உங்களுக்கு பாஸ்பரஸ் குறைபாடு உள்ளது என்பதை வெளிப்படுத்தும் அறிகுறிகள்!

மூட்டு வலிகள்

எலும்புகளின் வளர்ச்சியில் கால்சியம் மட்டுமின்றி, பாஸ்பரஸ் கூட முக்கிய பங்கை வகிக்கிறது. ஒருவேளை அந்த பாஸ்பரஸ் குறைபாடு ஒருவருக்கு ஏற்பட்டால், அதன் காரணமாக மூட்டுகளில் கடுமையான வலியை உணரக்கூடும்.

பலவீனமான எலும்பு மற்றும் பற்கள்

எலும்புகளின் மற்றும் பற்களின் கட்டமைப்பிற்கு கால்சியத்தைப் போன்றே பாஸ்பரஸ் சத்தும் அவசியமானது. உங்கள் டயட்டில் கால்சியம் குறைபாக இருந்தால், எப்படி பற்கள் மற்றும் எலும்புகள் பலவீனமாகிறதோ, அதேப் போல் பாஸ்பரஸ் குறைவாக இருந்தாலும் ஏற்படும்.

ஆற்றலின்மை

மன அழுத்தம், வைட்டமின் பி12 குறைபாடு போன்றவற்றால் மட்டும் உடலின் ஆற்றல் குறைவாக இருப்பதில்லை, பாஸ்பரஸ் குறைபாட்டின் காரணமாகவும் உடலின் ஆற்றல் குறையும். ஏனெனில் பாஸ்பரஸ் கொழுப்புக்கள், கார்போஹைட்ரேட் மற்றும் புரோட்டீன்களை வளர்சிதை மாற்றம் செய்து, உடலுக்கு வேண்டிய ஆற்றலை உற்பத்தி செய்யும். ஆனால் அது போதிய அளவில் கிடைக்காமல் போனால், மிகுதியான சோர்வைத் தான் உணரக்கூடும்.

பசியின்மை

பாஸ்பரஸ் குறைபாட்டினால், பசியின்மை ஏற்பட்டு, அதன் காரணமாக ஆற்றலின்மை, பலவீனமான எலும்புகள், மூட்டு வலிகள் போன்றவற்றை சந்திக்க நேரிடும்.

கை, கால் மரத்து போதல்

பாஸ்பரஸ் குறைபாட்டின் காரணமாகத் தான் ஒருவருக்கு அடிக்கடி கை, கால்கள் மரத்துப் போகும் நிலை ஏற்படும். மேலும் நடப்பதிலும் சிரமத்தை உணரக்கூடும்.