முன்கூட்டியே விந்து வெளியேறுவதைத் தடுப்பது எப்படி?

அஸ்வகந்தா

அஸ்வகந்தா மருத்துவ குணம் நிறைந்த மூலிகைப் பொருள். ஆயுர்வேத மருத்துவத்தில் ஆண்களின் பாலியல் பிரச்சனைகளை சரிசெய்ய இந்த அஸ்வகந்தா தான் பயன்படுத்தப்படுகிறது. அஸ்வகந்தா ஆணுறுப்பின் வலிமையை அதிகரிப்பதோடு, உடலின் ஸ்டாமினாவையும் அதிகரிக்கும்.

* முதலில் 1/2 டீஸ்பூன் அஸ்வகந்தா பவுடரை எடுத்துக் கொள்ளுங்கள்.

* பின் 1 டம்ளர் வெதுவெதுப்பான ஆட்டுப் பாலில், அந்த பவுடரைப் போட்டு கலந்து கொள்ளுங்கள்.

* இந்த பாலை தினமும் 2 முறை குடியுங்கள்.

குறிப்பு: மாட்டுப் பாலை விட ஆட்டுப் பால் தான் மிகச்சிறந்த பலனைத் தரும்.

குங்குமப்பூ மற்றும் பாதாம்

குங்குமப்பூவில் பாலுணர்ச்சியைத் தூண்டும் பண்புகள் நிறைந்துள்ளது என்பது தெரியுமா? பாதாமில் உள்ள செலினியம், ஜிங்க், வைட்டமின் ஈ போன்ற முக்கிய சத்துக்கள், பாலியல் ஆரோக்கியம் மற்றும் இனப்பெருக்க மண்டத்திற்கு அவசியமானதாகும். செலினியம் என்னும் அத்தியாவசியமான கனிமச்சத்து கருவள பிரச்சனைகளைப் போக்கும் மற்றும் ஜிங்க் என்னும் சத்து, ஆண் செக்ஸ் ஹார்மோன்களின் உற்பத்திக்கு உதவி, பாலுணர்ச்சியை மேம்படுத்தும்.

* பிளெண்டரில் 10 பாதாம் மற்றும் 1 கப் பால், 1 சிட்டிகை இஞ்சி பொடி, ஏலக்காய் பொடி மற்றும் குங்குமப்பூ போன்றவற்றில் போட்டு நன்கு அரைத்துக் கொள்ளுங்கள்.

* இந்த பானத்தை தினமும் இரவில் படுக்கும் முன் குடியுங்கள்.

இஞ்சி மற்றும் தேன்

இஞ்சி மற்றும் தேன் கலவையும் முன்கூட்டியே விந்து வெளியேறும் பிரச்சனைக்கு தீர்வளிக்கும். இதில் உள்ள இஞ்சி ஆணுறுப்பில் இரத்த ஓட்டத்தை அதிகரிப்பதோடு, விந்து வெளியேறுவதைக் கட்டுப்படுத்த உதவி புரியும். மறுபுறம் தேன், பாலுணர்ச்சியை வலிமையாக வைத்துக் கொள்ளும். எனவே தினமும் இரவில் படுக்கும் முன் 1/2 டீஸ்பூன் இஞ்சி சாறு மற்றும் 1/2 டீஸ்பூன் தேனை ஒன்றாக கலந்து உட்கொள்ளுங்கள்.

பூண்டு

முன்கூட்டியே விந்து வெளியேறும் பிரச்சனையில் இருந்து மீள்வது எப்படி? இதற்கு பூண்டு பெரிதும் உதவியாக இருக்கும். இது ஆணுறுப்பில் இரத்த ஓட்டத்தை அதிகரிப்பதோடு, உடலில் வெப்பத்தையும் அதிகரிக்க உதவும்.

* ஒரு வாணலியில் சுத்தமான நெய் ஊற்றி, சிறிது பூண்டு பற்களை சேர்த்து பொன்னிறமாக வதக்க வேண்டும்.

* பின் அதை தினமும் உட்கொள்ள வேண்டும்.

* இப்படி தினமும் 3-4 பற்கள் சாப்பிட்டு வந்தால், முன்கூட்டியே விந்து வெளியேறும் பிரச்சனையைக் குறைக்கலாம்.

வெங்காய விதைகள்

வெங்காய விதைகள் முன்கூட்டியே விந்து வெளியேறும் பிரச்சனையைத் தடுக்கும் மற்றொரு வழியாகும். வெங்காய விதைகளில் இருக்கும் பாலியல் பண்புகள், பாலியல் பிரச்சனைகளைத் தடுக்க உதவும். பொதுவாக வெங்காயத்தை சாப்பிட்டாலே, அது உடலின் பாலியல் ஸ்டாமினாவை மேம்படுத்துவதோடு, விரைவில் விந்து வெளியேறுவதைக் கட்டுப்படுத்தும்.

* வெங்காய விதைகளை நன்கு தட்டி, நீரில் போட்டு கலந்து கொள்ளுங்கள்.

* பின் இதை தினமும் மூன்று வேளையும் உணவு உண்பதற்கு முன் குடியுங்கள்.

வெண்டைக்காய் மற்றும் பனங்கற்கண்டு

வெண்டைக்காய் முன்கூட்டியே விந்து வெளியேறுவதை சரிசெய்யும். ஏனெனில் இதில் குறிப்பிட்ட சக்தி வாய்ந்த பண்புகள் உள்ளன. ஆகவே இப்பிரச்சனை இருந்தால், 10 கிராம் வெண்டைக்காய் வேர் பொடியை 1 டம்ளர் பாலில் போட்டு கலந்து, அத்துடன் 2 டீஸ்பூன் பனங்கற்கண்டு சேர்த்து கலந்து தினமும் குடியுங்கள்.

கேரட், முட்டை மற்றும் தேன்

முட்டை, கேரட் மற்றும் தேன் என்னும் மூன்று பொருட்களும் முன்கூட்டியே விந்து வெளியேறுவதைத் தடுக்கும். அதில் தேன் பாலுணர்ச்சியைத் தூண்டும் உணவுப் பொருள், கேரட் உடலுறவின் போது இனப்பெருக்க உறுப்புக்களில் இரத்த ஓட்டத்தை மேம்படுத்தும். இதனால் முன்கூட்டியே விந்து வெளியேறுவது குறையும். முட்டையின் மஞ்சள் கரு ஆண்களின் உடலில் டெஸ்டோஸ்டிரோன் அளவை மேம்படுத்தும்.

* முட்டையை வேக வைத்து, அதன் மேல் கேரட்டைத் துருவித் தூவுங்கள்.

* பின் அதன் மேல் 3 டேபிள் ஸ்பூன் தேன் சேர்த்து, தினமும் உட்கொள்ளுங்கள்.

* இப்படி மூன்று மாதம் தொடர்ந்து உட்கொண்டு வந்தால், முன்கூட்டியே விந்து வெளியேறுவது குறையும்.

அஸ்பாரகஸ்

அஸ்பாரகஸ் வேரில் பாலுணர்ச்சி பண்புகள் உள்ளதால், இது ஆண்கள் சந்திக்கும் முன்கூட்டியே விந்து வெளியேறும் பிரச்சனையைக் குறைக்க உதவும். அஸ்பாரகஸில் உள்ள ஃபோலேட், பி வைட்டமின்கள், பாலுணர்ச்சி தூண்டுதலுக்குத் தேவையான ஹிஸ்டமைன் உற்பத்தியை அதிகரிக்க உதவும்.

* 3-4 டேபிள் ஸ்பூன் அஸ்பாரகஸ் பவுடரை ஒரு டம்ளர் பாலில் கலந்து கொள்ள வேண்டும்.

* இந்த பானத்தை தினமும் இரண்டு முறை குடித்து வந்தால், உடல் வலிமை அதிகரிப்பதோடு, முன்கூட்டியே விந்து வெளியேறுவது தடுக்கப்படும்.