ஆண்களுக்கு ப்ளம்ஸ் அளிக்கும் நன்மைகள்!!!

இதயத்தை பாதுகாப்பதில் பிளம்ஸின் பங்கு

ப்ளம்ஸில் அடங்கியுள்ள வைட்டமின் கே, உடலில் தேவையற்ற இடங்களில் இரத்தம் உறைதலை தடைசெய்கிறது. இதனால் இரத்த அழுத்தம் மற்றும் இதய துடிப்பு போன்றவை சமநிலையில் உள்ளது. மேலும் ப்ளம்சில் உள்ள பொட்டாசியம் மற்றும் தாது பொருட்கள், உயர் இரத்த அழுத்தத்தை குறைக்கிறது மற்றும் பக்கவாதம் வரும் வாய்ப்பை தடுக்கிறது.

புற்றுநோயை தடுக்கும் ப்ளம்ஸ்

ப்ளம்சில் உள்ள அந்தோசயணி என்ற சிவப்பு கலந்த ஊதா வண்ண நிறமி, புற்று நோயை தடுக்கும் ஆற்றல் வாய்ந்தது. ப்ளம்சில் உள்ள பீட்டா கரோடின் என்ற வேதி பொருள் நுரையீரல் மற்றும் பல உறுப்புகளில் ஏற்படும் புற்று நோயை தடுக்கும் வல்லமை வாய்ந்தது.

கண்பார்வை தெளிவடைய ப்ளம்ஸ்

வைட்டமின் ஏ கண்ணின் ஆரோக்கியத்திற்கும், தெளிவான கண் பார்வைக்கும் அவசியம். இது விழித்திரை சவ்வின் ஆரோக்கியத்திற்கு உதவுகிறது. ப்ளம்சில் உள்ள ஜீ ஷேன்தின் என்ற தாதுபொருள், கண்ணில் உள்ள ரெட்டினாவுக்கு மிக நல்லது. இது புறஊதாகதிர்களின் தாக்கத்தில் இருந்து விழியை பாதுகாக்கிறது.

செரிமானத்தில் ப்ளம்சின் பங்கு

ப்ருன்ஸ் என்றழைக்கபடும் உலர்ந்த ப்ளம்சில் நார்சத்து அதிக அளவில் உள்ளது. இதனால் எளிய செரிமானத்திற்கு ப்ளம்ஸ் உதவுகிறது. மேலும் இதில் உள்ள சோர்பிடல், இசடின் போன்றவை செரிமான மண்டலம் நன்கு செயல்பட வழிவகுப்பதோடு, மலச்சிக்கலையும் தடை செய்கிறது.

ஆன்டி-ஆக்ஸிடன்ட்டுகள்

உடல் நலத்திற்கு தேவையான ஆன்டி-ஆக்ஸிடன்ட்டுகள் ப்ளம்சில் கொட்டி கிடக்கின்றன. பாலி ஃபீனோலிக் கூட்டு சேர்மங்களான லூட்டின், கிரிப்டோசாந்தைன் மற்றும் ஜியா சாந்தைன் போன்றவை உறுப்புகளில் உருவாகும் மிகை ஆக்ஸிஜனை குறைக்கிறது. இது ஆர்.ஒ.ஸ் என்ற கூட்டு சேர்மத்தினால் உண்டாகும் நோய்களை தடுக்கிறது.

நோய் தடுப்பாற்றலை தடுக்கும் ப்ளம்ஸ்

ப்ளம்சில் உள்ள வைட்டமின் சி தசைகளின் வலிமைக்கும், நோய் தடுப்பு ஆற்றலுக்கும் உதவுகிறது. வைட்டமின் சி ஃப்ளு, சளி மற்றும் காது தொடர்பான பிரச்சனைகளுக்கு தீர்வாகிறது.

கொலஸ்ட்ரால் குறைப்பில் ப்ளம்ஸ்

ப்ளம்சில் உள்ள கரையக்கூடிய நார்ச்சத்து, கொலஸ்ட்ராலைக் குறைக்க உதவுகிறது. பித்த நீர், கல்லீரலில் கொழுப்பை செரிக்க உதவுகிறது. நார்ச்சத்துடன் கூடிய பித்த நீரின் உதவியால், கல்லீரலானது கொலஸ்ட்ராலின் அளவை சரிசெய்கிறது.