நீங்கள் ஆரோக்கியம் என நினைக்கும் இந்த டயட்தான் உங்கள் ஆரோக்கியத்தை கெடுக்கிறது

குறைவான உப்பு

உணவில் உப்பு குறைவாக சாப்பிடுவது பலரும் பின்பற்றும் ஒரு உணவுமுறையாகும். சமீபத்தில் பாஸ்டன் பல்கலைக்கழகத்தில் நடத்தப்பட்ட ஆய்வில் குறைந்தளவு சோடியம் எடுத்துக்கொள்வது இரத்த அழுத்தத்தை குறைப்பதை தவிர வேறு எந்த நன்மையும் செய்வதில்லை. இந்த ஆய்வின்படி சோடியம் குறைவாக உள்ளவர்களுக்கு இதய நோய் ஏற்படும் வாய்ப்புகள் அதிகம் என மருத்துவர்கள் கூறுகிறார்கள்.

பச்சை உணவுகளை சாப்பிடுதல்

பச்சை காய்கறிகள் மற்றும் உணவுகளை சாப்பிடுவது ஆரோக்கியம் என நாம் கேள்விப்பட்டிருப்போம். காய்கறிகளை சமைப்பது அதில் உள்ள ஊட்டச்சத்துக்களை குறைக்கும் என்று கேள்விப்பட்டிருப்பீர்கள். ஆனால் அது முழுவதும் உண்மையல்ல. ஊட்டச்சத்து நிபுணர்களின் கருத்துப்படி உணவுகளை வேகவைப்பது அவற்றை எளிதில் செரிக்க வைக்கிறது. சமைத்த உணவுகள் உணவால் நோய் ஏற்படும் வாய்ப்பை குறைக்கிறது. நீங்கள் உணவை வேகவைக்காமல் சாப்பிடும்போது உங்கள் எடை மிகவும் குறைவாகும் அபாயம் உள்ளது.

பதப்படுத்தப்பட்ட ஆரோக்கிய உணவுகள்

பதப்படுத்தப்பட்ட ஆரோக்கிய உணவுகள் உங்களை அதிகம் சாப்பிட தூண்டும், ஆனால் உண்மை என்னவெனில் இப்படிப்பட்ட உணவுகளை சாப்பிடும்போது அது சர்க்கரையின் அளவை அதிகரிக்கும். கொழுப்பை குறைப்பதற்காக இதுபோன்ற உணவுகளில் அதிகளவு சர்க்கரை சேர்க்கப்படுகிறது இது அதிக பாதிப்பை ஏற்படுத்தக்கூடியது. இந்த அடைக்கப்பட்ட டயட் உணவுகளில் உள்ள அதிகளவு சோடியம் உங்களுக்கு பல தீமைகளை ஏற்படுத்தும்.

இயற்கை இனிப்புகள்

இயற்கை இனிப்பூட்டிகள் சர்க்கரையை விட ஆபத்தானவை. உண்மையில் இயற்கை இனிப்பூட்டிகளில் சர்க்கரையை விட அதிக கலோரிகள் உள்ளது. இயற்கை இனிப்புகளில் இருக்கும் பிரக்ட்டோஸ் மனித உடலுக்கு ஏற்றதல்ல. அஸ்பார்டேம் புற்றுநோயை ஏற்படுத்துவதாக கூறப்படுகிறது.பெண்கள் தினமும் 6 ஸ்பூன் சர்க்கரையும் ஆண்கள் 9 ஸ்பூன் சர்க்கரையும் உணவில் சேர்த்துக்கொள்ளலாம் என்று ஆய்வுகள் கூறுகிறது.

பாலை தவிர்த்தல்

பால் பொருட்கள் மிகவும் முக்கியமானவை. மனித உடலை கட்டமைப்பதில் பாலின் பங்கு முக்கியமானது. ஆய்வுகளின் படி கொழுப்பு குறைவாக உள்ள பால் உடலுக்கு ஆரோக்கியமானது. இது இரத்த அழுத்தத்தை குறைத்தல் மற்றும் எடை குறைப்பிற்கு உதவுகிறது.

கொழுப்பை தவிர்ப்பது

ஊட்டச்சத்து நிபுணர்களின் கருத்துப்படி பால் கொழுப்புகளை தவிர மற்ற கொழுப்புகள் அனைத்தும் மிதமான அளவில் எடுத்துக்கொள்ளப்படும் போது அது ஆரோக்யமானதுதான். பாதாம், அவோகேடா போன்ற உணவுகளில் உள்ள நிறைவுறா கொழுப்புகள் உங்கள் ஆரோக்கியத்திற்கு மிகவும் நல்லது. இது இரத்தத்தில் உள்ள கொழுப்பின் அளவை குறைக்க உதவுவதோடு வீக்கத்தையும் குறைக்க உதவுகிறது. எனவே ஆரோக்கியமென நினைத்து கொழுப்புகளை தவிர்க்காதீர்கள்.

பாதாம் மற்றும் மற்ற பாலை குடிப்பது

பாலிற்கு பதிலாக மற்ற பாலை குடிப்பது தவறில்லைதான். ஆனால் பாலில் இருந்து கிடைக்கும் சத்துக்கள் போல மற்ற பாலில் இருந்து கிடைக்காது. ஒரு டம்ளர் பாதாம் பாலில் 2 கிராம் புரோட்டின்கள் உள்ளது அதேசமயம் ஒரு டம்ளர் பாலில் 8 கிராம் புரோட்டின் உள்ளது. எனவே பால் குடிப்பதை தவிர்க்காதீர்கள்.

உணவில் உள்ள கொழுப்பை நினைத்து கவலைப்படுவது

கொழுப்பு நிறைந்த உணவுகள் உங்கள் இரத்தத்தில் உள்ள கொழுப்புகளின் அளவை குறைக்கும் என்று நீங்கள் அவற்றை தவிர்த்தால் அது மிகவும் தவறான ஒன்றாகும். குறைவான அளவில் கொழுப்பு உணவுகளை சாப்பிடும்போது அவை எந்தவித பாதிப்பையும் ஏற்படுத்த போவதில்லை. முட்டை மஞ்சள் கருவில் டயட் கொழுப்புகள் உள்ளது, அதேசமயம் இதில் வைட்டமின் ஈ மற்றும் கரோட்டினாய்டுகள் உள்ளது. இவை உங்கள் ஆரோக்கியத்திற்கு மிகவும் நல்லது. இதுபோன்ற நல்ல கொழுப்புக்களை எப்பொழுதும் தவிர்க்காதீர்கள்