உணவை வேகமாக சாப்பிடுவதால் ஏற்படும் ஆபத்துகள் என்னென்ன தெரியுமா?

உடல் பருமன்

வேகமாக சாப்பிடுவதால் ஏற்படும் ஆபத்துக்களில் முக்கியமான ஒன்று எடை அதிகரிப்பு மற்றும் உடல் பருமன் ஆகும். நன்றாக மெல்லாமல் சாப்பிடுவதோ அல்லது வேகமாக சாப்பிடுவதோ நீங்கள் எடுத்துக்கொள்ளும் கலோரிகளின் அளவை அதிகரிக்கும். விரைவாக சாப்பிடுவது பசியைக் கட்டுப்படுத்த உதவும் குடல் ஹார்மோன்களை சீர்குலைத்து உங்களுக்கு முழுமையான உணர்வை ஏற்படுத்தும். ஜப்பானில் நடத்தப்பட்ட ஆய்வில் வேகமாக சாப்பிடுவது உணவின் வெப்ப விளைவையும் பாதிக்கிறது என்று கண்டறியப்பட்டுள்ளது.

சர்க்கரை நோய்

வேகமாக சாப்பிடுவது மட்டும் உங்களுக்கு டைப் 2 சர்க்கரை நோயை ஏற்படுத்தாது. ஆனால் இது உங்கள் உடலை அதன் திசை நோக்கி இழுத்து செல்லும். பல இளம் வயது ஆண் மற்றும் பெண்களிடம் நடத்தப்பட்ட ஆய்வில் வேகமாக சாப்பிடுகிறவர்களுக்கு இன்சுலின் பாதிப்பு ஏற்படும். இதனால் உங்கள் உடல் இன்சுலினை திறம்பட பயன்படுத்த தவறுகிறது. இதனால் சர்க்கரை நோய் ஏற்படலாம். முன்னரே கூறியது போல வேகமாக சாப்பிடுவது உடல் எடையை அதிகரிக்கும். உடல் எடையும், சர்க்கரை நோயும் நேரடி தொடர்புடையதாகும்.

வளர்ச்சிதை மாற்ற குறைபாடு

இன்சுலின் எதிர்ப்பு வளர்ச்சிதை மாற்ற நோயுடன் தொடர்புடையதாகும். இதனால் சர்க்கரை நோய் மட்டுமின்றி மாரடைப்பு, இதய நோய் போன்ற பல நோய்கள் உருவாக வாய்ப்புள்ளது. 40 வயதிற்கு மேற்பட்ட வளர்ச்சிதை மாற்ற நோய் இல்லாத 9000 பேரிடம் நடத்தப்பட்ட ஆய்வில் வேகமாக சாப்பிடும் பழக்கம் கொண்டவர்களுக்கு விரைவில் வளர்ச்சிதை மாற்ற நோய் வந்தது. குறிப்பாக வேகமாக சாப்பிடுகிறவர்களுக்கு நல்ல கொழுப்பு எனப்படும் HDL கிடைக்கும் வாய்ப்பு மிகவும் குறைவாகும். இதனால் இதய நோய்கள் ஏற்படும் வாய்ப்புள்ளது.

இரைப்பை அழற்சி

வேகமாக சாப்பிடுவது இரைப்பை அழற்சியை ஏற்படுத்த வாய்ப்புள்ளது. இதனால் குடல் வீக்கம், கடுமையான வயிற்றுப்புண் போன்ற பிரச்சினைகள் ஏற்பட வாய்ப்புள்ளது. மருத்துவர்கள் தங்களிடம் வேகமாக சாப்பிடுகிறவர்கள் என்று கூறுபவர்களுக்கு இரைப்பை அழற்சி அறிகுறிகள் அதிகம் இருந்ததாக கூறுகிறார்கள்.

அடைப்பு

வேகமாக உணவு சாப்பிடுகிறவர்கள் அவர்கள் உணவை எப்படி எடுத்து கொள்கிறார்கள் தெரியுமா? அவர்கள் உணவை சாப்பிடுவதில்லை மாறாக முழுங்கவே செய்கிறார்கள். இதனால் மூச்சுக்குழல் அடைப்பு ஏற்பட வாய்ப்புள்ளது. குழந்தைகளை எப்பொழுதும் உணவுகளை மெதுவாக நன்கு மென்று சாப்பிட வேண்டும் என்று கூறி வளர்க்க வேண்டும்.

எப்படி சாப்பிட வேண்டும்?

உங்களின் தினசரி அட்டவணையில் உணவிற்கு அதிக முன்னுரிமை கொடுக்கவும். உங்களின் ஒவ்வொரு உணவிற்கும் குறைந்தது 20 நிமிடமாவது எடுத்துக்கொள்ள வேண்டும். உங்கள் உடலுக்கு மூளைக்கு முழுமையான உணர்வை ஏற்படுத்தும் சிக்னலை அனுப்ப இந்த காலம் கண்டிப்பாக தேவை.

அனுபவித்து சாப்பிடுங்கள்

சாப்பிட தொடங்குவதற்கு முன் உங்கள் உணவினை ரசிக்க பழகுங்கள். உங்கள் உணவின் வாசனை, தோற்றம், அரோமா என அனைத்தையும் நன்கு உணருங்கள். இவற்றை உணர்ந்து சாப்பிட்டால் கண்டிப்பாக நீங்கள் சாப்பிட நீண்ட நேரம் எடுத்து கொள்வீர்கள்.

அதிகமாக மெல்லுங்கள்

சிறிய துண்டுகளாக எடுத்து நன்கு மென்று சாப்பிடுங்கள். இது நீங்கள் சாப்பிடும் வேகத்தை குறைப்பதுடன் உணவு செரிக்கும் வேகத்தை அதிகரிப்பதுடன் அதிலுள்ள ஊட்டச்சத்துக்கள் வீணாவதையும் தடுக்கிறது.