உறவில் ஈடுபடும் போது ஆண்குறியில் வலி ஏற்படுகிறதா? - எச்சரிக்கை!

யூ.டி.ஐ

யூ.டி.ஐ என்பது சிறுநீர் பாதை நோய் தொற்று ஆகும். இந்த பாதிப்பு ஏற்பட்டிருந்தால் கூட ஆண்கள் உடலுறவில் ஈடுபடும் போது வலி உண்டாகலாம். இதற்கான சிகிச்சை உடனடியாக மேற்கொள்ள வேண்டியது அவசியம்.

ஈஸ்ட் தொற்று

ஈஸ்ட் தொற்று என்பது பெண்களிடம் இருந்து பரவுவது. நீங்கள் உடலுறவுக் கொள்ளும் துணைக்கு இந்த ஈஸ்ட் தொற்று ஏற்பட்டிருந்தால் அதன் மூலம் ஆண்களுக்கு பரவி உடலுறவில் ஈடுபடும் போது வலியை உண்டாக்கலாம்.

சொரியாஸிஸ்

சருமத்தில் உண்டாகும் சொரியாஸிஸ் காரணமாக கூட ஆண்மை பாதிப்பு ஏற்பட வாய்ப்புகள் இருக்கிறதாம். இதனால் கூட உடலுறவில் ஈடுபடும் போது வலி ஏற்படலாம் என மருத்துவர்கள் கூறுகின்றனர்.

டெர்மட்டிட்டிஸ் (ஒவ்வாமை)

சில ஆண்களுக்கு சோப்பில் கலக்கப்படும் கெமிக்கல் சேராது. இதனால் ஏற்படும் அழற்சியினால் கூட பிறப்புறுப்பு பகுதியில் வலி உண்டாகலாம்.

ஹெர்ப்ஸ்

ஒரு வகையான பால்வினை நோய் தாக்கம் இந்த ஹெர்ப்ஸ். இது உடலுறவில் ஈடுபடும் போது வலியை ஏற்படுத்துவது மட்டுமின்றி, துணைக்கும் பரவும் வாய்ப்புகள் அதிகம்.

மேல்தோல்

ஆண்குறியின் மேல்தோல் மிக இறுக்கமாக இருந்தாலும் கூட உடலுறவில் ஈடுபடும் போது வலி உண்டாகலாம்.

சுக்கிலவழற்சி (Prostatitis)

புரோஸ்டேட் சுரப்பியில் அழற்சி / எதிர்வினை தாக்கம் உண்டானால் கூட ஆண்கள் உடலுறவில் ஈடுபடும் போது, சிறுநீர் கழிக்கும் போது எரிச்சல், வலி உண்டாகலாம்.

காயங்கள்

சிலர் ஆவேசமாக உடலுறவில் ஈடுபடும் போது மேல்தோலில் உராய்வு அல்லது கிழிசல் ஏற்பட்டால் கூட வலி உண்டாகலாம். அந்த காயம் சரியாகும் வரை உடலுறவில் ஈடுபடாமல் இருப்பது நல்லது.