மூளைக் கோளாறுகளைத் தடுக்க உதவும் சிறந்த உணவுகள்!!!

கிரீன் டீ

கிரீன் டீயில் உள்ள ஆன்டி ஆக்ஸிடன்ட் நமது உடலில் உள்ள கழிவுகளை அகற்ற உதவுகின்றது. கிரீன் டீயில் உள்ள பாலிஃபீனால்கள், மூளையில் புரதக் கட்டமைப்பு உருவாவதைக் குறைக்கிறது. அதன் காரணமாக டிமென்ஷியா நோயின் அபாயமும் நமக்கு குறைகின்றது. பாலிஃபீனால்கள் நினைவாற்றல் மற்றும் மூளையின் இணைப்புகளை அதிகரிக்கின்றது.

கீரை

கீரையில் பொட்டாசியம் அதிகமாக உள்ளதால், அது மூளைக்கு உகந்த சிறந்த உணவுகளில் ஒன்றாக கருதப்படுகிறது. பொட்டாசியம் மூளையின் மின்னணு கடத்தும் ஆற்றலை பராமரிக்க உதவுகிறது. மேலும் அது மூளையின் செல்கள் சேதம் அடைவதைத் தடுப்பதுடன் டிமென்ஷியா நோயின் ஆபத்தையும் குறைக்கிறது.

ஆப்பிள்

ஆப்பிளில் ஃப்ளேவோனாய்டு என்கிற ஒரு நறுமணப் பொருள் உள்ளது. இது ஒரு சக்திவாய்ந்த ஆன்டி-ஆக்ஸிடன்ட்டாக பயன்படுகின்றது. இது பார்கின்சன், மற்றும் அல்சைமர் நோய் போன்ற நரம்புமண்டல நோய்களுக்கு எதிராக மூளையைப் பாதுகாக்கிறது. ஆப்பிள், நரம்பு செல்கள் சேதமடையாமல் பாதுகாக்கிறது. மேலும் இது, நுரையீரல், மற்றும் புரோஸ்டேட் புற்றுநோய் ஆபத்தையும் குறைக்கிறது.

அவகோடா

அவகோடாவில் உள்ள கனிமங்கள் இரத்தத்தில் ஆக்ஸிஜன் உற்பத்தியாவதை ஊக்குவிக்கின்றது. அதோடு இல்லாமல், அவகோடாவில் உள்ள ஆன்டி-ஆக்ஸிடன்ட்கள், உடலில் உள்ள கழிவுகளால் ஏற்படும் ஆக்ஸிஜனேற்ற விஷத்தன்மை அழுத்தம் மற்றும் செல்களில் ஏற்படும் வீக்கம் போன்றவற்றையும் தடுக்கின்றது.

மஞ்சள்

மஞ்சளில் காணப்படும் குர்குமின், ஒரு இயற்கையான ஆன்டி ஆக்ஸிடன்ட் ஆகும். இதனுடைய வீக்கத்தைக் குறைக்கும் பண்பானது, மூளையில் ஏற்படும் காயங்களை குணப்படுத்தி புலனுணர்வு பலவீனத்தை சரிகட்ட உதவுகின்றது.