கிரில் சிக்கன்னா அவ்ளோ பிடிக்குமா?... இத படிச்சிட்டு முடிவு பண்ணுங்க சாப்பிடலாமா வேண்டாமானு...

ஆராய்ச்சி தகவல்கள்

இந்த க்ரில் மாமிச உணவுகளிலிருந்து வெளியாகும் கெமிக்கலான பாலிசைக்கிளக் அரோமேட்டிக் ஹைட்ரோகார்பன் நமது சருமத்தின் வழியாக ஊடுருவி புற்று நோய் தாக்கத்தை ஏற்படுத்துகிறது. எனவே நீங்கள் அதைச் சுற்றி நின்றாலே போதும் புற்று நோய் உங்களையும் ஒட்டிக் கொள்ளும் என்று ஆச்சர்யமூட்டுகிறது ஆராய்ச்சி தகவல்கள்.

நேஷனல் கேன்சர் இன்ஸ்டிடியூட்

தேசிய புற்று நோய் நிறுவனம் கருத்துப்படி பார்பிக்யூ போன்றவற்றில் மாமிசத்தை க்ரிலில் வைத்து சூடுபடுத்தும் போது அதிலுள்ள கொழுப்புகள் மற்றும் ஜூஸை எரிந்து பாலிசைக்கிளக் அரோமேட்டிக் ஹைட்ரோகார்பனை(PAH) உண்டாக்குகிறது. இந்த நச்சுப் புகை நீங்கள் சாப்பிடும் பர்கர் மற்றும் ஸ்டீக் போன்ற மற்ற உணவுப் பொருட்களிலும் ஒட்டிக் கொள்கிறது. இந்த PHA பொதுவாக மரக்கட்டை, கரி, புகையிலை, எண்ணெய் மற்றும் வாயு போன்றவை எரியும் போது வெளியாகும் ஒரு நச்சு வாயு. எனவே நீங்கள் க்ரிஷ் மாமிச உணவுகளின் புகையை நுகர்வது புகையிலை காற்றை சுவாசிப்பதற்கு சமமாகும்.

சருமத்தினுள் ஊடுருவல்

இது குறித்து தீவிர ஆராய்ச்சி மேற்கொண்ட போது இந்த க்ரில் மாமிச உணவுகளை சாப்பிடும் போதும் மட்டுமல்ல ஏன் அதிலிருந்து வெளியாகும் புகையை கூட சுவாசித்தல், ஏன் இந்த PHA நச்சு உங்கள் சருமத்தின் வழியாகவும் ஊடுருவி தீங்கை விளைவிக்கிறது என்று அதிர்ச்சி ரிப்போர்ட் கொடுத்துள்ளனர்.

சோதனை முடிவு

சுற்றுச்சூழல் விஞ்ஞானம் மற்றும் தொழில்நுட்ப பத்திரிகையில் வெளியிடப்பட்ட தகவல் படி சில பங்கேற்பாளர்களை இரண்டு வகைகளாக பிரித்து அவர்களிடையே சோதனை நடத்தினர். வெளிப்புற பகுதிகளில் இந்த க்ரில் மாமிச உணவுகளை தயாரிக்க ஏற்பாடு செய்யப்பட்டது. இதில் அதிர்ச்சி தரும் விஷயம் என்னவென்றால் இதிலிருந்து வெளிவந்த PHA நச்சு வாயுவை சுவாசித்தவர்களின் எண்ணிக்கையை விட சருமத்தின் வழியாக ஊடுருவிய எண்ணிக்கை அதிகமாக இருந்தது.

சமையல் எண்ணெய்

இது குறித்து அமெரிக்கன் கெமிக்கல் சொஸைட்டி விளக்கிக் கூறியதாவது பார்பிக்யூ போன்ற ரெஸ்டாரென்ட்களில் பயன்படுத்தப்படும் எண்ணெய் சருமத்தின் வழியாக PHA நச்சு வாயுவை ஊடுருவச் செய்கின்றன என்கின்றனர்.

ஆடை

நீங்கள் அணிந்திருக்கும் ஆடை இந்த PHA நுகர்விற்கு ஒரு தடையாக அமையலாம். ஆனால் உங்கள் சருமம் வெளிப்படையாக இருக்குமேயானால் கண்டிப்பாக இந்த நச்சு புகை உங்களை பாதிக்க வாய்ப்புள்ளது.

எப்படி தடுப்பது?

சமைக்கும் போது அதற்கு அருகில் இருக்காதீர்கள். உங்களை முழுமையாக கவர் செய்யும் ஆடைகளை அணிந்து கொள்ளுங்கள். சமைத்த பிறகு ஆடையை நன்றாக துவைத்து பயன்படுத்துங்கள். நீங்கள் ஒரு செஃப் ஆக இருந்தால் அதிகப்படியான புகை வெளியேறுவதை தடுக்கும் படி நடந்து கொள்ளுங்கள்.

ராபர்ட் எச். ஷெர்லிங், எம்.டி என்பவர் ஹார்வர்ட் ஹெல்த் வலைப்பதிவுகளில் எழுதிய கருத்துப்படி மாமிசத்தை சமைக்கும் போது அதன் மேல் மெல்லிய சாஸ் சாற்றை ஊற்றி சமையுங்கள். இது அதிக PHA வெளியேறாமல் தடுக்கும். க்ரிலில் சமைப்பதற்கு முன் மைக்ரோவேவ் ஓவனில் வைத்து லேசாக சமைத்து கொள்ளுங்கள். இது இறைச்சியின் உள்ள ஜூஸ் கள் எரிந்து நச்சுப் புகையை வெளியிடாமல் இருக்க உதவும். இதனால் உங்கள் வாடிக்கையாளர்களும் பாதிப்படையாமல் இருப்பார்கள்.