28 நாட்கள் தொடர்ந்து சரக்கு அடிக்காமல் இருந்தால் என்னென்ன விளைவுகள் உடலில் உண்டாகும்..?

புள்ளி விவரம்

ஒரு நபர் சராசரியாக ஒரு வருடத்திற்கு 9.5 லிட்டர் அளவு மது அருந்துவதாக புள்ளி விவரங்கள் சொல்கின்றன. இதில் பலர் போதைக்கு அடிமையானவர்கள்.

சிலர் எப்போதாவது குடிக்கும் பழக்கம் கொண்டவர்கள். சரக்கும் அடிக்கும் பழக்கத்தை இவர்கள் 28 நாட்கள் வரை செய்யாமல் இருந்தால் பல தாக்கங்கள் உடலில் உண்டாகும் என ஆய்வுகள் கண்டறிந்துள்ளன.

பசி

மதுவை 28 நாட்கள் தடை செய்து வைத்திருந்தால் பசி அதிகரிக்க கூடும். மதுவிற்கு பதிலாக சாப்பாட்டை அதிகம் விரும்ப தொடங்குவீர்கள். மேலும், எதையாவது சுவையாக சாப்பிட வேண்டும் என்கிற எண்ணம் உங்களுக்கு உண்டாகும்.

கனவு

சரக்கு அடித்து விட்டு தூங்கினால் மிக மோசமான கனவுகளே ஏற்படும். ஆனால், சரக்கு அடிக்காமல் இருந்தால் இத்தகைய கனவுகள் உண்டாகாது. மாறாக கனவுகள் எல்லாமே சுகமானதாக மாறும்.

ஆனால், தொடர்ந்து சரக்கு அடித்து வந்தவர்களுக்கு நடுவில் 28 நாட்கள் இதை தவிர்த்தாக வேண்டும் என்றால் சற்று கடினம் தான். இது பலருக்கு தூக்கமின்மையை கூட உண்டாக்கி விடும்.

தலை வலி

சரக்கை ஒதுக்கிய முதல் வாரத்தில் தலைவலி உண்டாக வாய்ப்புகள் உள்ளது. மேலும், சிலருக்கு உடலிலும் வலி உண்டாகும். சரக்கு அடிக்கும் போது அசுத்தமாக மாறிய கல்லீரல், தற்போது கொஞ்சம் கொஞ்சமாக சுத்தம் பெற தொடங்கும்.

செரிமானம்

குடிப்பதை நிறுத்திய பின் செரிமான மண்டலம் முன்பை விட தற்போது சீராக செயல்பட ஆரம்பிக்கும். அத்துடன் வயிற்றில் இருக்க கூடிய அமிலத்தின் அளவும் சீராக இருக்கும். இந்த மாற்றம், சரக்கை நிறுத்திய 2 வாரங்களில் இருந்து தான்

தொடங்கும்.

ஆரோக்கியம்

மது பழக்கத்தை நிறுத்திய பின்னர் உங்களது உடல் பழைய நிலைக்கே திரும்ப தொடங்கும். அந்த வகையில் இது நல்ல தூக்கத்தை தந்து, உங்களை காலையில் விரைவாக எழுந்து கொள்ள செய்யும். மேலும், உறுப்புகளும் சீராக வேலை செய்யும்.

பற்கள்

முன்பை விட தற்போது பற்களும் பழைய நிலைக்கே மாறி விடும். குடி பழக்கத்தை விடுவதால் பற்சிதைவு ஏற்படாமல் தடுக்கலாம். மேலும், பற்களை உறுதிப்படுத்தி பற்களை வெண்மையாக்கும். மேலும், துர்நாற்றமும் குறைய தொடங்கும்.

முகம்

இத்தனை நாட்களாக சரக்கு அடித்து வந்த உங்களின் முகத்திலும் சரக்கை நிறுத்தியதால் பலவித மாற்றங்கள் உண்டாக தொடங்கும். முன்பு முகத்தில் சீராக இரத்த ஓட்டம் இல்லாமல் இருந்திருக்கும். ஆனால், சரக்கை நிறுத்திய முதல் வாரத்திற்கு பிறகு சீராக இரத்த ஓட்டம் இருக்கும். இது முக சுருக்கங்கள், கரும்புள்ளிகள் போன்றவற்றையும் தடுக்கும்.

மன அழுத்தம்

ஆரம்ப நிலையில் கொஞ்சம் கடினமாக இருந்தாலும், இதை தொடர்ந்து 28 நாட்கள் கடைபிடித்து வந்தால் நிச்சயம் உடல் நலம் முன்பை விட பல மடங்கு மாற்றம் பெறும். இரத்த ஓட்டம் தடையில்லாமல் இருப்பதால் மன அழுத்தமும் குறையும்.