பல் வலி உங்களது மோசமான உடல் ஆரோக்கியத்தை தான் சுட்டிக் காட்டுகிறது என்று தெரியுமா?

சைனஸ் பிரச்சனை

ஒருவருக்கு மேல் பகுதியில் உள்ள பற்களில் கடுமையான வலி ஏற்பட்டால், அவர்களுக்கு சைனஸ் தொற்றுகள் இருப்பதற்கான வாய்ப்புகள் உள்ளது. ஏனெனில் சைனஸ் சுரப்பியானது வாயின் மேல்கூரை பற்களின் வேர்களுக்கு மேல் தான் அமைந்துள்ளது.

கீழ்தாடை இணைப்பு கோளாறு (Temporomandibular Joint Disorder)

இது ஒருவகையான அழற்சி. கீழ்தாடை மண்டையோட்டுடன் இணையும் பகுதியில் ஏதேனும் அழற்சி ஏற்பட்டிருந்தால், கீழ்பகுதியில் உள்ள பற்கள் வலிப்பது போன்ற உணர்வு ஏற்படும். அதுவும் பல் வலியுடன், கழுத்து வலி, தலை வலி போன்றவையும் இருந்தால், நிச்சயம் அது கீழ்தாடை இணைப்பு கோளாறின் காரணமாகத் தான் வருகிறது என்று அர்த்தம்.

சொத்தை பற்கள்

ஏதேனும் ஸ்நாக்ஸ் சாப்பிட்ட பின், பற்களில் வலி ஏற்பட்டால், அதற்கு பற்கள் மிகவும் தீவிரமாக சொத்தையாகி உள்ளது என்று அர்த்தம். இம்மாதிரியான நேரத்தில் உடனே மருத்துவரை அணுகி சிகிச்சை மேற்கொள்ள வேண்டியது மிகவும் அவசியம்.

ஞானப்பல்

இது ஒரு பெரிய பிரச்சனை அல்ல. இருப்பினும், ஒருவருக்கு ஞானப்பல் வருமாயின், அது பல் வரிசையின் கடைசியில், ஈறுகளை பிளந்து கொண்டு வெளியே வரும். இதனால் தாங்க முடியாத அளவில் வலியை அனுபவிக்கக்கூடும். இந்நேரத்தில் வலி நிவாரண மாத்திரைகளை எடுக்கும் முன், மருத்துவரை அணுக வேண்டியது அவசியம்.

இதய நோய்

நெஞ்சு வலி போன்று, பற்கள் மற்றும் தாடைப்பகுதிகளில் கடுமையான வலியை அனுபவித்தால், இதயத்தில் ஏதோ பிரச்சனை உள்ளது என்று அர்த்தம். அதாவது இது மாரடைப்பிற்கான அறிகுறிகளுள் ஒன்றாகும். எனவே கவனமாக இருங்கள்.

தொற்றுகள்

கடுமையான வாய் துர்நாற்றத்துடன், பல் வலியும் சேர்ந்து இருந்தால், வாயில் தொற்றுகள் ஏராளமாக உள்ளது என்று அர்த்தம். அதிலும் ஈறுகளில் வீக்கத்துடன் வலியை சந்தித்தால், சற்றும் தாமதிக்காமல் மருத்துவரை அணுகுங்கள்.