இரத்த சிவப்பு அணுக்கள் அதிகரிக்கணுமா? அப்ப இந்த பொருட்கள உங்க உணவுல சேர்த்துக்கோங்க...!

கடல் உணவுகள்

தாமிரம் நிறைந்த வகை உணவுகளில் கடல் உணவு நிச்சயமாக ஒன்றாகும். இந்த வகைகளில் சில டுனா, கலமாரி (அல்லது ஸ்க்விட்), இரால், ஹேடாக், சால்மன் மற்றும் மத்தி. அனைத்து கடல் உணவுகளிலும் தாமிரம் அதிகம் உள்ளது.

இறைச்சி

புரோட்டின்கள் மட்டுமின்றி இறைச்சியில் காப்பரும் அதிகமுள்ளது. உடலில் தாமிர குறைபாடுகள் உள்ளவர்கள் அதிகமாக இறைச்சியை சேர்த்துக் கொள்வது நல்லது. இறைச்சியின் ஈரலில் அதிகளவு வைட்டமின்கள் மட்டுமின்றி காப்பரும் அதிகம் உள்ளது.

முட்டை

முட்டையின் மஞ்சள் கருவில் சிறிய அளவில் தாமிரம் உள்ளது. இறைச்சி பிடிக்காதவர்கள் முட்டையின் மூலம் தாமிரத்தை பெறலாம். எனவே அதிகளவு முட்டைகள் உங்களுக்கு போதுமான அளவு தாமிரம் கிடைக்கலாம்.

மசாலா மற்றும் மூலிகைகள்

சில மசாலா பொருட்களில் காப்பர் உள்ளது. அன்றாட உணவுகளில் அவற்றின் பயன்பாடு நம் உடலுக்கு தாமிரத்தை அளிக்கும். இந்த மசாலாப் பொருட்கள் கடுகு, மிளகாய் தூள், கிராம்பு, செலரி விதை, சீரகம், குங்குமப்பூ, ஸ்பியர்மிண்ட், கொத்தமல்லி இலை, வெந்தயம், மெஸ், கறி தூள் மற்றும் வெங்காய தூள். உலர்ந்த மூலிகைகள் போன்றவற்றில் இவை அதிகமுள்ளது.

காய்கறிகள் மற்றும் பழங்கள்

காளான், சோயாபீன்ஸ், முள்ளங்கி, கிட்னி பீன்ஸ் போன்றவற்றில் தாமிரம் அதிகமுள்ளது. பழங்களில் ஆன்டி ஆக்சிடண்ட்கள், வைட்டமின்கள், தாமிரம் போன்ற கனிமங்கள் அதிகம் உள்ளது. எலுமிச்சை, கொய்யாப்பழம், வாழைப்பழம், அன்னாசிப்பழம், ஸ்ட்ராபெரி போன்றவற்றில் தாமிரம் அதிக அளவில் உள்ளதாக ஊட்டச்சத்து நிபுணர்கள் கூறுகிறார்கள்.

சாக்லேட்

சாக்லேட் அனைவருக்கும் பிடித்த ஒரு பொருளாகும். சர்க்கரை சேர்க்கப்படாத சாக்லேட் அல்லது ஹாட் சாக்லேட் போன்றவற்றில் காப்பர் அதிகமுள்ளது. எனவே உங்கள் வீட்டில் எப்பொழுதும் கோகோ பவுடரை வைத்திருங்கள்.

விதைகள்

பொதுவாக அனைத்து வகையான விதைகளிலும் காப்பர் அதிகமுள்ளது. மேலும் இவற்றில் பொட்டாசியம், துத்தநாகம், இரும்பு, பி & இ வைட்டமின்கள், மெக்னீசியம் மற்றும் கால்சியம் ஆகியவை உள்ளன. பூசணி, ஸ்குவாஷ், தர்பூசணி விதைகள், எள், ஆளி விதைகள், சூரியகாந்தி விதைகள் ஆகியவை தாமிரத்தைக் கொண்டிருக்கும் சில விதைகளாகும்.