பேஷ் பேஷ்... எது ரொம்ப நன்னாருக்கு? ப்ளாக் காபியா, ரெகுலர் காபியா?

ஆய்வுகளின் முடிவுகள்

"காபி உண்மையிலேயே உடம்புக்கு நல்லது தானா?" என்று கேட்டால், "ஆம்" என்றே சொல்லலாம். ஏனெனில் நுரையீரல் புற்றுநோய் முதல் நம் ஞாபக சக்தியை வளர்ப்பது வரை காபி நல்லது தான் என்று ஆய்வுகள் கூறுகின்றன.

எடையைக் குறைக்க ப்ளாக் காபி

நாம் நம் உடல் எடையைக் குறைக்க வேண்டுமென்றால், அதற்கு ப்ளாக் காபி தான் சிறந்தது. ரெகுலர் காபியை விட இதில் குறைந்த அளவு கலோரி தான் உள்ளது. ஒரு கப் பால் கலந்த ரெகுலர் காபியில் 56.6 கலோரிகள் என்றால், ப்ளாக் காபியில் 4.7 கலோரிகள் மட்டுமே உள்ளது.

மாலையில் ரெகுலர் காபி ஓ.கே.

காலையில் ப்ளாக் காபியும், மாலையில் ரெகுலர் காபியும் குடிப்பது நல்லது. மாலையில் 50 கலோரிக்கு மேல் கிடைக்கும் ரெகுலர் காபி நல்லது தான் என்றாலும், நீங்கள் தூக்கம் வராமல் அவதிப்பட்டால் காபியை அறவே தவிர்ப்பது அதைவிட நல்லது. இரவில் கண் விழித்து ஏதாவது முக்கியமான வேலை பார்க்க வேண்டியுள்ளதா? அதற்கு ப்ளாக் காபி தான் பெஸ்ட்.

அசிடிட்டி தொந்தரவா? இரண்டும் நாட் ஓ.கே.

உங்களுக்கு அசிடிட்டி பிரச்சனைகள் இருந்தால், இரண்டு காபிகளையுமே தவிர்ப்பது நல்லது. முக்கியமாக, ப்ளாக் காபியைத் தொடவே கூடாது. இந்த சமயங்களில் நிறைய தண்ணீர் குடிப்பதே மிகவும் நல்லது.