கர்ப்பத்தைத் தவிர வேறு எந்த காரணங்களால் மாதவிடாய் சுழற்சி தாமதமாகும் எனத் தெரியுமா?

மன அழுத்தம்

மாதவிடாய் சுழற்சிக்கான ஹார்மோன் மூளையில் உள்ள ஹைபோதலாமஸில் சுரக்கப்படும். ஆனால் மன அழுத்தத்தில் இருந்தால், அது மாதவிடாய் சுழற்சியைப் பாதிக்கும். ஆகவே தான் மன அழுத்தத்தில் இருக்கும் பெண்களுக்கு, மாதவிடாய் சுழற்சி தள்ளிப் போகிறது.

தைராய்டு கோளாறு

தைராய்டு சுரப்பியில் சுரக்கப்படும் ஹார்மோன்களில் ஏற்றத்தாழ்வுகள் ஏற்பட்டாலும், மாதவிடாய் சுழற்சி தள்ளிப் போகும். ஆகவே தைராய்டு பிரச்சனைக்கான அறிகுறிகள் தென்பட்டால், உடனே மருத்துவரை அணுகுங்கள்.

நாள்பட்ட நோய்கள்

நாள்பட்ட நோய்கள் உடலில் இருந்தாலும், மாதவிடாய் சுழற்சி தள்ளிப் போகும். எனவே உடலில் ஏதேனும் பிரச்சனைகள் இருந்தால், அதை உடனே கண்டறிந்து சரிசெய்து கொள்ளுங்கள்.

பிறப்பு கட்டுப்பாட்டு மாத்திரைகள்

மாதவிடாய் சுழற்சி தள்ளிப் போனாலோ அல்லது தவறினாலா, அதற்கு நீங்கள் எடுத்த பிறப்பு கட்டுப்பாட்டு மாத்திரைகள் கூட காரணமாக இருக்கலாம். எனவே இம்மாதிரியான மாத்திரைகள் எடுப்பதைத் தவிர்த்திடுங்கள்.

இறுதி மாதவிடாய்

40 வயதிற்கு மேல் ஒவ்வொரு பெண்ணிற்கும் இறுதி மாதவிடாய் நெருங்கிக் கொண்டிருப்பதால், அக்காலத்தில் மாதவிடாய் சுழற்சி தள்ளிப் போகும்.

பிசிஓஎஸ்

பிசிஓஎஸ் என்னும் நிலையால் பெண்களுக்கு மாதவிடாய் சுழற்சி அதிகம் தள்ளிப் போகும். மேலும் இப்பிரச்சனை இருக்கும் பெண்களுக்கு முகம், மார்பகம் போன்ற இடங்களில் முடி வளர்வதோடு, கருத்தரிப்பதில் பிரச்சனையும், எடையைக் குறைப்பதில் சிக்கலையும் உணரக்கூடும்.