற்கப்படும் உணவுகள் மிகவும் மோசமானவை. இந்த கேன்களில் BPA என்னும் பிஸ்பீனால் பூசப்பட்டுள்ளது. இப்பொருளானது உணவுடன் சேர்ந்து உடலினுள் சென்று, கருவளத்தை பாதிக்கும். கேன் உணவுகளை ஒருவர் பல நாட்களாக உட்கொண்டு வந்தால், நாளடைவில் அது மலட்டுத்தன்மையை ஏற்படுத்திவிடும்.

குளியலறை மற்றும் கழிவறைப் பொருட்கள்

நறுமணமிக்க சோப்புகள், ஷாம்புக்கள், பாடி வாஷ் மற்றும் குளியலறையில் உள்ள வினைல் திரைச்சீலைகள் கூட பித்தலேட்டுகளைக் (கெமிக்கல் பிளாஸ்டிசைசர்கள்) கொண்டிருக்கின்றன. இப்பொருள் ஆண் மலட்டுத்தன்மையுடன் மட்டுமல்லாமல் புற்றுநோய், அலர்ஜி மற்றும் பிறப்பு குறைபாடுகளுடன் நேரடியாக தொடர்ந்து கொண்டுள்ளது.

பாலியல் பொம்மைகள்

பாலியல் பொம்மைகளில் பித்தலேட்டுகள் அதிக அளவில் காணப்படுகிறது. இந்த பொருட்களுக்கு அடிமையான ஆண்களால், இயற்கையாகவே ஒரு பெண்ணை கருவுறச் செய்யும் போது பிரச்சனைகளை சந்திக்க நேரிடுகிறது.

பூச்சிக் கொல்லிகள்

பூச்சிக் கொல்லிகளில் உள்ள வலிமையான கெமிக்கல்கள், ஆண் கருவளத்தை பாதிக்கும். ஆகவே இந்த கெமிக்கல்களைக் கையாளும் போது, போதுமான எச்சரிக்கை நடவடிக்கைகளை மேற்கொள்ள வேண்டியது மிகவும் அவசியம். சொல்லப்போனால், பூச்சிக் கொல்லிகளை பயன்படுத்தும் முன், மருத்துவரை அணுகி தீர்வைப் பெற்றுக் கொள்வதே சிறந்தது.

சூடான கார் அல்லது பைக் இருக்கைகள்

சூடான கார் மற்றும் பைக் இருக்கைகளில் ஆண்கள் அமர்ந்தால், அவர்களின் விந்தணுக்களின் எண்ணிக்கை குறையும். ஏனெனில் விந்தணுக்களை உற்பத்தி செய்யும் விரைப்பை அதிக வெப்பத்திற்குள்ளானால், விந்தணுக்களின் உற்பத்தி பாதிக்கப்பட்டு, குறைய ஆரம்பிக்கும். எனவே சூடான இருக்கையில் ஆண்கள் அமரும் முன் யோசியுங்கள்.

PCB அசுத்தமான மீன்கள்

பாலிகுளோரினேட்டட் பைபீனைல் உற்பத்தியானது தடை செய்யப்பட்டிருந்தாலும், இன்னும் அந்த கெமிக்கல் மீன்களுள் உள்ளன. அதுவும் கேன்கள் அடைத்து விற்கப்படும் அல்லது பதப்படுத்தப்பட்ட மீன்களில் இந்த மோசமான பொருள் நிச்சயம் இருக்கும். ஆகவே இம்மாதிரியான மீன்களை உண்பதைத் தவிர்த்திடுங்கள்.