Monkey Fever: கர்நாடகாவில் அதிவேகமாக பரவும் குரங்கு காய்ச்சல் - இதன் அறிகுறிகள் என்னென்ன தெரியுமா?

Monkey Fever Symptoms In Tamil: கர்நாடகாவின் உத்தர கன்னடா மாவட்டத்தில் 21 குரங்கு காய்ச்சல் வழக்குகள் பதிவாகியுள்ளதாக அதிகாரிகள் தெரிவித்துள்ளனர். அந்த 21 நோயாளிகளில் 8 பேர் மருத்துவமனையில் அனுமதிக்கப்பட்டு சிகிச்சை பெற்று வருவதாகவும், மீதமுள்ள 13 பேர் வீட்டில் இருந்து சிகிச்சை பெற்று வருகின்றனர்.

குரங்கு காய்ச்சலின் மருத்துவ பெயர் கியாசனூர் காடு நோய் (KFD). இது மிகவும் தனித்துவமான நோய் மற்றும் இது ஒரு பொதுவான ஆரோக்கிய பிரச்சனையாகும். இந்த வகை குரங்கு காய்ச்சல் பெரும்பாலும் மேற்கு இந்தியாவின் மேற்கு தொடர்ச்சி மலைப்பகுதிகளில் கண்டறியப்பட்ட.து. இந்த நோய்த்தொற்றை உண்டாக்கும் வைரஸ் கியாசனூர் காடு நோய் வைரஸ் (KFD). இந்த வைரஸ் ஃபிளவிவிரிடே குடும்பத்தின் ஆர்போவைரஸ் ஆகும்.

இந்த வைரஸ் தொற்று குறித்த விழிப்புணர்வு மற்றும் முன்னெச்சரிக்கை நடவடிக்கைகளை மக்களிடம் பரப்புவதற்காக கர்நாடக அதிகாரிகள் முயன்று வருகிறார்கள். ஏற்கனவே 21 வழக்குகள் பதிவாகியுள்ளதால், இன்னும் இந்த தொற்றுக்களின் எண்ணிக்கை அதிகரிக்காமல் இருக்க அதிகாரிகள் கவனமாக உள்ளனர்.

குரங்கு காய்ச்சல் என்றால் என்ன? யாருக்கெல்லாம் இத்தொற்று ஏற்படலாம்?

குரங்கு காய்ச்சல் என்பது ஒரு பருவ கால இரத்தக்கசிலை ஏற்படுத்தும் வைரஸ் காய்ச்சல். இந்த காய்ச்சல் சில சமயங்களில் உயிருக்கே ஆபத்தை ஏற்படுத்தலாம். இந்த காய்ச்சலை ஏற்படுத்தும் வைரஸ் பெரும்பாலும் காடுகளை உள்ளடக்கிய பகுதிகளில் அதிகம் காணப்படுகிறது. எனவே தான் காட்டுப் பகுதியை சுற்றியிருப்பவர்களுக்கு இந்த வைரஸ் தொற்றின் அபாயம் அதிகம் உள்ளது.

குரங்குகளுடன் தொடர்பு கொள்ளும் மனிதர்களுக்கு இந்த குரங்கு காய்ச்சல் எளிதில் தொற்றக்கூடும். மேலும் குரங்கு கடித்தாலோ அல்லது குரைங்கு கீறினாலோ, அதன் காரணமாகவும் இந்த நோய் பரக்கூடும். இருந்தாலும், இந்த நோய் குரங்குகளால் மட்டும் பரவாது. மனிதர்களிடம் இருந்து மனிதனுக்கும் வேகமாக பரவும்.

குரங்கு காய்ச்சல் அறிகுறிகள்

குரங்கு காய்ச்சல் தொற்று ஏற்பட்டிருந்தால், பின்வரும் அறிகுறிகள் தெரியும். அந்த அறிகுறிகள் உங்களிடம் தென்பட்டால் உடனே மருத்துவரை அணுகுங்கள்.

* திடீரென்று உடல் வெப்பநிலை அதிகரிப்பது
* முதுகு வலி
* குளிர் காய்ச்சல்
* தலைவலி
* குமட்டல் மற்றும் வாந்தி
* மூட்டு வீக்கம்
* தசைவலி
* இருமல்
* மங்கலான பார்வை

நண்பர்களே! நீங்கள் கர்நாடகா பகுதிகளில் இருந்து, மேலே கொடுக்கப்பட்டுள்ள அறிகுறிகளை சந்தித்தால், சற்றும் தாமதிக்காமல் மருத்துவரை அணுகி சிகிச்சை பெறுங்கள்.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.