புகைபிடித்தலும் முட்டையின் மஞ்சள் கரு சாப்பிடுதலும்... படிச்சுப் பாருங்க... ஷாக் ஆகிடுவீங்க...

புகைப்பிடித்தல்

முட்டையின் மஞ்சள் கரு, புகை பிடிப்பதால் உண்டாகும் உடல் சீரழிவை ஒத்து இருப்பதாக ஏன் கூறப்படுகிறது?

அதிரோசெலேரோசிஸ் என்னும் தமனியில் தடிப்பு ஏற்படுவதற்கும் மஞ்சள் கருவை உட்கொள்வதற்கும் தொடர்பு இருப்பதாக, கனடாவில் உள்ள வெஸ்டர்ன் பல்கலைகழகத்தில் நடத்திய ஆய்வில் ஆராய்ச்சியாளர்கள் கண்டுபிடித்துள்ளனர். தமனி தடிப்பு என்னும் மருத்துவ கோளாறு, மாரடைப்பு மற்றும் பக்க வாதம் ஏற்படக் காரணமாக இருப்பதாகும். தமனியின் சுவர்களில் படியும் கொழுப்பால் இந்த நிலை உண்டாகிறது. உயர் கொழுப்பு உட்கொள்ளல், குறிப்பாக முட்டையின் மஞ்சள் கருவைப் போன்ற ஆரோக்கியமான உணவு விருப்பங்களில் இருந்து பெறப்படும் தீங்கு கணக்கிடப்படவில்லை.

ஆராய்ச்சி

கனடிய வாஸ்குலர் தடுப்பு மருத்துவமனைக்கு வருகை புரியும் நோயாளிகளுக்கு மொத்த அடைப்பு பகுதி , மற்றும் அதிரோசெலேரோசிஸ் பாதிப்பால் உண்டான தமனி தடிப்பு அல்லது மற்ற காரணங்களினால் உண்டான தமனி தடிப்பு பற்றி பரிசோதிக்கப்படுகிறது. விளைவின் அளவைப் பற்றிய பார்வையை பெறுவதற்காக புகைத்தல் அளவும் கணக்கிடப்படுகிறது.

மஞ்சள் கரு

பல்கலைக்கழக மருத்துவமனையில் நோயாளிகளின் வாழ்க்கை முறை, மருந்து பயன்பாடு, புகைபிடித்தல் வரலாறு, ஒரு வாரத்திற்கு முட்டையின் மஞ்சள் கரு உட்கொள்ளல் போன்றவற்றை பற்றி கேள்விகள் கேட்டு விசாரிக்கின்றனர். 1262 நோயாளிகளை பரிசோதித்ததில், 40 வயதிற்கு பிறகு கரோடிட் ப்ளேக் அளவு, நிலையான வேகத்தில் அதிகரிப்பது தெரிய வந்துள்ளது. ஆனால் புகை பிடிப்பது மற்றும் தொடர்ந்து முட்டை மஞ்சள் கரு உட்கொள்ளல் போன்றவற்றால் இதன் வளர்ச்சி அதிவேகமாக அதிகரித்தது. முட்டையின் மஞ்சள் கரு உட்கொள்ளல் புகை பிடிக்கும் அளவைப் போல 2/3 பங்கு விளைவைத் தருகிறது என்று அறியப்படுகிறது.

ரத்தக்குழாய் பாதிப்பு

புகை பிடிப்பதால் இரத்தக் குழாயில் பாதிப்பு மற்றும் ப்ளேக் உருவாக்கம் என்பது நேரடி விளைவாகும். ஆனால், ஒட்டு மொத்த இரத்த கொலஸ்ட்ரால் அளவில் பாதிப்பு ஏற்படுவது இதன் மறைமுக பாதிப்பாகும். உயர் இரத்த கொலஸ்ட்ரால் அளவு, தமனிகளில் படிந்து தமனி அடைப்பு ஏற்பட உதவுகிறது. முட்டை உட்கொள்ளல் தவிர மற்ற காரணிகளும் உயர் கொலஸ்ட்ரால் அளவிற்கு காரணமாக இருக்கின்றன. அவை, உணவு அட்டவணை, எடை, உடல் செயல்பாடுகள், மரபணு போன்றவையாகும்.

இதய நோய்

முட்டையின் மஞ்சள் கருவை உட்கொள்வதால், இதய நோய் உண்டாவதற்கான அபாயம் உள்ளதாக ஆய்வுகள் கூறுகின்றன. இருப்பினும், பல்வேறு முயற்சிகளும், ஆய்வுகளும் இதனை உறுதி செய்ய தேவைப்படுகின்றன.

கொலஸ்ட்ரால்

முட்டையை சாசேஜ் மற்றும் க்ரிடுடன் இணைத்து உட்கொள்வதால் அதிக உடல் பிரச்சனை ஏற்படுகிறது. ஆனால், முட்டையின் வெள்ளை கருவை மட்டும் தேர்ந்தெடுத்து உட்கொள்வதால், கொழுப்பு மற்றும் கொலஸ்ட்ரால் உட்கொள்ளல் குறைகிறது. இதனால் இதய நோய்க்கான அபாயம் குறைக்கப்படுகிறது.

சாசேஜ்

வயிறு நிறைய சாப்பிட வேண்டும் என்பதற்காக முட்டையுடன் சாசேஜ் சேர்த்து சாப்பிடுவதற்கு முன் ஒரு முறை யோசிக்கவும். முட்டையின் மஞ்சள் கருவை தொடர்ந்து உட்கொள்வதால் உண்டாகும் உடல் தீங்கை பற்றி அறியாதவர்கள் உணவு நிபுணர்களிடம் கலந்து ஆலோசித்து ஒரு முடிவிற்கு வரவும். முட்டை உட்கொள்வதின் நன்மை தீமைகளை ஆராய்ந்து அதிக அளவு எடுத்துக் கொள்வதைப் பற்றி ஒரு முடிவிற்கு வரவும்.