வெள்ளத்தால் பாதிக்கப்பட்ட மக்களுக்கு அதிகமாக தேவைப்படும் பெருட்கள் இவை தான்!!

சோப்பு

நோய் கிருமிகள் தாக்கம் அண்டாமல் இருக்க சோப்பு மிகவும் முக்கியம். குறைந்த பட்சம் கைகள் கழுவவாவது சோப்பு வேண்டும். அப்போது தான் அவர்கள் உணவருந்தும் போதாவது கிருமிகள் அண்டாமல் பாதுகாப்பாக, ஆரோக்கியமாக இருக்க முடியும்.

நேப்கின்

மழை, வெள்ளத்தால் பாதிக்கப்பட்ட மக்களில் பெண்களுக்கு மிகவும் அத்தியாவசியப் பொருளாக இருப்பது நேப்கின். பெண்கள் மட்டுமின்றி குழந்தைகளுக்கும் கூட நேப்கின் மிகவும் அவசியம்.

அத்தியாவசிய மருந்துகள்

மழை, குளிர், நீர் மூலமாக பரவும் நோய்களில் இருந்து பாதுகாத்துக் கொள்ள தேவையான அடிப்படை மருந்துகள் மிகவும் அவசியம்.

போர்வை

மழை மற்றும் குளிரால் பாதிக்கப்பட்டவர்களுக்கு போர்வை முக்கிய அத்தியாவசியப் பொருளாக இருக்கிறது. இது இவர்கள் மேலும் நோய்வாய்ப்பட்டு போகாமல் இருக்க உதவும். எனவே, குளிர் தாங்கும் அளவிலான போர்வைகள் அவர்களது உடல் நலத்தை காக்கும்.

நல்ல நீர்

மிகவும் அத்தியாவசியப் பொருள் நல்ல, தூய நீர் தான். உணவின்றி இரண்டு மாதங்கள் கூட ஒருவன் வாழ முடியும். ஆனால், நீரின்றி இரண்டு நாட்கள் கூட உயிர் வாழ்வது கடினம். எனவே, வெள்ளத்தால் பாதிக்கப்பட்ட மக்களுக்கு தேவையான முதல் பொருள் தூய நீர்.

சுகாதாரமான உணவு

சுகாதாரமான, தரமான உணவு அவசியம். உணவு தருவது மட்டுமின்றி, அவர்கள் உணவருந்தும் இடமும் கூட சுகாதாரமாக இருக்க வேண்டும். குறைந்தபட்சம் கிருமிகள் பரவாத இடமாக அது இருக்க வேண்டும்.

நீர் தேக்கம் இல்லாத தங்குமிடம்

அனைத்திற்கும் மேலாக, வெள்ளத்தால் பாதிக்கபப்ட்ட மக்களை உடனடியாக நீர் தேக்கம் இல்லாத இடத்திற்கு இடம்பெயர்க்க செய்ய வேண்டும். அப்போது தான் அவர்களுக்கு மேலும் உடல்நலம் பாதிக்காமல் பார்த்துக் கொள்ள முடியும்.