2.0 படத்தில் கூறியது போல உங்களுக்கே தெரியாமல் உங்கள் ஆராவிற்குள் இருக்கும் அதிசயங்கள் என்ன தெரியுமா?

மின்காந்த மண்டல உடல்

மனித உடலை சுற்றி இருக்கும் மின்காந்த மண்டலத்தின் அளவு என்பது விஞ்ஞானம் மூலம் அளவிட கூடிய ஒன்றுதான். மனித ஆராக்களை பொறுத்தவரை அவை ஏழு சிக்கலான அடுக்குகளுடன் உள்ளது. இந்த ஒவ்வொரு அடுக்கும் நம்முடைய உணர்ச்சிகள், மனநிலைகள், உணர்வுகள், ஆரோக்கியம் மற்றும் நடத்தை போன்றவற்றை வெளிப்படுத்துவதாக இருக்கிறது.

ஆராவின் அடுக்குகள்

நாம் நொடிக்கு நொடி செய்யும் ஒவ்வொரு அசைவும் உணர்ச்சிகளின் வெளிப்பாடும் நமது உண்மையான சுயத்தின் வெளிப்பாடாக ஆராவில் பிரதிபலிக்கிறது. ஆராவின் முக்கியத்துவம் என்பது ஒருபோதும் குறைத்து மதிப்பிட முடியாத ஒன்றாகும். ஆராவின் ஒவ்வொரு அடுக்குகளையும் நன்கு புரிந்து கொள்ள வேண்டியது அவசியமாகும்.

உடல் அடுக்கு

நமது ஆராவின் முதல் அடுக்கு உடல் தோற்றப்பாதை என்று அழைக்கப்படுகிறது, நமது உடலுக்கு மிகவும் நெருக்கத்தில் இருக்கும் ஆராவின் அடுக்கு இதுதான், இது நமது ஆரோக்கியத்தை பிரதிபலிக்கும் ஒன்றாக இருக்கிறது. பகல் பொழுதை விட இரவு தூங்கும் நேரத்தில் இந்த அடக்கு அதிக வலிமையுடன் இருக்கும். இது நமது உடலில் இருந்து இரண்டு இன்ச் வெளியே இருக்கும், இந்த அடுக்கில் ஏற்படும் சிதறல்களே நமக்கு ஆரோக்கிய குறைபாடுகளாக ஏற்படுகிறது.

நிழலிடா (அ) ஆஸ்ட்ரால் அடுக்கு

நிழலிடா (அ) ஆஸ்ட்ரால் அடுக்கானது நமது வரலாறு மற்றும் நமக்கு அன்பானவர்கள் உடனான நமது அனுபவத்தையும் கொண்டிருக்கும். நாம் மற்றவர்களுடன் எப்படி நடந்து கொள்கிறோம் என்பதை இந்த அதுக்குத்தான் தீர்மானிக்கும். மற்றவர்கள் மீது நாம் காட்டும் இரக்கம் மற்றும் கவனிப்பை இந்த அடுக்கிலிருந்துதான் பெறுகிறோம்.

குறைந்த மனநல (அ) லோயர் மெண்டல் அடுக்கு

பெரும்பாலான மக்களுக்கு குறைந்த மனநல அடுக்கானது அவர்களின் அன்றாட வாழ்வில் அதிக செல்வாக்கு செலுத்துவதாக இருக்கிறது. நமது எண்ணங்களையும், கருத்துக்களையும் நாம் சேகரித்து வைக்குமிடம் இதுதான். நாம் ஆழ்ந்த சிந்தனையிலோ அல்லது வேலைப்பளு அதிகம் இருக்கும்போதோ இந்த அடுக்கு விரிவடையும். இட்னஹ் அடுக்கில் ஏற்படும் பாதிப்புகள் நம்மை கிளர்ச்சியுற செய்யும்.

உயர் மனநல அடுக்கு

உங்கள் குறைந்த மனநிலை அடுக்கிற்கு அருகில் இருந்தாலும் இந்த உயர் மனநிலை அடுக்கானது உங்களை ஆன்மீகத்தின் அடுத்த நிலைக்கு எடுத்து செல்லும். நிபந்தனையற்ற அன்பு, சுய-அன்பு மற்றும் தன்னலமற்ற தன்மையை அனுபவிக்கும் திறனை பாதிக்கும் அடுக்கு இதுதான். இந்த அடுக்கை சரியாக பராமரிப்பவர்கள் எந்தவொரு செயலையும் வெற்றிகரமாக முடிக்கக் கூடியவர்களாக இருப்பார்கள்.

ஆன்மீக அடுக்கு

ஆன்மீக அடுக்கு நம்மை போலவே சிந்தனை உள்ளவர்களுடனும், இந்த பரந்த பிரபஞ்சத்துடனும் நமக்கு இணைப்பை ஏற்படுத்துகிறது. இந்த அடுக்கை பற்றி நன்கு தெரிந்து கொண்டால் நாம் கற்றுக்கொள்ள கூடிய மக்கள் யார், நாம் கற்றுக்கொடுக்க வேண்டிய மக்கள் யார் என்பது நன்கு புரிந்து கொள்ளலாம். உங்கள் ஆன்மா உயரிய நிலையை அடைய இந்த அடுக்குடன் தொடர்பு ஏற்படுத்தி கொள்வது அடிப்படையான ஒன்றாகும்.

உள்ளுணர்வு அடுக்கு

மற்றவர்களை மன்னிக்கவும், மற்றவர்களின் மன்னிப்பை ஏற்றுக்கொள்ளவும் இந்த அடுக்குதான் பொறுப்பு. இந்த அடுக்கில்தான் நாம் நம்முடைய கனவுகளையும், எதிர்காலத்தை பற்றிய திட்டங்களையும் சேகரித்து வைக்கிறோம். இந்த அடுக்கை சரியாக பராமரித்தால் உங்கள் வாழ்க்கையில் அமைதியும், அன்பும் நிலைத்திருக்கும். இந்த அடுக்குடன் தொடர்பு உள்ளவர்கள் அதிக கற்பனைத்திறன் உள்ளவர்களாக இருப்பார்கள்.

முழு அடுக்கு

முழுமையான அடுக்கு என்பது நமது உயிரின் ஒளியுடன் இணைதிருப்பதாகும். இது நம்மை நம்முடன், மற்றவர்களுடன் மற்றும் இந்த பிரபஞ்சத்துடன் இணைக்கும் வேலையை செய்கிறது. இந்த அடுக்கை சரியாக பராமரிக்கவில்லை எனில் அது நம் ஆன்மா உயர்நிலை அடைவதை தடுப்பதுடன் நாம்தான் உயர்ந்தவர் என்ற எண்ணத்தை ஏற்படுத்தி நம்மை தனிமையில் தள்ளிவிடும். ஆன்மீக பாதையில் நம் ஆன்மாவின் பயணத்தை பேரின்பத்தை நோக்கி செலுத்துவதில் இது முக்கியப்பங்கு வகிக்கிறது.