அலர்ஜிகளை போக்கக்கூடிய சில பாரம்பரிய மருந்துகள்!!!

தேன்

அலர்ஜிகளுக்கு சிகிச்சை அளிக்க சிறந்த இயற்கை மருந்தாக தேன் விளங்குகிறது. மகரந்தம் மற்றும் இதர பொருட்களால் உருவாக்கப்படுபவை தான் தேன். அதிலும் உடம்பில் உள்ள நோய் எதிர்ப்பு அமைப்பை தூண்டிவிட்டு, அலர்ஜி செயல்பாடுகளுக்கு எதிராக விளங்கச் செய்யும் மகரந்த செடிகளால் உருவாக்கப்பட்ட நாட்டு தேன் மிகவும் சிறந்த பலனைக் கொடுக்கும்.

க்யூயர்சிடின்

க்யூயர்சிடின் என்பது ஆப்பிள், பெர்ரி, வெங்காயம் மற்றும் ப்ளாக் டீ போன்ற உணவு பொருட்களில் உள்ள ஆக்சிஜெனேற்றத் தடுப்பானாகும். க்யூயர்சிடின் ஹிஸ்டமின் சேர்க்கையை தடுப்பதால், அலர்ஜிக்கான அறிகுறிகளை குறைக்கும்.

இயற்கையான ஹிஸ்டமின் எதிர்ப்பிகள்

வைட்டமின் சி என்பது இயற்கை ஹிஸ்டமின் எதிர்ப்பிகளாகும். அதனால் வைட்டமின் சி அடங்கியுள்ள உணவை அதிகமாக உட்கொண்டால், அலர்ஜிகளுக்கு சிகிச்சை அளிப்பதாக விளங்கும். இயற்கையான ஹிஸ்டமின் எதிர்ப்பிகளை போலவே, ஹிஸ்டமின் எதிர்ப்பி மருந்துகளும், அலர்ஜிகளுக்கு சிகிச்சை அளிக்க உபயோகப்படுகிறது.

இயற்கையான ஆன்டி-ஆக்ஸிடன்ட்டுகள்

இயற்கையான ஆன்டி-ஆக்ஸிடன்ட்டுகள் காய்கறிகள் மற்றும் பழங்களில் இருக்கும். அதனால் சில பழங்களையும், காய்கறிகளையும் அலர்ஜியை குணப்படுத்த பயன்படுத்தலாம். அதில் திராட்சை, வாழைப்பழம், ஆப்பிள், தக்காளி, கேரட் மற்றும் வெங்காயம் போன்றவைகள் அடங்கும்.

உப்புத் தண்ணீரில் வாய் கொப்பளிப்பது

அலர்ஜியால் வீங்கிய தொண்டையை சரிசெய்ய சிறந்த இயற்கை வைத்தியமாக விளங்குகிறது உப்புத் தண்ணீர். உப்புத் தண்ணீரில் வாயை நன்றாக கொப்பளிக்க வேண்டும். அத்துடன் உப்பு நீர் கலந்த ஸ்ப்ரேவை மூக்கில் பயன்படுத்தினால், மூக்கில் உள்ள மகரந்தம் மற்றும் இதர ஒவ்வாமை ஊக்கிகளை நீக்கி, அலர்ஜியை குறைக்கலாம்.

ஒமேகா-3 ஃபேட்டி ஆசிட்

ஒமேகா-3 ஃபேட்டி ஆசிட்டுகள் அலர்ஜியால் ஏற்படும் சேர்க்கையை தடுக்கும். வால்நட், சணல் எண்ணெய் மற்றும் மீன் எண்ணெயில் ஒமேகா-3 ஃபேட்டி ஆசிட்டுகள் அதிகம் உள்ளன.

க்ரீன் டீ

க்ரீன் டீயில் இயற்கை ஹிஸ்டமின் எதிர்ப்பி உள்ளதால், அலர்ஜியை நீக்க அது பெரிதும் உதவியாக இருக்கும். அதிலும் தினமும் 1-2 கப் க்ரீன் டீ பருகினால், அலர்ஜிகள் ஓடியே விடும்.

ஆப்பிள் சீடர் வினிகர்

அலர்ஜியால் ஏற்படும் அரிப்பை நீக்கும் பண்புகள் ஆப்பிள் சீடர் வினிகரில் உள்ளது. எனவே இதனை உணவோடு சேர்த்துக் கொள்ளலாம். இல்லையென்றால் தண்ணீரில் கலந்தும் அலர்ஜி உள்ள இடங்களில் தடவலாம். மேலும் இது பாக்டீரியா மற்றும் கிருமிகளை நீக்கவும் பயன்படுகிறது.

இஞ்சி

தேனை போலவே இஞ்சியும் கூட அலர்ஜியை போக்க உதவும் சிறந்த இயற்கை மருந்தாகும். இஞ்சியும் கூட இயற்கை ஹிஸ்டமைன் எதிர்ப்பி மற்றும் இரத்தச் சேர்க்கை நீக்கும் மருந்தாக விளங்குகிறது. எனவே ½ துண்டு இஞ்சியை டீ அல்லது தேனில் கலந்து சாப்பிட்டால், அது அலர்ஜிகளை குணப்படுத்தி, மேலும் வராமலும் தடுக்கும்.

பூண்டு

பூண்டுகளில் ஆன்டி-வைரல் பண்புகள் அடங்கியிருப்பதால், இதுவும் கூட அலர்ஜிகளை போக்க பெரிதும் உதவுகிறது. அதிலும் சமைத்த பூண்டுகளை விட, அப்படியே சாப்பிடுவதில் தான் பயன் அதிகம். ஆகவே அலர்ஜி இருக்கும் போது, தினமும் 3-4 பூண்டுகளை தேனில் கலந்து சாப்பிட நல்ல பலன் கிடைக்கும்.

புதினா

இயற்கையாக இரத்தச் சேர்க்கையை நீக்கும் மருந்தாக புதினா விளங்குவதால், வைரல் தொற்றுகள் மற்றும் அலர்ஜிகளுக்கான அறிகுறிகளை குறைக்க உதவியாக இருக்கும். அதுவும் புதினா டீ சைனஸ் பிரச்சனையை நீக்கி, இருமலில் இருந்து காக்கும்.