வாயில் வரும் வெண்புண்களை சரிசெய்யும் சில இயற்கை வைத்தியங்கள்!!!

ஆப்பிள் சீடர் வினிகர்

ஒரு கப் வெதுவெதுப்பான தண்ணீரை எடுத்து அதில் ஒரு ஸ்பூன் ஆப்பிள் சீடர் வினிகர் சேர்த்து கலந்து, வாயை கொப்பளித்து வந்தால், வாயில் உள்ள பூஞ்சையின் வளர்ப்பை கட்டுப்படுத்த முடியும். அதிலும் இதை ஒரு நாளைக்கு மூன்று அல்லது நான்கு முறை செய்வது நல்லது.

போரிக் அமிலம்

போரிக் அமிலம் மூலம் இந்த வாய் வெண்புண்ணை நீக்க முடியும். இந்த அமிலத்தை பெரியவர்களுக்கு பயன்படுத்தலாம். குழந்தைகளுக்கு பயன்படுத்தக் கூடாது. ஒரு கப் தண்ணீரில் கால் டீஸ்பூன் போரிக் அமிலம் கலந்து மூன்று அல்லது நான்கு முறையாவது வாயை கழுவினால் இதை நீக்க முடியும். இதை பயன்படுத்தும் போது கவனத்துடன் செய்ய வேண்டும். இந்த கலவையை விழுங்கி விட்டால், அது வயிற்றுப்போக்கு போன்ற பிரச்சனைகளை கொண்டுவரும்.

பூண்டு

பூஞ்சை மற்றும் பாக்டீரியா ஆகியவற்றை அழிக்கக் கூடிய சக்தி பூண்டுக்கு உள்ளது. இரண்டு பூண்டு பற்களை எடுத்து நன்கு மசித்து பின்னர் அதை விழுங்கியோ அல்லது பூஞ்சை உள்ள இடங்களில் சிறிது நேரம் ஒதுக்கி வைத்து பின்னர் விழுங்குவதோ நல்லது. இவை பூஞ்சைகளை எதிர்த்துப் போராடும்.

தயிர்

உயிருள்ள அசிடோபில்லஸ் உள்ள தயிர் கடைகளில் கிடைக்கும். அதை இரண்டு ஸ்பூன் எடுத்து உண்பது வீக்கத்தையும் புண்களையும் குறைக்கும். இதை சுட வைக்காத பால் மூலம் செய்வார்கள். சுட வைத்த பாலில் அதிக அளவு லாக்டோபேசில்லஸ் இல்லாததால் பூஞ்சையை கட்டுப்படுத்த முடிவதில்லை. காய்ச்சாத பாலால் செய்யப்பட்ட தயிரை நீங்கள் குடிக்க விரும்பாவிட்டால், அசிடோபில்லஸ் மாத்திரைகளை பயன்படுத்தலாம். இவை பாக்டீரியாவை கட்டுப்படுத்த உதவும். இரண்டு அசிடோபில்லஸ் மாத்திரையை எடுத்து அதை உடைத்து ஆரெஞ்சு சாற்றுடன் கலந்து குடிக்கலாம்.

எண்ணெய்

லாவெண்டர் எண்ணெய், இலவங்க எண்ணெய், டீ மர எண்ணெய்களில் தொற்றுகளை தடுக்கும் சக்தி உள்ளது. இவை வாய் வெண்புண்களை குணமாக்க சிறந்த கருவிகளாக உள்ளன. இவைகளை எந்த ஒரு மளிகை கடைகளிலும் வாங்க முடியும். இந்த எண்ணெயை நாம் பயன்படுத்தும் பற்பசையில் இரண்டு அல்லது மூன்று சொட்டு விட்டு பற்களை துலக்கினால் பற்பசையும் எண்ணெய்யும் கலந்து வாய் முழுவதும் பரவி பின்னர் கழுவும் போது நல்ல நிவாரணம் கிடைக்கும்.

வெது வெதுப்பான தண்ணீரில் மேற்கூறிய எண்ணெய் வகைகளில் ஏதேனும் ஒன்றை தேர்ந்தெடுத்து அந்த தண்ணீரில் சில சொட்டுக்களை விட்டு வாயை ஒரு நாளைக்கு இரண்டு அல்லது மூன்று முறை கொப்பளித்தாலும், இந்த படலத்தை நீக்க முடியும்.