இரவில் தூங்கும் முன் இந்த உணவுகளை சாப்பிடாதீங்க...

செலரி

செலரியில் சிறுநீர்ப்பெருக்கிப் பண்புகள் உள்ளது. இவற்றை மாலை அல்லது இரவு வேளையில் சாப்பிட்டால், நள்ளிரவில் அடிக்கடி சிறுநீர் கழிக்க எழ வேண்டியிருக்கும். இதனால் தூக்கம் பாதிக்கப்படும். எனவே இந்த உணவுப் பொருளை இரவு வேளையில் சாப்பிடாதீர்கள்.

சர்க்கரை உணவுகள்

சர்க்கரை உணவுகளை தூங்கும் முன் சாப்பிட்டால், அதனால் இரவில் தூக்கத்தைத் தொலைக்க வேண்டியிருக்கும் என சில ஆய்வுகள் கூறினாலும், போதுமான ஆதாரங்கள் இல்லை. இருந்தாலும், இரவில் சாக்லேட் மற்றும் இனிப்பு பலகாரங்களை சாப்பிடாதீர்கள்.

பூண்டு

பூண்டு உடலின் வெப்பநிலையை அதிகரிக்கும். இதனை இரவு வேளையில் உட்கொண்டால், அதனால் வயிற்றில் அமில உற்பத்தி அதிகரித்து, இரவில் நிம்மதியான தூக்கத்தைப் பெற இடையூறாக இருக்கும்.

மது

உண்மையில் மது தூக்கத்தின் தரத்தைக் குறைத்து, உடலுக்கு போதுமான ஓய்வு கிடைக்கப்பெறாமல் செய்யும். மேலும் மது உடலை வறட்சியடையவும் செய்யும்.

ஐஸ் க்ரீம்

ஐஸ் க்ரீமில் கொழுப்புக்கள் அதிகம் உள்ளது. இதனை இரவில் படுக்கும் போது சாப்பிட்டால், அதில் உள்ள கொழுப்புக்கள் கரைக்கப்படாமல், உடலிலேயே தங்கி உடல் பருமனுக்கு வழிவகுக்கும்.

புகைப்பிடிப்பது

புகைப்பிடித்தால் பல ஆண்களும் டென்சன் குறைவதாக கூறுகின்றனர். ஆனால் இதைப் பிடித்தால், நுரையீரல் பாதிக்கப்படுவதோடு, இரவில் தூங்க முடியாமல் அவஸ்தைப்படக்கூடும். மேலும் சிகரெட் பழக்கம் குறட்டை மற்றும் தூக்கமின்மையை உண்டாக்கும்.

காபி

இரவில் தூங்கும் முன் காபி குடிப்பது மிகவும் தீங்கு விளைவிக்கும் ஓர் பழக்கம். இதற்கு அதில் உள்ள காப்ஃபைன் என்னும் பொருள், நம்மை எப்போதும் விழிப்புணர்வுடன் இருக்க செய்யும்.