மாரடைப்பு வந்தால் உயிரைக் காப்பாற்ற உடனடியாக என்ன செய்ய வேண்டும் தெரியுமா? மறந்துறாதீங்க...!

அறிகுறிகளை தெரிந்து கொள்ளுங்கள்

மாரடைப்பிற்குப் பிறகு உங்களை பாதுகாக்க நீங்கள் செய்ய வேண்டியதில் முக்கியமானது, உங்கள் அறிகுறிகளை நீங்கள் எவ்வளவு விரைவாக அடையாளம் காண்கிறீர்கள் என்பதுதான். மார்பு வலி/அசௌகரியம்/அழுத்தம் போன்ற அறிகுறிகளைத் தவிர, மாரடைப்புகள் ஆண்கள் மற்றும் பெண்களிடமும், நீரிழிவு போன்ற சில முன்பே இருக்கும் சுகாதார நிலைகள் உள்ளவர்களிடமும் வித்தியாசமாக இருக்கலாம். மோசமான அஜீரணம் அல்லது குமட்டல், மிகுந்த சோர்வு, மூச்சுத் திணறல் மற்றும் பொதுவாக உடல்நிலை சரியில்லாமல் இருப்பது ஆகியவை இதில் முக்கியமானது.

உடனடியாக ஆம்புலன்ஸை அழைக்கவும்

மேலே உள்ள அறிகுறிகளில் ஏதேனும் ஒன்றை நீங்கள் உணர்ந்தால், அது மாரடைப்பு என்று உங்களுக்குத் தெரியாவிட்டாலும், நீங்கள் உடனடியாக ஆம்புலன்ஸ் அழைக்க வேண்டும் என்று மருத்துவர்கள் பரிந்துரைக்கின்றனர். நிறைய நோயாளிகள் தங்கள் அறிகுறிகளை புறக்கணிக்கிறார்கள், அதனால் அவர்கள் மருத்துவமனைக்கு வரும் நேரத்தில், அவர்களின் இதய தசை ஏற்கனவே இறந்து விடுகிறது என்று மருத்துவர்கள் கூறுகிறார்கள். உங்களுக்கு மாரடைப்பு எப்போது வரத் தொடங்கும் என்பதற்கும், அதை ஏற்படுத்தும் தடுக்கப்பட்ட கரோனரி தமனியை எவ்வளவு வேகமாக மருத்துவர்கள் திறக்க முடியும் என்பதற்கும் இடையே வலுவான உறவு உள்ளது. எவ்வளவு விரைவாக மருத்துவமனை செல்கிறீர்களா அவ்வளவு சிறந்த முடிவுகளைப் பெறலாம்.

ஆஸ்பிரின் எடுத்துக் கொள்ளுங்கள்

உங்களுக்கு மாரடைப்பு அறிகுறிகள் இருந்தால் மற்றும் ஆஸ்பிரின் எடுத்துக் கொள்ள முடிந்தால், ஆம்புலன்ஸை அழைத்த பிறகு 325 mg முழு அளவை எடுத்துக்கொள்ள பரிந்துரைக்கிறார். இல்லையெனில் 81 mg டோஸில் இருக்கும் நான்கு ஆஸ்பிரினை எடுத்துக் கொள்ளுங்கள். ஆஸ்பிரின் எடுத்துக்கொள்வது உங்கள் தமனிகளுக்குள் உருவாகும் இரத்தக் கட்டிகளில் சிலவற்றை உடைக்க உதவும், இது மாரடைப்பின் போது தமனியில் இரத்த ஓட்டத்தைத் தடுக்கிறது. விழுங்குவதற்குப் பதிலாக அதை மென்று சாப்பிட மருத்துவர்கள் பரிந்துரைக்கின்றனர், இதனால் அது உங்கள் உடலில் வேகமாகச் சேரும்.

மருத்துவமனைக்கு வாகனம் ஓட்டிச்செல்லாதீர்கள்

உங்களுக்கு மாரடைப்பு இருப்பதாக நீங்கள் நினைத்தால், உடனடியாக மருத்துவமனைக்கு வாகனம் ஓட்டிச் செல்வதற்கு பதிலாக ஆம்புலன்ஸை அழைக்கவும். நீங்கள் சுயநினைவை இழக்கலாம் மற்றும் சாலையில் உங்களை அல்லது மற்றவர்களை காயப்படுத்தலாம், அதனால் சக்கரத்தை எடுக்காமல் இருப்பது நல்லது. உங்களைச் சுற்றியுள்ள ஒருவருக்கு மாரடைப்பு ஏற்பட்டால், அவர்களை நீங்களே வாகனத்தில் கூட்டி செல்வதற்குப் பதிலாக ஆம்புலன்ஸை அழைப்பது நல்லது, ஏனெனில் அவர்களின் அறிகுறிகள் வழியில் மோசமடைந்தால் நீங்கள் அவர்களுக்கு உதவ முடியாது. கூடுதலாக, நீங்கள் சரியாக வாகனம் ஓட்டுவதில் இருந்து கவனத்தை சிதறடித்து விபத்துக்குள்ளாகலாம். ஆம்புலன்ஸில் உள்ள துணை மருத்துவர்கள் சில சிகிச்சைகள் உட்பட மருத்துவமனைக்குச் செல்லும் வழியில் சிறந்த மற்றும் விரைவான கவனிப்பை வழங்க முடியும் என்ற அர்த்தத்திலும் ஆம்புலன்ஸ்கள் உதவியாக இருக்கும்.

மயக்கத்தில் இருந்தால் CPR ஐத் தொடங்கவும்

மாரடைப்பு உள்ளவர் சுவாசிக்கவில்லை என்றால் அல்லது நீங்கள் நாடித்துடிப்பை உணரவில்லை என்றால், இரத்த ஓட்டத்தைத் தக்கவைக்க CPR (Cardiopulmonary Resuscitation) தொடங்கவும். முதலில் அவசர மருத்துவ உதவிக்கு அழைப்பதை உறுதிசெய்து, பின்னர் CPR ஐத் தொடங்கவும். கைகளால் செய்யப்படும் CPR ஆனது, ஒரு நபரின் மார்பின் மையத்தில் கடினமாகவும் வேகமாகவும் அழுத்த வேண்டும்.