சர்க்கரை நோயை கட்டுப்படுத்துவதற்கு வீட்டிற்குள் செய்யக்கூடிய உடற்பயிற்சிகள்!!!

ட்ரைசெப்ஸ் ட்ரிப்

நாற்காலியின் நுனியில் அமர்ந்து அதன் விளிம்பை பிடித்துக் கொள்ளுங்கள். உங்கள் தோல் பட்டையை அகன்று விரித்துக் கொள்ளுங்கள். கால்களை விரித்து கொண்டு மெதுவாக முன்னோக்கி நகருங்கள். உங்கள் கைகளை தரையை நோக்கி மடக்கி உங்கள் பின்புரத்தை மேலே தூக்குங்கள். சர்க்கரை நோய்க்கான சிறந்த உடற்பயிற்சியாகும் இது.

புஷ் அப்ஸ்

சர்க்கரை நோய்க்கான சிறந்த உடற்பயிற்சிகளில் இதுவும் ஒன்றாகும். நீங்கள் செய்ய வேண்டியதெல்லாம் இது தான்; தரையை நோக்கி கீழே படுத்து கைகளையும் தரையில் வையுங்கள். கால்களை சரியான தோரணையில் வைத்து வயிற்றை இறுக்கமாக வைத்திருங்கள். உங்கள் பின்புறத்தை நேராக வைத்து கைகளை கொண்டு உடம்பை மேலேயும் கீழேயும் தள்ளுங்கள். இந்த உடற்பயிற்சியை தொடர்ந்து பத்து முறையாவது செய்தால் நல்ல பயன் அளிக்கும்.

கொஞ்சம் வீட்டு வேலையிலும் ஈடுபடுங்கள்

வீட்டினுள் செய்யும் உடற்பயிற்சிகளில் சுலபமானது என்றால் வீட்டு வேலைகள் தான். தூசி தட்டுதல், தரையை துடைத்தல், துணிகளை துவைத்தல் போன்ற வேளைகளில் ஈடுபட்டால் அது வெளியிலே செய்யும் உடற்பயிற்சிக்கு ஈடாக அமையும். கொஞ்சம் கொஞ்சம் வீட்டு வேலைகள் செய்து அதன் பயன்களை பெறுங்கள்.

பிளான்க்

பிளான்க் (பலகை முறை) வகை உடற்பயிற்சி உங்கள் வயிறு, முதுகு மற்றும் முக்கிய பாகங்களுக்கு நன்மையை அளிக்கும். யங்கள் கைகளை தலைக்கு பின்னால் கட்டி தரையில் படுத்து கொள்ளவும். அதன் பின் உங்கள் வயிற்று தசைகளை இறுக்கி உங்கள் உடலை தரைக்கு எதிராக அமுக்குங்கள். இதே தோரணையில் 10 நொடிகள் அல்லது அதற்கு மேலாக தொடருங்கள். இதனை பல முறை செய்யுங்கள். சர்க்கரை நோய்க்கு இதுவும் கூட ஒரு நல்ல உடற்பயிற்சியே.

உடற்பயிற்சி சாதனங்களை பயன்படுத்துங்கள்

திடத்தை அதிகரிக்கும் கருவிகளை பயன்படுத்துங்கள். சர்க்கரை நோய்க்கு திடத்தை அதிகரிப்பதென்பது ஒரு முக்கியமான உடற்பயிற்சியாகும். இதனை வாரம் மூன்று அல்லது நான்கு முறையாவது செய்ய வேண்டும். இவ்வகை உடற்பயிற்சிக்கு சில டம்பெல்ஸ் இருந்தாலே போதுமானது. செலவு அதிகமில்லாத உடற்பயிற்சியாகவும் இது அமையும்.

ஏரோபிக் உடற்பயிற்சிகள்

ஏரோபிக் உடற்பயிற்சிகளை வாரம் 4-5 முறை செய்தால் மிகுந்த பயனை அளிக்கும். த்ரெட்மில் வாங்கவும் அதை பயன்படுத்தவும் அதிகமாக யோசிக்காதீர்கள். த்ரெட்மில்லில் பல வகை வேக கட்டுப்பாடு உள்ளது. அதே போல் தேவையான நேரத்தில் நடக்க கூடிய சௌகரியமும் உள்ளது. சர்க்கரை நோய்க்கு இதுவும் ஒரு சிறந்த உடற்பயிற்சியாகும்.

முன்னெச்செரிக்கை

சர்க்கரை நோய் உள்ளவர்கள் எந்த ஒரு உடற்பயிற்சி செய்வதற்கு முன்பாகவும் மருத்துவரை அணுக வேண்டும். அதுவும் இரத்த க்ளுகோஸ் அளவு திடீரென குறையும் சர்க்கரை நோயாளிகள் இன்சுலின் எடுத்துக் கொள்வதால் அவர்கள் கண்டிப்பாக உடற்பயிற்சி செய்வதற்கு முன் மருத்துவரை அணுக வேண்டும். அதனால் எந்த ஒரு உடற்பயிற்சியிலும் ஈடுபடுவதற்கு முன்பாக போதிய முன்னெச்செரிக்கைகள் எடுக்க வேண்டும். மேலும் வெறும் வயிற்றில் எந்த ஒரு உடற்பயிற்சியிலும் ஈடுபட கூடாது. அதிகமாக தண்ணீர் குடித்து நீர்ச்சத்துடன் இருங்கள். எங்கு சென்றாலும் தண்ணீர் பாட்டிலுடன் செல்லுங்கள்.