திடீர்னு நடுராத்திரியில் காய்ச்சல் வந்துடுச்சா? அப்ப இந்த கை வைத்தியங்களை ட்ரை பண்ணுங்க..

துளசி

புனிதமான துளசி பல நோய்களை சரிசெய்ய உதவுகிறது. இதில் ஆன்டி-பாக்டீரியல் மற்றும் ஆன்டி-பயாடிக் பண்புகள் உள்ளன. எனவே இது தொண்டை புண் முதல் காய்ச்சல் வரை பலவற்றை சரிசெய்ய உதவுகிறது. காய்ச்சல் அதிகமாக இருந்தால், சிறிது சூரியகாந்தி விதைகளை அரைத்து, அத்துடன் தேன் மற்றும் துளசியை வைத்து சாப்பிடுங்கள். ஒருவேளை உங்களால் இவ்வாறு சாப்பிட முடியாவிட்டால், துளசி டீ தயாரித்து குடியுங்கள். இது காய்ச்சலைக் குறைக்கும்.

புதினா மற்றும் இஞ்சி

நற்பதமான மூலிகை டீ காய்ச்சலைக் குறைக்க உதவும். அதுவும் இஞ்சி மற்றும் புதினா இலைகளைக் கொண்டு டீ தயாரித்துக் குடித்தால், காய்ச்சலில் இருந்து நல்ல நிவாரணம் கிடைக்கும். அதற்கு புதினா மற்றும் இஞ்சியை கொதிக்கும் நீரில் போட்டு, 10 நிமிடம் கொதிக்க வைத்து, பின் அதை இறக்கி வடிகட்டி, தேன் சேர்த்து கலந்து குடிக்க வேண்டும்.

மஞ்சள்

அன்றாட சமையலில் பயன்படுத்தும் முக்கியமான மசாலா பொருள் தான் மஞ்சள். மஞ்சள் பாலை காய்ச்சல் அடிக்கும் போது குடித்தால் நல்ல பலன் கிடைக்கும். அதுவும் வெதுவெதுப்பான பாலில் சிறிது மஞ்சள் தூள் மற்றும் மிளகுத் தூள் சேர்த்து கலந்து, வடிகட்டி சுவைக்கேற்ப தேன் சேர்த்து கலந்து குடிக்க வேண்டும்.

சந்தனம்

சந்தன பேஸ்ட் அதிகளவில் இருக்கும் காய்ச்சலைக் குறைக்க உதவுகிறது. ஏனெனில் சந்தனம் குளிர்ச்சித்தன்மை கொண்டது. அதை அளவுக்கு அதிகமாக காய்ச்சல் அடிக்கும் போது நெற்றியில் தடவும் போது, அது அதிகப்படியான உடல் வெப்பத்தைக் குறைக்க உதவும். அக்காலத்தில் நம் முன்னோர்கள் அதிக காய்ச்சலுக்கு இந்த முறையை பயன்படுத்தியுள்ளார்கள்.

பூண்டு

பூண்டில் சக்தி வாய்ந்த ஆன்டி-பாக்டீரியல் பண்புகள் உள்ளன. எனவே இது வைரஸ் காய்ச்சலை சரிசெய்வதில் சிறந்தது. பழங்காலத்தில் காய்ச்சலைக் குறைக்க 2-3 பூண்டு பற்களை தட்டி, 1/4 கப் சுடுநீரில் போட்டு சிறிது நேரம் ஊற வைத்து, பின் அந்நீரைக் குடிப்பார்களாம்.