உடலில் அதிக கொழுப்பு இருந்தால் இதை இழக்க வேண்டியதிருக்கும் என்பது தெரியுமா?

புதிய ஆய்வு :

ஆஸ்திரேலியாவிலுள்ள குயின்ஸ்லேண்ட் பல்கலைக் கழகத்தில் உடலில் அதிக சேரும் கொலஸ்ட்ராலால் உண்டாகும் பிரச்சனைகளை ஆய்வ் செய்தனர்.

கொழுப்பினால் மற்ற வியாதிகளை விட எலும்பை இழக்க வேண்டிய ஆபத்து அதிகம் என தெரிய வந்துள்ளது.

இணைப்பு திசுவில் பாதிப்பு :

எலும்புகளை இணைக்கும் பகுதிகள் எலும்பு உராய்வை தடுப்பதற்காக இயற்கை நமது உடலில் அமைத்திருப்பதுதான் குஷன் போன்ற இணைப்புத் திசு பகுதி.

அந்த பகுதிகளிலுள்ள செல்களை சிதைவுக்குள்ளாக்குகிறது அதிக கொலஸ்ட்ரால். இதனால் விரைவில் செல் இரப்பு விகிதம் அதிகமாகிறது.

ஆஸ்டியோ ஆர்த்ரைடிஸ் :

இதன் விளைவாக எலும்புகள் தேய்மானம் அதிகமாகி ஆஸ்டியோ ஆர்த்ரைடிஸ் என்னும் நோய் உண்டாகிறது.

அதாவது நீங்கள் என்னதான் கால்சியம் அதிக சாப்பிட்டாலும், இனைப்பு திசு பாதிக்கப்படும்போது கால்சியம் எலும்பில் சேர்வதில்லை. இதனால் இந்த நோய் உண்டாகிறது.

சோதனை எலிகள் :

இந்த ஆய்விற்காக க்யின்ஸ்லேண்ட் பல்கலைக் கழக தலைமை ஆய்வாளர் இந்திரா ப்ரசாதம் மற்றும் அவர் குழுவினர் இரு எலிகளைக் கொண்டு பரிசோதனை செய்தனர்.

கொழுப்பு உணவுகள் :

ஒரு எலிக்கு அதிக கொழுப்பு உணவுகளும், மற்றொரு எலிக்கு தரமான டயட்டும் தரப்பட்டது. இதில் அதிக கொழுப்புகளை உண்ட எலிக்கு எலும்பு உற்பத்தி குறைந்து எலும்பு பாதிக்கப்பட்டது. மற்றொரு எலிக்கு எந்தவித பாதிப்புமில்லை.

ஆய்வின் முடிவு :

பின்னர் இணைப்புதிசுவில் அதிக ஆன்டி ஆக்ஸிடென்ட் மற்றும் கொழுப்புகளை குறைக்கும் மருந்துகளையும் அளித்தனர்.

இதன்பின்னர் கொழுப்பு குறைந்து இணைப்பு திசு பலம்பெற்று ஆஸ்டியோ ஆர்த்ரைடிஸ் குணமானது என ஆய்வில் தெரிவித்தனர். இதன் பற்றிய விரிவான ஆய்வு FASEB இதழில் வெளிவந்துள்ளது.