உடல்நலத்தை பாதுகாக்க, வேலை செய்யும் இடத்தில் இருந்தவாறே எளிதாக செய்யக் கூடிய பயிற்சிகள்!!!

தோள்பட்டை சுழற்சி

உங்கள் இரு தோள்பட்டையையும் மெதுவாக முன்னும் பின்னுமாக சுழற்சி முறையில் சுற்ற வேண்டும். நன்கு மூச்சை இழுத்து விட வேண்டும். இது உங்கள் கழுத்து மற்றும் தோள்பட்டை வலிகளுக்கு நல்ல நிவாரணம் அளிக்கும். மன அழுத்தத்தில் இருந்தும் இந்த பயிற்சி விடுபெற செய்யும்.

கை சுழற்சி

உங்கள் இருக்கையில் அமர்ந்தவாறே, உங்கள் இரு கைகளையும் நீட்டி, மணிக்கட்டு பகுதிகளை வலது மற்றும் இடது புறமாக நன்கு சுழற்சி முறையில் சுற்ற வேண்டும். ஐந்து நிமிடங்கள் வரையிலும் இந்த பயிற்சியை மேற்கொள்ளலாம். இது, கை வலி ஏற்படாமல் இருக்க உதவும்.

கால் நீட்சி பயிற்சி

கால்கள் மற்றும் வயிறு பகுதிகளுக்கு நல்ல பயன் தரவல்லது இந்த பயிற்சி. நாற்காலியில் அமர்ந்தவாறே, உங்கள் கால்கள் இரண்டையும் நீராக நீட்டி, உங்கள் இடைக்கு இணையாக வரும் உயரம் வரை உயர்த்தி, இறக்கி பயிற்சி செய்தல் வேண்டும். 5-10 முறை இது போல செய்தாலே போதுமானது. கடினமாக இருந்தால், உங்களால் எவ்வளவு தூரம் தூக்க இயலுமோ அவ்வளவு செய்தால் கூட போதுமானது.

கட்டிப்பிடித்தல் பயிற்சி

உங்கள் இடது கையை வலது தோள்பட்டை மீதும், வலது கையை இடது தோள்பட்டை மீதும், குறுக்கே வைத்து (கட்டிப்பிடித்தல் போல) மூச்சை நன்கு இழுத்து விட வேண்டும். குறைந்தது மூச்சை ஐந்து நொடிகளாவது அடக்கி விடுவது அவசியம்.

கழுத்தை நீட்டி பயிற்சி

கால்களை சேர்த்து நேராக நிற்க வேண்டும். பின்பு இரு கைகளாலும் கழுத்தை இருப்பக்கம் பிடிக்கவேண்டும். பிறகு கழுத்து மேலும், கீழுமாகவும், வலது, இடமாகவும் அசைக்க வேண்டும். இது, கழுத்து மற்றும் தோள் பகுதிகளின் வலியை குறைக்க உதவும்.

கைகள் உயர்த்தி பயிற்சி

தண்ணீர் பாட்டிலை தம்பல் (Dumbbell) போல பயன்படுத்தி, முழங்கை வரை மடக்கி, நேராக உயர்த்தி பயிற்சி செய்தல் வேண்டும். ஒரே நேரத்தில் இரு கைகளிலும் செய்யாமல், ஒரு கை மாற்றி மறு கையில் செய்வது அவாசியம். இதை நீங்கள் வேலை செய்யும் இடத்தில அமர்ந்தவாறே செய்யலாம். கை வலி ஏற்படாமல் இருக்க இது உதவும்.