டெங்கு காய்ச்சல் வந்தால் ஏன் அவசியம் கொய்யாப் பழம் சாப்பிட வேண்டும்?

வைட்டமின் சி, மீட்பை ஊக்குவிக்கிறது:

டெங்கு காய்ச்சலை போக்க குறிப்பிட்ட சிகிச்சை எதுவும் கிடையாது. இந்த நோயில் இருந்து மீள்வதற்கான வழிமுறைகளை ஊக்குவிப்பதே சரியான தீர்வாகும். இதற்கான சரியான தீர்வு அதிக அளவில் வைட்டமின் சி சத்தை உடலுக்கு கொடுப்பது தான். ஆரஞ்சு பழத்தை விட வைட்டமின் சி சத்து கொய்யாவில் அதிகம் உள்ளது

நீர்வறட்சியை தடுக்கிறது:

டெங்கு காய்ச்சலில் வாந்தியின் தாக்கம் அதிகமாக இருக்கும். தொடர்ந்து வாந்தி எடுப்பதால் உடலில் நீர்சத்து குறையும். அதனை தடுக்க கொய்யா ஜூஸ் பருகுவது நல்லது. கொய்யாவில் நீர்சத்து அதிகமாக இருப்பதால் வாந்தியால் ஏற்படும் நீர்வறட்சி சரி செய்யப்படும்.

இனிப்பு சேர்க்காத கொய்யா பழ ஜூஸ் குடிப்பது நல்லது. இனிப்பு சேர்ப்பதால் சிறுநீர் அதிகமாக வெளியேறும் . அதனால் மீண்டும் நீர் வறட்சி ஏற்படும். கொய்யாவில் உள்ள இனிப்பு சுவை வாந்தியை கட்டுப்படுத்துகிறது. மேலும் நீர்வறட்சி ஏற்படாமல் தடுக்கிறது.

நோயெதிர்ப்பு அதிகரிக்கிறது:

வைட்டமின் சி மற்றும் ஆன்டி ஆக்ஸிடென்ட்கள் நோயெதிர்ப்பு சக்தியை அதிகரிக்கின்றன. இதனால் மேலும் கிருமிகளின் தாக்கம் ஏற்படுவது தவிர்க்கப்படுகிறது.

நார்ச்சத்து செரிமானத்தை மேம்படுத்துகிறது :

டெங்கு நோயாளிகள் எடுத்துக் கொள்ளும் உணவை சரியான முறையில் செரிமானம் செய்வதில் இந்த நார் சத்து மிக்க பழம் உதவி புரிகிறது. வாந்தியால் ஏற்படும் ஊட்டச்சத்து இழப்பை இது சமன் செய்கிறது.

ஆற்றலுக்கு ஆதாரமாக விளங்குகிறது:

டெங்கு பாதிப்பால் சோர்வு, குமட்டல் மற்றும் வாந்தி அதிகமாக இருப்பதால் உடலுக்கு அதிகமான ஆற்றல் தேவைப்படுகிறது. கொய்யாவில் இயற்கை சர்க்கரை அதிகமாக இருப்பதால் க்ளுகோஸ் அதிகரிக்காமல் தேவையான ஆற்றல் கிடைக்க படுகிறது.

சிறந்த சிற்றுண்டி:

நோய் பாதிப்பால் உணவு உண்ண பிடிக்காது. ஆனாலும் உடலுக்கு ஆற்றல் தேவை என்பதை மறக்க கூடாது. கொய்யாவின் இனிப்பு சுவை , வாந்தியை கட்டுப்படுத்துவதால் அடிக்கடி கொய்யாவை சாப்பிடுவது உடலுக்கு பலத்தை கொடுக்கும். பசி நேரத்திற்கு ஒரு சிறந்த சிற்றுண்டியாக இருக்கும்.

டெங்குவிற்கு இதுவரை எந்த ஒரு சிகிச்சையும் மருந்தும் கண்டுபிடிக்க படவில்லை. ஆனால் டெங்குவால் பாதிக்க பட்டவர்கள் நீர்ச்சத்துடன் நல்ல ஓய்வில் இருக்க வேண்டியது அவசியம். இந்த நீர்ச்சத்தை தருவதில் சிறந்த பழம் கொய்யா. அதனால் கொய்யா பழத்தை அதிகமாக எடுத்து கொள்வது டெங்குவின் இருந்து மீள்வதற்கான ஒரு இயற்கையான வழியாகும்.