மூளைக்காய்ச்சல்ல இத்தன வகை இருக்கா?... பார்த்து கவனமா இருங்க... இல்ல நீங்க காலி...

மூளைக்காய்ச்சல்: வகைகள், காரணங்கள், அறிகுறிகள், ஆபத்து காரணிகள், சிக்கல்கள், தடுப்பு மற்றும் சிகிச்சை முறைகள் ஆகியவற்றைப் பற்றி இந்த கட்டுரையில் விளக்கமாகப் பார்க்கலாம்.

Updated: Monday, September 23, 2019, 12:48 [IST]

இந்திய நாட்டைத் தளமாகக் கொண்ட பல்வேறு ஆய்வுகள், மூளைக்காய்ச்சல் 5 வயதிற்குட்பட்ட குழந்தைகளின் இறப்புக்கு முக்கிய காரணங்களில் ஒன்றாகும் என்று குறிப்பிடுகின்றன. 2012 ஆம் ஆண்டில், இந்திய அரசு நாடு முழுவதும் யுனிவர்சல் நோய்த்தடுப்பு திட்டத்தில் (யுஐபி) பென்டாவலண்ட் தடுப்பூசியை அறிமுகப்படுத்தியது மற்றும் 2017 க்குள் நாடு முழுவதும் தடுப்பூசியை பயன்படுத்த வலியுறுத்தியது.

மூளைக்காய்ச்சல் பாதிப்பு குறைந்துவிட்டாலும், நாட்டில் ஆண்டிபயாடிக் எதிர்ப்பு மற்றும் விநியோகத்தின் வளர்ந்து வரும் வடிவங்களை மதிப்பிடுவதற்கு தொடர்ந்து கண்காணிப்பு தேவைப்படுகிறது. தேசத்தை பாதிக்கும் ஒரு நோய், அதன் காரணங்கள் மற்றும் அதைத் தடுப்பதற்கான வழிகள் பற்றி அறிய தொடர்ந்து படியுங்கள்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

மூளைக்காய்ச்சல் என்றால் என்ன?

மூளைக்காய்ச்சல் என்பது முதுகெலும்பு மற்றும் மூளையைச் சுற்றியுள்ள சவ்வுகளின் வீக்கத்தை ஏற்படுத்தும் ஒரு தொற்று ஆகும். கைக்குழந்தைகள், இளம்பிள்ளைகள், பதின்வயதினர் மற்றும் பெரியவர்கள் அனைவரும் மூளைக்காய்ச்சலால் பாதிக்கப்படலாம், இருப்பினும் மூளைக்காய்ச்சல் வகை வயதுக்கு ஏற்ப மாறுபடும்.

மூளை மற்றும் முதுகெலும்பைப் பாதுகாப்பது மூளையுறை. அதாவது அவை மூளை மற்றும் முதுகெலும்புகள், கிருமிகள் அல்லது ஏதேனும் அதிர்ச்சியால் பாதிக்கப்படுவதைத் தடுக்கின்றன. இந்தப் பகுதியைச் சுற்றியுள்ள திரவம் பாதிக்கப்படும்போது மூளையுறையில் வீக்கம் ஏற்படுகிறது. இது, மைய நரம்பு மண்டலத்தின் கட்டமைப்புகளைப் பாதுகாக்கும் செரிப்ரோஸ்பைனல் திரவத்துடன், மூளையுறை செயலிழப்பை ஏற்படுத்துகிறது.

வகைகள்

மூளைக்காய்ச்சல் பாக்டீரியா அல்லது வைரஸ்களால் ஏற்படுகிறது மற்றும் மூளைக்காய்ச்சல் வகைகள் அதற்கேற்ப வகைப்படுத்தப்படுகின்றன. மூளைக்காய்ச்சலின் மிகவும் பொதுவான வகைகள் பாக்டீரியா மற்றும் வைரஸ் ஆகும்.

வைரஸ் மூளைக்காய்ச்சல்

மூளைக்காய்ச்சலின் மிகவும் பொதுவான வகை, வைரஸ் மூளைக்காய்ச்சல். இது மிகவும் லேசானது மற்றும் தானாகவே குணமாகும் தன்மையைக் கொண்டது. இது பொதுவாக என்டோவைரஸ் பிரிவில் உள்ள வைரஸ்களால் ஏற்படுகிறது, இது 85 சதவீதம் பேர் இந்த வகை மூளைக்காய்ச்சலால் பாதிக்கப்படுகின்றனர்.

பாக்டீரியா மூளைக்காய்ச்சல்

இந்த வகை மூளைக்காய்ச்சல் தொற்றுநோயாகும். ஸ்ட்ரெப்டோகாக்கஸ் நிமோனியா, நைசீரியா மெனிங்கிடிடிஸ், ஹீமோபிலஸ் இன்ஃப்ளூயன்ஸா, லிஸ்டீரியா மோனோசைட்டோஜென்கள் மற்றும் ஸ்டேஃபிளோகோகஸ் ஆரியஸ் போன்ற குறிப்பிட்ட வகை பாக்டீரியாக்களால் பாக்டீரியா மூளைக்காய்ச்சல் ஏற்படுகிறது.

பூஞ்சை மூளைக்காய்ச்சல்

ஒரு அரிதான வகை மூளைக்காய்ச்சல், பூஞ்சை மூளைக்காய்ச்சல் கிரிப்டோகாக்கஸ், பிளாஸ்டோமைசஸ், ஹிஸ்டோபிளாஸ்மா மற்றும் கோசிடியோயாய்டுகள் போன்ற பூஞ்சைகளால் ஏற்படுகிறது. பூஞ்சைத் தொற்று உடலில் இரத்த ஓட்டத்தில் பரவுகிறது, இரத்த ஓட்டம் மூலம் உங்கள் மூளை அல்லது முதுகெலும்புக்கு பயணிக்கிறது.

ஒட்டுண்ணி மூளைக்காய்ச்சல்

அழுக்கு, மலம், மீன், கோழி போன்ற உணவுப் பொருட்களில் காணப்படும் ஒட்டுண்ணிகள் காரணமாக, ஒட்டுண்ணி மூளைக்காய்ச்சல் ஏற்படுகிறது. ஆஞ்சியோஸ்ட்ராங்கைலஸ் கான்டோனென்சிஸ், பேலிசாஸ்காரிஸ் புரோசியோனிஸ் போன்ற ஒட்டுண்ணிகளால் இந்த பாதிப்பு ஏற்படுகிறது.

தொற்று அல்லாத மூளைக்காய்ச்சல்

தொற்றுநோயற்ற காரணங்களின் விளைவாகவும் மூளைக்காய்ச்சல் உருவாகலாம், மேலும் இது அந்த வகையின் கீழ் வருகிறது.

காரணங்கள்

ஒவ்வொரு வகை நோய்த்தொற்றுக்கும் வெவ்வேறு காரணங்கள் உள்ளன. வைரஸ் தொற்றுகள் மிகவும் பொதுவான காரணமாக உள்ளன. மற்ற முக்கிய காரணம் பாக்டீரியா தொற்று. மற்றும் பூஞ்சை தொற்று அரிதாகவே நிகழ்கிறது.

அறிகுறிகள்

இந்த நோயுடன் தொடர்புடைய ஆரம்ப அறிகுறிகள் ஃப்ளு காய்ச்சலுடன் ஒத்தவை மற்றும் சில நாட்களில் இவை மேலும் வளர்ச்சியடைகின்றன. மூளைக்காய்ச்சல் அறிகுறிகள் ஒருவரின் வயது மற்றும் நோய்த்தொற்றின் வகையைப் பொறுத்து மாறுபடும் மற்றும் வைரஸ் மற்றும் பாக்டீரியா மூளைக்காய்ச்சலின் அறிகுறிகள் ஆரம்பத்தில் ஒத்ததாக இருக்கும்.

குழந்தைகளில் வைரஸ் மூளைக்காய்ச்சல் அறிகுறிகள் பின்வருமாறு

. எரிச்சலூட்டும் தன்மை

. பசியின்மை

. சோம்பல்

. காய்ச்சல்

. தூக்கக் கலக்கம்

பெரியவர்களில் வைரஸ் மூளைக்காய்ச்சல் அறிகுறிகள் பின்வருமாறு

. வாந்தி

. காய்ச்சல்

. தூக்கக் கலக்கம்

. கழுத்து பிடிப்பு

. வலிப்பு